1980-yillar oxirida Guido van Rossum, Niderlandiyalik dasturchi, ABC dasturlash tilida ishlagan. ABC o‘quvchilar uchun o‘rganish oson til bo‘lsa-da, uning ba’zi kamchiliklari Guido'ni bezovta qilar edi. Shu bois, u bu kamchiliklarni bartaraf etadigan va foydalanuvchilar uchun qulay dasturlash tilini yaratishga qaror qildi.

1989-yilning Rojdestvo bayrami kunlari, Guido yangi loyiha ustida ishlashga kirishdi. Bu loyiha keyinchalik dunyoga mashhur Python dasturlash tiliga aylandi. Dastlab, tilni ishlab chiqishda asosiy maqsad:

O‘rganish oson bo‘lishi,
Ishonchli va kengaytiriladigan,
Turli dastur sohalariga mos keladigan dasturlash tilini yaratish edi.
Nima uchun Python?
Ko‘pchilikning hayoliga bir savol keladi: "Nima uchun bu tilga aynan Python deb nom berilgan?" Buning javobi oddiy. Guido van Rossum “Monty Python’s Flying Circus” nomli britaniyalik komedik shouni yoqtirar edi. Shu bois, yangi tilga jiddiy, texnik nom emas, balki yengil va esda qolarli nom berishni tanladi.

Birinchi reliz
Python’ning birinchi versiyasi, Python 1.0, 1991-yilda chiqdi. Unga quyidagi asosiy xususiyatlar kiritilgan edi:

Funksiyalar,
Modullar,
Exceptionlar (xatolarni qayta ishlash),
Dinamik turdagi ma’lumotlar turlari (list, dictionary, va hokazo).
Bu dasturlash tili dasturchilar tomonidan darhol iliq kutib olindi. Chunki u boshqa tillarga qaraganda sodda edi va kod yozishni sezilarli darajada osonlashtirgan edi.

Python’ning rivojlanishi
Python keyingi yillarda doimiy ravishda rivojlandi. Har bir yangi versiya bilan tilning imkoniyatlari oshirildi:

Python 2.x (2000): Bu versiya keng miqyosda foydalanildi. Ammo unda Unicode bilan ishlashdagi cheklovlar va boshqa ba’zi texnik kamchiliklar mavjud edi.
Python 3.x (2008): Python 3 tilning sintaksisida va ichki mexanizmlarida katta o‘zgarishlar qildi. Bu eski versiya bilan to‘liq mos kelmas edi, lekin yangi xususiyatlari sababli dasturchilar tezda unga o‘tishni boshlashdi.