BBA | Sirdaryo viloyati (rasmiy kanal)

#taqiqlangan_vositalar

📢 Chet tilini bilish darajasini aniqlash test sinovida ishtirok etadigan TALABGORLAR DIQQATIGA!

📵 Hurmatli talabgorlar! Sizlardan 5-6-aprel kunlari bo‘lib o‘tadigan chet tilini bilish darajasini aniqlash test sinovlariga yuqorida ko‘rsatilgan taqiqlangan vositalarsiz kelishlaringizni so‘raymiz.

✅ Vazirlar Mahkamasining 2022-yil 16-fevraldagi 73-sonli qarori asosida tasdiqlangan Nizomga muvofiq talabgorlar test sinovi o‘tkaziladigan binoga yoki auditoriyaga taqiqlangan vositalar olib kirishga harakat qilsa, olib kirsa yoki ulardan foydalansa test sinovidan chetlashtirilishi va test natijalari chiqarilmasligi belgilangan.

☝️Shu sababli, barcha talabgorlardan ruxsatnomasida belgilangan vaqtdan kechikmagan holda shaxsini tasdiqlovchi hujjat (pasport yoki ID-karta) bilan kelishlarini, ortiqcha buyum (telefon, quloqchin, sumka, soat, kalit, plastik karta, tilla ziraklar, kitoblar va boshqalar)larni olib kelmasliklarini qat’iy so‘rab qolamiz.

👉 @BBASirdaryo

⭕️⭕️⭕️

TALABGORLARGA ESLATMA

⏰ Talabgorlar test sinovlari boshlanishidan kamida 30 daqiqa oldin shaxsini tasdiqlovchi hujjat bilan belgilangan hududga yetib kelishi shart.
💳 Malaka imtihonini topshirishda talabgor fuqarolik pasporti, identifikatsiya ID-kartasi yoki tug‘ilganlik to‘g‘risidagi guvohnomaning aslini taqdim etadi.
🤚 Pasport yoki identifikatsiya ID-kartasi yoki tug‘ilganlik to‘g‘risidagi guvohnomaga ega bo‘lmagan yoxud malaka imtihoniga kechikkan talabgorlar imtihonga kelmagan hisoblanadi.

🔹 Javoblar varaqasini buklash, belgilanmagan joylarga yozish taqiqlanadi. Test sinovlarini topshirish vaqtida guruhdan zarurat bilan chiqqan nomzodga qo’shimcha vaqt belgilanmaydi.
🔹 Talabgor javoblar varaqalari bilim darajasini belgilovchi asosiy hujjat bo‘lganligi uchun uni to‘g‘ri to‘ldirishga mas’ul hisoblanadi.

Talabgor quyidagi hollarda test sinovlaridan chetlashtirilgan hisoblanadi:
🔹 test sinovi o‘tkazilayotgan auditoriyaga har qanday adabiyot, shpargalka yoki telekommunikatsiya va texnika vositalarini olib kirsa yoki olib kirishga harakat qilsa;
🔹 test sinovi o‘tkazilayotgan vaqtda boshqa talabgorlar bilan muloqot qilsa yoki yordam berishga harakat qilsa;
🔹 test materiallarini auditoriyadan olib chiqishga, savollar kitobini yirtib olishga, savollarni ko‘chirib olishga harakat qilsa;
🔹 savollar kitobini boshqa talabgorlarga bersa, test sinovini o‘tkazish jarayoniga xalaqit qilsa;
🔹 test sinovlari uchun ajratilgan vaqt tugagandan so‘ng test materiallarini topshirishdan bosh tortsa;
🔹 test sinovlari jarayonida videokuzatuvlar orqali talabgorning tartib va qoidalarga amal qilmaganligi aniqlansa.

🆔 Talabgor uzrli sabablarga ko‘ra (kasalligi, xizmat safarida bo‘lganligi yoki oila a’zolarining vafot etganligini tasdiqlovchi hujjatni taqdim etganda) malaka imtihonida ishtirok eta olmaydigan bo‘lsa yoki ishtirok etmasa, malaka imtihoni o‘tkazilgan sanadan 3 kundan kechikmay YIDXP orqali vakolatli organga murojaat etishi lozim. Bunda, faqat Davlat test markazi hisobvarag‘iga kelib tushgan to‘lov miqdori talabgorga qaytariladi (to‘lov amaldagi elektron tizim orqali amalga oshirilganda, ko‘rsatilgan xizmat uchun undirilgan yig‘imdan tashqari). Talabgorga xizmat ko‘rsatilishi uchun Axborot kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga kelib tushgan pul miqdori qaytarilmaydi.

🚫 Talabgor belgilangan malaka imtihoniga kechikkan yoki uzrsiz sababga ko‘ra kelmagan hamda malaka imtihoni qoidalarini buzganlik uchun auditoriyadan chiqarib yuborilgan taqdirda amalga oshirilgan to‘lov talabgorga qaytarilmaydi.
🔸 Talabgor kechikkan taqdirda malaka imtihoniga qo‘yilmaydi.
🔸 Talabgor test sinovlari natijalarini ular yakunlangan kundan boshlab bir haftadan so’ng YIDXP orqali mening arizalarim bo’limidan bilib oladi.
🔸 Malaka imtihonidan muvaffaqiyatli o‘tgan talabgorlar 🧑‍💻 QR-kod (matrik shtrixli kod) qo‘yilgan sertifikatini YIDXP orqali yuklab oladi.
🔸 Malaka imtihonidan natijalaridan norozi bo‘lgan talabgor malaka imtihonining natijalari e’lon qilingan kundan boshlab uch ish kunida YIDXP orqali vakolatli organga apellatsiya shikoyati berish huquqiga ega.

✍️ @BBASirdaryo

📚📚📚📚📚📚📚📚

📚 Diagnostik test sinovlari yo‘lga qo‘yilgan

😎 Bilimni baholash agentligi tomonidan oliy ta’lim tashkilotlarining bakalavriat ta’lim yo‘nalishlariga kirish test sinovlari formatidagi namunaviy test topshiriqlari asosida diagnostik test sinovlari yo‘lga qo‘yilgan.

🔖 Diagnostik test sinovlari orqali abituriyentlar o‘z bilimlarini sinab ko‘rishlari va test materiallari (test topshiriqlari kitobi va javoblar varaqasi) bilan ishlash ko‘nikmasiga ega bo‘lishlari mumkin.

🗺 Diagnostik test materiallari har hafta barcha hududlarga yetkaziladi va talabgorlar test materiallarini agentlikning hududiy bo‘limlaridan olib ketishlari mumkin bo‘ladi.

➡️ Mazkur xizmatdan foydalanish istagini bildirgan talabgorlar my.uzbmb.uz sayti orqali diagnostik test materiallariga buyurtma berishlari mumkin.

✍️ @BBASirdaryo

"Biz korrupsiyaga qarshimiz" mavzusida ochiq muloqot

📅 Bugun, 3-aprel kuni Bilimni baholash agentligi Sirdaryo viloyati bo‘limi binosida "Biz korrupsiyaga qarshimiz" mavzusida ochiq muloqot o‘tkazildi.

♻️ Unda, Sayxunobod tumani 2-son politexnikumining bitiruchi kurs o‘quvchilari ishtirok etishdi.

❇️ Dastlab, Agentlikning viloyat bo'limi xodimi J.Mamaradjabov tomonidan yangi va zamonaviy tipda bunyod etilgan bino haqida o‘quvchilarga batafsil ma’lumotlar berildi.

✅Shundan so‘ng, o‘quvchilar bilan ochiq muloqot tashkil etilib, unda kirish test sinovlariga oid eng so‘nggi yangiliklar, chet tili va umumta’lim fanlaridan milliy sertifikatning avfzallik tomonlari, diagnostik testlarining foydali jihatlari, shuningdek, korrupsiyaga qarshi kurashish bo'yicha olib borilayotgan ishlar, OTMga o'qishga kiritib qo'yaman degan firibgarlarning tuzog'iga tushib qolmaslik, korrupsiya xolatlari aniqlanganda zudlik bilan huquq tartibot organlariga murojaat qilish lozimligi haqida ma’lumotlar berildi.

👉@BBASirdaryo

#NOSTRIFIKATSIYA

✍️Xorijiy davlatlarda taʼlim olganlik haqidagi hujjatlarni tan olish bo‘yicha 2025-yilning ikkinchi choragida test sinovlarini o‘tkazish muddatlari belgilandi.

APREL
✅ 2025-yil 14-aprel
✅ 2025-yil 28-aprel

MAY
✅ 2025-yil 12-may
✅ 2025-yil 26-may

IYUN
✅ 2025-yil 12-iyun
✅ 2025-yil 23-iyun

➡️ Xorijiy davlatda oliy ta’lim olganlik to‘g‘risidagi hujjatlarni tan olish (nostrifikatsiya qilish) bo‘yicha Bilimni baholash agentligiga murojaat qilish uchun bot

🤖 @NostrifikatsiyaBBA_bot

❗️ DIQQAT: test sinovlarida ishtirok etadigan talabgorlar ro‘yxati, test sinovi o‘tkaziladigan hududlar va test sinovlarini boshlanish vaqti haqidagi maʼlumotlar qo‘shimcha ravishda test sinovlari o‘tkazilishi belgilangan muddatdan kamida 3 kun oldin eʼlon qilinadi.

⚠️ Izoh: test sinovlarini o‘tkazish muddatlariga o‘zgartirishlar kiritilgan taqdirda, bu haqda qo‘shimcha maʼlumot beriladi.

👉 @BBASirdaryo