Firibgarlar tomonidan qo’llanilayotgan psixologik usullar

Bugungi kunda firibgarlar fuqarolarning ishonchiga kirish maqsadida ularning his-tuyg’ulariga ta’sir qilish uchun quyidagi jumlalardan faol foydalanishmoqda:

1) “Muammoni hal qilish uchun Sizda bir necha daqiqa bor xolos” - bu orqali masala shoshilinch ekanligi o’qtirilib, o’ylab olish yoki ma’lumotni tekshirishga vaqt berilmaydi;

2) “Biz Sizga yordam bermoqchimiz, Siz esa hamkorlik qilishni istamayapsiz” - ushbu orqali insonda aybdorlik hissini uyg’otishga va “beminnat yordamchilar” so’zlariga ishontirishga harakat qilinadi;

3) “Sizning pullaringiz xavf ostida ularni darhol xavfsiz hisobraqamga o’tkazish lozim” - fuqaroda yo'qotish hissini uyg'otilib, qo'rqitish orqali samarali natijaga erishiladi;

4) "Bu haqda boshqalarga aytmasangiz, biz muammoni tezroq hal qilamiz" - firibgarlar potensial "o'lja"ni yaqinlari bilan maslahat qilishga yo'l qo'ymaslik uchun uni yiroqlashtirishga urinishadi;

5) "Keling darhol hal qilamiz, yo'qsa jiddiy oqibatlar yuzaga keladi" - mazkur usul orqali fuqaro jazolanish bilan qo'rqitilib, tezkor harakat qilishga majbur qilinadi.

🚀 Telegram | 🔵 Facebook
🎬 YouTube | 📷 Instagram