Farxod Zayniyev

Брутто шартнома тизимига ўтилганидан кейин жамоат транспорти ҳаракати анча барқарорлашди, оралиқ бекатларга келиш ва кетиш, белгиланган ҳаракат интервали ва мунтазамли тизимли йўлга қўйилди. Лекин бу ислоҳотларнинг самарасини баъзи йўловчилар суиистеъмол қилишмоқда. Чипта сўрашмас экан, демак бепул юрса ҳам бўлади, деб ҳисоблашмоқда.

Бу эса нафақат тизимнинг барқарорлигини, балки унинг молиявий асосларини ҳам заифлаштиради. Жамоат транспорти умумий манфаатга хизмат қиладиган хизмат ва ундан фойдаланган ҳар бир шахс хизмат ҳаққини тўлаши шарт. Бундан буён тўлов назоратини кучайтириш ва йўловчилар маданиятини ошириш масалалари кун тартибига қатъий қўйилиши керак.

Акс ҳолда бу ислоҳотлар самарасиз бўлади ва натижа бермаслиги мумкин!

👉 @deputat_f_zayniyev

Prezident Shavkat Mirziyoev yana bir bor tadbirkorlikni rivojlantirish va qulay biznes muhitini shakllantirish davlat siyosatining strategik yo‘nalishi ekanligini tasdiqladi.

Davlat rahbari tomonidan e’lon qilingan bugungi tashabbuslar kichik va o‘rta biznesni rivojlantirish, davlat va tadbirkorlar o‘rtasida ishonchli munosabatlarni shakllantirishga yo‘naltirilgan.

2025 yilda kichik va o‘rta biznesni rivojlantirish uchun barcha manbalardan 10 milliard dollar ajratilishi e’lon qilindi. Mamlakatimiz tarixida tadbirkorlikni qo‘llab-quvvatlash uchun bunchalik katta mablag‘ yo‘naltirilmagan bo‘lib, bu soha iqtisodiyotining ahamiyatini yana bir bor ko‘rsatadi.

Shuningdek, yoshlar va ayollar tadbirkorligini rivojlantirishga alohida e’tibor qaratilib, 2,5 trillion so‘m yoshlarning, yana shuncha mablag‘ ayollar rahbarlik qilayotgan loyihalarga yo‘naltiriladi. Ayol tadbirkorlarga kredit stavkalari 2 foizga arzonlashtiriladi.

Tadbirkorlik jarayonlarini yengillashtirish va ma’muriy to‘siqlarni kamaytirish maqsadida yangi tartiblar joriy etilmoqda. Misol uchun, ilgari barcha tadbirkorlar, katta yoki kichik bo‘lishidan qat’iy nazar, o‘z faoliyatini tugatishda moliyaviy auditdan o‘tishi talab qilingan bo‘lsa, endi bu jarayon soddalashtirildi.

Oxirgi uch yillik aylanmasi 10 milliard so‘mdan oshmagan va soliq qarzi bo‘lmagan korxonalar tekshiruvsiz yopilishi mumkin. Bu byurokratik jarayonlarni qisqartirib, tadbirkorlar uchun qulay shart-sharoitlar yaratadi.

Soliq tizimida barqarorlikni ta’minlash maqsadida 2028 yilgacha QQS va foyda solig‘i stavkalari oshirilmasligi belgilandi. Bu tadbirkorlarga uzoq muddatli rejalar tuzish va o‘z biznesini barqaror rivojlantirish imkonini beradi.

Davlat tomonidan kichik va o‘rta biznesga yuklatiladigan qo‘shimcha talablarni cheklash uchun uch yillik moratoriy e’lon qilindi. Bu tadbirkorlarning huquqiy himoyasini mustahkamlab, ular uchun barqaror biznes muhitini ta’minlaydi.

Fermerlar uchun muhim yengilliklar joriy etildi. Ular to‘plangan va o‘z vaqtida to‘lay olmagan soliqlar bo‘yicha 1 trillion so‘mlik penyalardan ozod qilinadi. Bu chora fermerlarning moliyaviy ahvolini yaxshilab, qishloq xo‘jaligi sektorida ishonchlilikni oshiradi.

Ko‘rinib turibdiki, mazkur tashabbuslar tadbirkorlikni yanada rivojlantirish va tadbirkorlar uchun qulay muhit yaratishga qaratilgan. Kichik va o‘rta biznes faqat iqtisodiyotning bir qismi emas, balki aholi farovonligining asosi sifatida ko‘rilayotgani bu islohotlarda o‘z aksini topmoqda.

Ma’muriy to‘siqlarni kamaytirish, moliyaviy yordam va huquqiy kafolatlar davlat va tadbirkorlar o‘rtasida ishonchli munosabatlarni shakllantirib, mamlakat iqtisodiy taraqqiyoti uchun mustahkam zamin yaratadi.

👉 @deputat_f_zayniyev

Хизматлар соҳасини ривожлантириш бўйича ўтказилган йиғилишда сўнгги йилларда хизматлар соҳаси мамлакатимиз иқтисодиётининг муҳим драйверига айлангани таъкидланди.

Хусусан, 2018-йилда 19 миллиард доллар бўлган хизматлар ҳажми 2024-йилда 65 миллиард долларга етиб, 3,5 баробардан ортиқ ўсган.

Шу билан бирга, IT, молиявий хизматлар, туризм, авиация, таълим ва тиббиёт каби соҳаларда янада ривожланиш зарурлигини қайд этилиб, ҳудудларда хизматлар бир текисда ривожланмаётгани ҳам танқид қилинди.

Масалан, Нукус туманида ўтган йили 363 миллиард сўмлик хизматлар кўрсатилган бўлса, аҳолиси ундан икки баравар кўп бўлган Гулистон туманида бу кўрсаткич 30 миллиард сўмга кам. Бу айрим ҳудудларда яширин иқтисодиётнинг юқорилигидан далолат беради.

2025 йил учун белгиланган мақсадларга эришиш, жумладан, хизматлар ҳажмини 82 миллиард долларга, экспортини эса 8,5 миллиард долларга етказиш учун барча даражадаги ҳокимият органларининг мувофиқлаштирилган саъй-ҳаракатлари зарур.

Айниқса, ичимлик суви таъминоти, канализация ва йўл қурилиши каби соҳаларда хусусий сектор иштирокини ошириш муҳимлиги таъкидланди.

Бундан ташқари, хизматлар соҳасида шаффофлик ва самарадорликни ошириш учун рақамлаштириш ва замонавий технологияларни жорий этиш муҳимлиги қайд этилди.

Масалан, тиббий ускуналарни рўйхатдан ўтказиш ва лабораторияларни аккредитатсиядан ўтказишдаги кечикишлар ушбу соҳаларга инвестиция киритмоқчи бўлган тадбиркорлар учун тўсиқ бўлаётгани маълум қилинди.

Умуман олганда, йиғилишда хизматлар соҳасини ривожлантиришда ҳудудий хусусиятларни ҳисобга олган ҳолда, хусусий инвестициялар ва инновациялар учун қулай шароитлар яратишга қаратилган комплекс ёндашув зарурлиги таъкидланди.

Юқорида келтирилган чора-тадбирлар мамлакатимиз иқтисодиётининг барқарор ўсишини таъминлаш, аҳоли бандлигини ошириш, ҳудудларнинг мувозанатли ривожланишини қўллаб-қувватлаш, яширин иқтисодиётни қисқартириш ва янги сармояларни жалб қилиш орқали аҳоли фаровонлигини юксалтиришга хизмат қилади.

👉 @deputat_f_zayniyev

Бирор абонентнинг қарзи учун бутун уйни иссиқ сув ва иссиқликдан маҳрум қилиш — қонунга зид. Чунки ҳар бир абонент билан алоҳида индивидуал шартнома тузилган бўлиб, ҳар ким фақат ўз мажбуриятлари учун жавоб беради.

Агар қарздорлик мавжуд бўлса, бунга қарши қонуний чоралар мавжуд. Масалан, судга мурожаат қилиш ва қарзни тегишли органлар орқали ундириш мумкин. Бу жараён бошқа ҳақ тўловчи фуқароларнинг ҳуқуқларини бузмаслиги керак.

Veolia Energy компанияси фуқароларни қўрқитиш ўрнига, ишни қонун доирасида ҳал қилиш ва қарздорлар билан қонуний механизмлар орқали иш олиб бориши керак.

Агар Veolia Energy бутун уйни иссиқлик энергиясидан узса, бу қонунбузарлик сифатида баҳоланади ва компания жавобгарликка тортилади. Истеъмолчилар хизматларни тиклаш ҳамда моддий ва маънавий зарар учун компенсация талаб қилиш ҳуқуқига эга. Шунингдек, бу ҳолат компанияга жарималар қўлланилишига ва нуфузига жиддий зарар етказиши мумкин.

👉 @deputat_f_zayniyev