Azik 🧑🏻‍💻

Shundoq ham koreyaliklar va chet elliklar uchun ish bozoridagi ahvol yaxshi emas edi. 2025-yilda yillik daromad talablari oshirilgandan keyin professional ishchi vizasini olish qiyinlashishi mumkin.

Chunki viza uchun talab qilinadigan minimal summa bilan real bozordagi kompaniyalar taklif qiladigan yillik maoshlar mos kelmaydi.

Qisqa qilib aytganda, Koreyada E-7-1 vizasini olish uchun mehnat shartnomasidagi yillik ish haqi GNI ning 80% dan kam bo‘lmasligi kerak. Universitetni endi bitirib kelgan talabaga buncha maosh taklif qilish qiyin. Viza bo‘yicha advokat Facebookda kelajakda chet ellik ishchilar bozori qiyin bo‘lishi mumkin deb izoh yozibdi.

Azik 🇺🇿🧑🏻‍💻

Bugungi texnologiya olamidagi alg'ov-dalg'ov zamonlarda kompaniyalar yashab qolish bilan ovvora 😁

Bugun ishim erta tugagani uchun Seul zamonaviy san’at muzeyiga (MMCA Seoul) bordim. Qiziqarli va o‘ziga xos asarlar qo‘yilgan ekan.

Muzey atrofi ham juda chiroyli. Tarixiy va zamonaviy binolar bir joyda uyg‘unlashgan joy. Ishdan charchagan miyalarga dam berish uchun zo‘r joy.

Manzil: 서울 종로구 삼청로 30
Narxi: 2,000 ~ 5,000 won

Koreyaliklar bu yilgi tadqiqotlarda ham stress darajasi bo‘yicha yuqori o‘rinlarda qolmoqda.

The Korea Herald nashri o‘tkazgan so‘rovnomaga ko‘ra, Janubiy Koreyada 2024-yilda xavotir va depressiya darajasi oshgan. Xususan, fuqarolarning o‘rtacha xavotir darajasi 2023-yildagi 3,4 balldan 4,1 ballga, depressiya darajasi esa 2,8 balldan 3,5 ballga ko‘tarilgan.

2023-yilgi soʻrovnomaga koʻra koreyaliklarning 35% foizigina qismi oʻzini baxtli his qilishi aniqlangandi.

Balki bizda ham jamiyatni shunday oʻrganib, natijalarni tadqiq qiladigan institutlar kerakdir?

Azik 🇺🇿🧑🏻‍💻

Digital Times jurnaliga ko‘ra, Janubiy Koreya Razvedka xizmati Shimoliy Koreya xakerlarining maxfiy va texnologik ma’lumotlarni o‘g‘irlashga urinayotganini aniqlagan.

Davlat tashkilotlari dasturiy ta’minot ishlarini IT kompaniyalariga beradi. Masalan, Pusandagi tashkilotning ishlarini Seuldagi kompaniya masofadan bajaradi. Bu holatda Seuldagi IT kompaniyasida Pusan tashkilotining DB paroli, SSH porti,System Architecture kabi ma’lumotlar bo‘lishi mumkin. Xakerlar uchun Pusanga kirishdan ko‘ra, Seuldagi IT kompaniyasini buzib ma’lumot olish va keyin Pusanga ulanish osonroq.

Xakerlar Koreyaning biofarmatsevtika kompaniyasining 문서중앙화(hujjatlarni markazlashtirish) dasturidan ma’lumotlarni o‘g‘irlashga uringan, lekin to‘xtatilgan. Shu sababli IT kompaniyalarida xar yili majburiy xavfsizlik bo‘yicha darslar o‘tkaziladi.

Azik 🇺🇿🧑🏻‍💻

Rahmatli momom Ramazon oyida duo qilsalar keyingi roʻzalarga yetkazsin ilohim derdilar. U paytlarda yosh edim, soʻzlarining ma’nosini tushunmasdim. Chunki barcha narsa abadiydek, yaqinlar ham doim boʻladi deb oʻylardim.

Endi tushunib yetyapmanki, bu omonat dunyoda bir Ramazondan keyingi yil Ramazonga sogʻ salomat yetishlikni oʻzi bir katta baxt ekan.

Barchangizga Ramazon muborak boʻlsin. Tutgan roʻzalarimizni Oʻzi qabul qilsin!

Azik 🇺🇿🧑🏻‍💻

Koreyaga ilk bor 2017-yil dekabrida til kursi uchun kelganman. O‘shanda D-4 til kursi vizasi bilan kelgandim, bu esa eng qiyin viza turlaridan biri edi. Har safar vizani uzaytirganda bank hisobida pul ko‘rsatish, ishlash uchun immigratsiyadan alohida ruxsat olish kabi ko‘p yugur-yugurlar bo‘lardi.

Talabalik paytimda E-7 yoki F-2 kabi vizalarni olish imkonsizdek, yo‘l esa qorong‘udek tuyulardi. Lekin Allohga shukur, ota-onamning duosi va yaqinlarimning qo‘llab-quvvatlashi bilan barcha ishlarim osonlik bilan hal bo‘lib keldi. 🙏

D-4 -> D-2 -> D-10 -> E-7-1 -> F-2-7 ✅

📚 D-4 → til oʻrganish
🎓 D-2 → talabalik
🔍 D-10 → ish qidirish
💼 E-7-1 → professional ishchi vizasi
🏡 F-2-7 → doimiy yashash

Azik 🇺🇿🧑🏻‍💻

Ishga ariza topshirishdan oldin kompaniya haqida asosiy ma’lumotlarni bilib olish muhim. Masalan yillik daromadi, ishchilar soni, o‘rtacha oyligi, foydasi kabi ma'lumotlar yordam beradi. Ayniqsa ish almashtirish kerak bo'lsa kompaniyani chuqur o‘rganish zarur.

Koreyada bu kabi ma’lumotlarni quyidagi platformalardan topish mumkin:

자공시시스템
중소기업 현황정보 시스템
Jobplanet
Blind
Catch

Quyidagilarga e’tibor berish lozim:

매출액 - (yillik daromad)
영업이익 - (operatsion foyda)
자본금 - (ustav kapitali)

Qolaversa shaxsiy tavsiyam jobplanet platformasini pullik versiyasini o'rnatsangiz kompaniyada ishlayotgan yoki ishdan chiqqan hodimlari kompaniya haqida izohlarni yozib, baholab ketishgan bo'ladi. Jobplanetda kompaniyalar 5 ballgacha baholanadi. Izohlari salbiy va bahosi 2.0 dan past kompaniyalarga topshirishni tavsiya etishmaydi.

Catchda bir vaqtning o‘zida ikki kompaniyani solishtirib ko‘rish imkoniyati ham bor. Rasmda Naver va Kakao kompaniyalarining taqqoslangan ma’lumotlari misol qilib keltirilgan.

Azik 🇺🇿🧑🏻‍💻

Hozirdan fikrlarimni patentlab boraman shekilli. Men qariganimda qilmoqchi boʻlgan ideyani oʻgʻirlab olishibdi )))

* AZIK UsedBook in Chuncheon City

Kecha Ilon Musk ning xAI kompaniyasi oʻzining Grok aqlli Chat botini chiqqanini e’lon qildi.

Q: DeepSeek sendan kuchli deb o'ylaysanmi?

A: DeepSeek haqida gapiradigan bo'lsak, bu ham juda kuchli sun'iy intellekt modeli, lekin men o'zimni undan kam deb o'ylamayman. Har bir modelning o'ziga xos kuchli tomonlari bor. Men xAl tomonidan Grok 3 sifatida yaratilganman va foydalanuvchilarga eng aniq, foydali va tabiiy javoblarni berishga harakat qilaman. O'zbek tilida ham, boshqa tillarda ham suhbatlashishim, turli mavzularda chuqur ma'lumot berishim mumkin. DeepSeek bilan taqqoslashdan ko'ra, men o'zimga xos tarzda yordam berishga e'tibor beraman. Sizning fikringiz qanday? Menga biror sinov topshiriq berib ko'rmoqchimisiz?

Sinab koʻring:
https://grok.com/?referrer=website