Savol: Xodimlarga qishloq xo‘jalik maxsulotlarini sotib olishi uchun pul mablag'i bersak bo‘ladimi, xodimlar uchun imtiyozlar mavjudmi?

Javob: Xodimlarga qishloq xo‘jalik maxsulotlarini sotib olish uchun pul mablag‘i berish mumkin.

Soliq kodeksi 378-moddasiga asosan soliq davri (kalendar yil) uchun mehnatga haq to‘lashning eng kam miqdorining 4,22 baravarigacha (1.155.000*4,22 = 4 874 100) miqdorda qishloq xo‘jaligi mahsulotlarini sotib olish uchun mablag‘lar berish tarzida ko‘rsatiladigan moddiy yordam summalari jismoniy shaxslar daromad solig‘iga tortilmaydi.

Bundan tashqari Soliq kodeksi 377-moddasida qishloq xo‘jaligi mahsulotlarini sotib olish uchun mablag‘lar berish tarzida ko‘rsatiladigan moddiy yordam boshqa daromad sifatida ko‘rsatilgan. Soliq kodeksi 403-moddasiga muvofiq boshqa daromadlar ijtimoiy soliq obyekti hisoblanmaydi

Xulosa: 4 874 100 so'm miqdoridan oshmagan qishloq xo‘jaligi mahsulotlarini sotib olish uchun berilgan moddiy yordam summalari jismoniy shaxslardan olinadigan daromad solig‘iga va ijtimoiy soliqga tortilmaydi.

Asos: O‘zbekiston Respublikasi Soliq kodeksi 377, 378, 403-moddalari.

Manba: @AfzalRaximov