Assalomu alaykum, qadrli kanal kuzatuvchilari! Ishlar bilan boʻlib, kanalga yozolmay qoldim. Buning uchun uzr soʻrayman. Izohlarda Ibn Xaldunning Muqaddima asari haqida fikrimni soʻrashibdi. Toʻgʻrisini aytsam, hali bu kitobni oʻqiganim yoʻq. Oʻqishni niyat qilganman. Faqat bu kitobni emas, oʻzi umuman hamma kitobni, hamma piar qilingan narsalarni olishga shoshilmayman. Sizlarga ham shuni maslahat beraman. Nega bunday qilishimiz kerak? Biz hozirda "axborot asri"da yashayapmiz. Insonlarning ongini egallashga poyga ketayotgan davrdamiz. Piar ham aslida axborot xuruji deb bilaman. Piarni 2 xilga ajrataman: yaxshi va yomon. Kitob oʻqishga, sogʻlom turmush tarziga rioya qilishga undash kabilar yaxshi piar. Axloqiy buzuqlikka, yoshlarning vaqtini behuda sarflashga chorlovchi piarlar esa yomon piar deyman. Internetda koʻplab kitoblar piar qilinadi. Qanday qilinishini koʻpchiligingiz bilasiz: taniqli insonlar, bloggerlarga reklama qildirish, instagramda "rek"ka chiqarish va hokazo. Shundan sotib olish va mutoala uchun eng yaxshilarini saralash kerak. Buning uchun piar ketayotgan payti kitob yoki mahsulotni sotib olmayman. Biroz kutaman. Insonlar sotib olgandan keyin, ularning fikrini soʻrayman, izohlarini oʻqiyman. Iloji boʻlsa, kitob yoki mahsulotning oʻzini qarab koʻraman. Shularga koʻra, qaror qabul qilaman. Sizlarga ham shunday qilishni tavsiya qilaman.

P.s.1: Kitobni koʻp oʻqish kerak. Lekin, vaqt va mablagʻ chegaralanganligi sababli yaxshi kitoblarni birinchi oʻqib chiqish kerak.

P.s.2: Shuncha yozilganlarni erinib oʻqib chiqqanlar xayolidan oʻtgan fikr: shuni bitta qilib oʻqiganim yoʻq, deb qoʻysa boʻlardi😏.