O'tgan hayotimda seni ko'rganman,
Yodimda nigohing, yodimda ko'zing.
Go'zal kokilingni asta o'rganman,
Axir yagonamsan, farishtam o'zing.

Lekin, bu dunyoda bari boshqacha,
Foniy boqiylikni o'zlashtirmaydi.
Seni izlab borgum to quyoshgacha,
Yo'qsa taqdir bizni yuzlashtirmaydi.

Nigoh, o'sha nigoh tushar yodimga,
Sen deb bo'lolmaydi hayolim erkin.
Agar ko'kda bo'lsang tushgin yonimga,
Agar yerda bo'lsang ko'rinish bergin...

©️Xushnudbek Suyunov