Тарозига ўхшаган

Шоир Шеркамол

Шомда қуёш сўлғин ботади
Ўйламайди тепада ҳардам
Ор-номусни пулга сотади
Тарозига ўхшаган одам.

Сўз берса гар сўзидан тонар
Юрган йўл-у, изидан тонар
Вақти келса ўзидан тонар
Тарозига ўхшаган одам..

Оғир келса вазнинг яхшисан
Ўйинчисан бирда бахшисан
Шайтонларнинг қўйган нақшисан
Тарозига ўхшаган одам..

Кўнгил сўзи бир пулга қиммат
Пора берсанг қиларлар ҳурмат
Билмадим бу қандайин илълат
Тарозига ўхшаган одам..

Ким эканин эсламас нодон
Кўрган кулиб изидан ҳайрон
Чўзилибди тиллари бурон
Тарозига ўхшаган одам..

Тарозисиз битмас ишларинг
Ўтмай қолар баҳор-қишларинг
Тугамайди ҳеч таш-вишларинг
Тарозига ўхшаган одам..

Шеркамол айт кўпдир тарози
Кимлар рози кимлар норози
Бўлолмагай У, Элга қози
Тарозига ўхшаган одам...

@Sherkamol_Sherlari