O'tgan hayotimda seni ko'rganman,
Yoningda hammadan baxtiyor edim.
Qiyin kuningda ham birga bo'lganman,
Sen shamol, yaproqday xokisor edim.

Lekin bu dunyoda bari boshqacha,
Baxtli bo'lamizmi sen-la qaytadan?
Men seni kutaman o'ttiz yoshgacha,
Topmasang, yashayman bo'lib darbadar.

Nigoh, o'sha nigoh tushar yodimga,
Bilmadim, qancha vaqt o'tgan oradan.
Quyoshning nuridan tushgin yonimga,
Yoki paydo bo'lgin tunda qoradan...

@cooleddowncoffee