Hali kechroq avtobusga chiqqandim. Yo'lda bir yigit kelib: " aka plastigiz avtobusga urishga plastigiz bormi? dedi. Plastigim yo'qkuya programmadan to'lavoramiz dedim va to'ladik. Keyin hamma cho'ntagini kovlab ketti,kiyimlaridan ko'rinib turibdi ancha qiynalgan odam, bir ko'zi ham ko'rmaskan menimcha. U odamni ko'rib men qo'yuvring aka, shartmas pulini berishiz roziman dedim. Keyin u odam ko'zimga qarab biroz kulimsirab: " Aka qiyomatda bu uchun qanday javob beraman dedi?" Nima deyishinniyam bilmay qarab qoldim. U esa cho'ntagimga pulni tiqib tushib ketdi. Avtobusdan tushib haligi cho'ntagimga qo'limni tiqsam eski 1000 so'mlik qog'oz qatlangan pul va 2ta tanga solgan ekan. Katta ehtimol bu uning oxirgi pullari edi, cho'ntagini qayta- qayta titganidan bildim. Hozir qo'limda shu qatlangan ming so'mlik va hayolimda shu odamni gapi aylanyabdi, " Qiyomatda qanday javob beraman?...
E'tibor berganmisilar doim shunday rostan qiynalgan odamlar mard bo'ladi yoki mard bo'lgani uchun qiynaladi.