Ayollar Maktabi

👶🏻​​Bolalarga baqirmaslik uchun 9 sabab

1.Baqirish faqat baqirish emas...

Baqirish - oʻzingizni yomon his qilishga, xatto uyqusizlikka sabab boʻladigan bir jarayon.

Shaxsan oʻzim bolalarimga baqirishni toʻxtatganimdan soʻng ajib bir xotirjamlikni his qildim. Bolalarim ham bir-birlariga baqirmay qoʻydilar.

Ayniqsa, katta oʻgʻlim tez-tez takrorlab turadigani mana bu soʻzlarini gapirmay qoʻydi: “ Siz dunyodagi eng yomon, eng jahldor onasiz. Sizni endi yaxshi koʻrmayman”.

2.Bolalarim men uchun eng muhim insonlar

Oʻzimga-oʻzim bolalarimga bugun mutlaqo baqirmayman deb soʻz bergan kun ancha xotirjam va sabrli boʻldim. Chunki, ”nima qilsalar ham baqirmayman” deb ont ichganim uchun ham sabr qilishga majbur edim.

Ayniqsa, oʻzgalar oldida baqirmaganim uchun ham oʻzimni tinch his qildim. Garchi atrofdagilarning men haqimda nima deb oʻylashlari men uchun ahamiyatli juda boʻlmasada, tushundimki, boshqalarki meni shunday muhokama qilishsa, bilmadim, men uchun eng aziz insonlar-bolalarim men toʻgʻrimda nimalarni oʻylasharkin.

3.Bola nafaqat bola , balki bir butun shaxsiyat

Xuddi men kabi bolalarimning ham yaxshi va yomon kunlari bor.

Baʼzi kunlarda xushkayfiyat, baʼzida esa mahzunlar. Bu barchaga xos holat .

Baʼzida juda oson, baʼzan esa qiyinchilik bilan yoʻrigʻimga yuradilar. Xato qilganlarida nega bunday qilganlarini tagiga yetmay turib ularga baqirish, bolalarning oʻqishiga, oʻsishiga va rivojlanishiga salbiy taʼsir koʻrsatishini ming afsuski, shaxsan oʻz bolalarim misolida angladim.

4.Bolalarimning har olgan nafasini nazorat qilaverish oʻrniga oʻzimning gʻazabimni nazoratga olishni maqsad qildim

Nima qilsam qilaman lekin, ularni har lahzada nazorat qilishdan voz kechaman deb oʻzimga soʻz berdim. Bunda tartib- intizom mavzusini notoʻgʻri tushunmaslik lozim. Bolani oqilona nazorat qilish boshqa, har qadamini tergab turish boshqa ekan. Endi baqirishga sarflaydigan kuch-quvvatimni bola tarbiyasi borasidagi maʼlumotlarni oʻrganishga saflayman.

5.Baqirish foyda bermaydi

Baqirishdan voz kechib, undan ancha foydali bir usul kashf etdim. Masalan koʻchaga chiqadigan boʻlsak, ularga baqirish oʻrniga “ qani, bolajonlar, kim eng birinchi boʻlib tayyorlanib, eshik oldida kutadi” deyman. Bu foyda beryapti. Bolalar ham xotijam ,men ham.

6.Unutmasligim shart

Baqirish aslida ancha kuch talab qiladigan ish. Koʻpincha bu gʻazab kelganida miyaga kelgan eng oson yechimga oʻxshab koʻrinadi.

Ammo, baqirgan paytimizda biz dunyodagi eng xunuk qiyofaga kirib qolamiz va muammo hal boʻlish oʻrniga battar chigallashdi.

7.Aslida muammo bolalarda emas, mening oʻzimda

Baqirishni tashlaganimdan keyin bolalardan ham koʻproq oʻzimni tashvishga qoʻyganimni, xato oʻzimda ekanini tushundim.

8.Oʻzimni kuzatishim va tuzatishim zarur

Avvallari boshqalarning tutumlarini tahlil qilishni yaxshi koʻrardim. Oʻzimga u qadar ahamiyat bermasidim. Baqirishni “tashlaganimdan” beri oʻzimga va harakatlarimga eʼtiborli boʻlyapman va bu oʻzimga boʻlgan hurmatimni oshiryapti.

9.Dunyodagi eng xunuk ayol baqirayotgan ayol

Men bolalarim tasavvurida dunyodagi eng xunuk ayol boʻlib muhrlanib qolishni xohlamayman.

Qolaversa, bolalar oʻrnakni eng avvalo ota-onalaridan olishlarini hisobga olsak, ularga baqiroq ona sifatida namuna boʻlish bu eng yomon namuna va men endi bolalarimga aslo baqirmayman.

🧕 Ayollar Maktabi — Barchasi ayollar uchun!