Ingliz tili hayotimni o'zgartirdi. Men ingliz tilini urganishimdan oldin maktabda juda yaxshi o'qiganman, 11 yil sinf sardori bo'lganman, tumandagi deyarli hamma she'riyat va kitobxonlik musobaqalarini yutganman, kitob yozganman va hokazo. Lekin, kichikkina qolibchaga o'ralashib qolgan edim. O'sish, yangi narsalarni urganish, o'z ustimda ishlash, dunyo qarash nol edi. Men oltin ko'zaga o'xshardim - tashqaridan qarasa hammasi a'lo, lekin ichi bo'm-bo'sh ko'zacha, birozgina bosim bo'lsa sinib ketadigan ko'zacha.
Keyin esa ingliz tilini urgandim va eng zo'r psixologlar, yozuvchilar, professorlar, va olimlarni kitoblarini o'qishni va suhbatlarini ingliz tilida tomosha qilishni boshladim. Bo'm-bo'sh ko'zacha sekin sekin to'lishni boshladi, hammasi o'zgardi. Omar Suleymondan iymonni urgandim, qanchalar iymonsizligimni urgandim. Odamlarni yonida o'zimni yaxshi ko'rsatish uchun chiroyli niqob qilib olgan dindor so'zidan voz kechdim. Boshimni sajdaga qo'ysam o'zimni yaxshiroq his qilish uchun yoke o'zimni boshqalarga yaxshiroq ko'rsatish uchun emas ro'paramda qanday zot turganini bilganim, unga o'zimni topshirganim uchun sajda qilaman dedim.
Jordan Patersondan o'zimni urgandim, qanchalar razil va zaif qalb egasi ekanligimni urgandim. Yomon ishlar qilmasligimni sababi yomon ish qilishni xoxlamaganim emas. balki yomon ish qilish uchun hali qobilyatim ham yetmasligini urgandim. Maxluq emasligimni sababi maxluq bo'lishni yomon deb bilganim emas, balki maxluq bo'lish uchun hali tishim o'tmaslik qilishini angladim. Avvalo maxluq bo'lishga keyin esa o'sha maxluqni boshqarishga qaror qildim. Yashashdan maqsad xursandchilik yoke obru to'plash emas, balki nimalarga qodir ekanligimni bilish uchun sarguzasht bo'lishi mumkinligini angladim. Ha aytgancha, Jordan Patersonni avvalgi zulm va azob haqida aytgan gaplari bilan yaqinda Falastin va Isroil haqidagi fikrlari orasidagi farqdan har kim xato qilishini, hamma ham o'zini aldashini, gapiradigan gapidan qiladigan ishi farqli bo'lishini tushundim.
David Gogginsdan esa nimalarga qodir ekanligimni urgandim. Bu Suhrob bir loy parchasi ekanligini, xoxlasam bu loy parchasidan zaif yoke semiz kasalmandni yasashim mumkinligi yoke xoxlasam uni sinmas mashinaga aylantirishim mumkinligini urgandim. Agar qaror qilsam, o'zim xoxlamagan vaqt ham o'zimni majburlasam, dunyoni zabt etishim mumkinligini urgandim. Hayotda o'yin-kulgu, quvonch berolmaydigan rohatni azob, qiyinchilik berishi mumkinligini urgandim.
Andrew Tatedan hammasi o'zimga bog'liq ekanligini, mendan boshqa hech kimni aybi yo'q ekanligini urgandim. Albatta men uni ayrim fikrlariga qo'shilmasligim mumkin, lekin bu degani uni boshqa fikrlaridan foydalanmasligim kerak degani emas [ axir men ota-onamni ham ayrim fikrlariga qo'shilmayman ]. Andrew Tatedan menda shijoat, matonat, va bardosh yetishmasligini urgandim, Maqsadlarimga erishmaganimni sababi o'qigan maktabim, yashagan qishlog'im, yoke atrofdagi odamlar emas balki maqsadlarimga erishishni yetarlicha xoxlamaganim, yetarlicha harakat qilmaganimni tushundim.
Douglas Macgregordan siyosatni o'yinlarini urgandim. Urushda g'oliblar yoke mag'lublar, yaxshilar yoke yomonlar bo'lmasligini urgandim. Telegramda aytib bo'lmaydigan narsalarni urgandim.
Ingliz tilini puxta urgansangiz, o'z yo'nalishini ustalarini eshitsangiz, o'qisangiz dunyo biz o'ylagandan ko'ra biroz kattaroq ekanligi, odamlar biz o'ylagandan ko'ra biroz murakkabroq ekanligi, hayot esa biz o'ylagandan ko'ra biroz qiziqroq ekanligini tushunasiz. Ingliz tili faqatgina baland binolari, boy odamlari bor mamlakatga borish uchun emas, ilm olish uchun, o'zini soxasini otalari bilan tanishish uchun ham urganilishi kerak.
@WRITING_T
