…

Февраль чиқиб келар катта саҳнага
Бир қўлда таёғи, бир қўлда байроқ.
Таъриф бериш мумкин ушбу санага:
У ойлар ичида аслида ойроқ.

Бойчечак титранар, паналар қарға,
Февралнинг бағрида хавотир яшар –
Кўксига санчилган ханжарни зўрға
Судраб кетаётган жангчига ўхшар.

Февраль вазмин боқар, оқарган сочи,
Нуроний чеҳрасин силайди оқ қор.
Аммо нима қилсин, йўқдир иложи –
Иккинчи юзида кўкарар баҳор.

Табиат чинқирар: “Тезроқ тугайқол,
Ҳали йўлиқмовдик сендек номардга...”
У шунда... ўзини сезиб айбдор,
Айланиб кетади тугамай, мартга.

@Xayrulla_Hamidov_adabiyot