Avto Test

❗️Mast holatda haydash uchun jarimalar oshirildi, takroriy holat uchun jazo kuchaytirildi

✅ Senatorlar mast haydovchilarga nisbatan jazo choralarini kuchaytiruvchi qonunni ma'qulladi.

🔹 Birinchi marta qoida buzilishi:
Transport vositasini mast holda boshqarganlik uchun jarima miqdori bazaviy hisoblash miqdorining 40 baravari (15 mln so‘m) etib belgilandi. Avval bu miqdor 25 baravar edi.

🔹 Takroriy holat:

Haydovchi jinoiy javobgarlikka tortiladi.

Unga nisbatan:

3 yilgacha haydovchilik huquqidan mahrum qilish,

2 yildan 3 yilgacha axloq tuzatish ishlari,

yoki 2 yildan 3 yilgacha ozodlikdan mahrum qilish jazosi qo‘llanadi.



📜 Qonun imzolash uchun Prezidentga yuborildi.

Avto Test

YPX xodimi jarimadan qarzingiz bo‘lsa, avtomobilingizni jarima maydonchasiga olib kirishga haqlimi?

Bugungi kunda ko‘pchilikni shu savol o‘ylantirmoqda. Shu masalaga batafsil to‘xtalaman.

Ma’muriy javobgarlik to‘g‘risidagi kodeksning 291-moddasiga asosan:
Yo‘l harakati qoidalarini buzganlik uchun jarima solish haqida qaror chiqarilgan kundan e’tiboran 60 kun ichida jarima to‘lanmagan taqdirda, transport vositasi jarima solish to‘g‘risida qaror chiqargan vakolatli organ rahbarining yozma ko‘rsatmasiga binoan jarima solish to‘g‘risidagi qarorning ijrosi yuzasidan ish yuritish tugaguniga qadar ushlab turiladi, deb belgilangan.

Ya’ni, bu yerda avtomobilingizni jarima maydonchasiga olib kirish uchun 2 asos bo‘lishi kerak:

1. Sizga jarima solish haqida qaror chiqarilgan kundan e’tiboran 60 kun ichida jarimani to‘lamagan bo‘lishingiz kerak. (Jarimani to‘lashning 60 kunlik muddati o‘tmagan bo‘lsa, olib kira olmaydi).


2. Transport vositasi jarima solish to‘g‘risida qaror chiqargan vakolatli organ rahbarining yozma ko‘rsatmasi bo‘lishi kerak.



❗️ Ya’ni, YPX xodimi og‘zaki gap bilan “qarzingiz bor, avtomobilingizni jarima maydonchasiga olib kiramiz” deya olmaydi. Faqatgina qo‘lida vakolatli organ rahbarining yozma ko‘rsatmasi bo‘lsa, avtomobilingizni jarima maydonchasiga olib kirishi mumkin.

Agar qo‘lida qarori bo‘lmasa, avtomobilingizni jarima maydonchasiga olib kirishiga yo‘l qo‘ymang. Jarima maydonchasiga olib kirish to‘g‘risidagi rahbarning yozma ko‘rsatmasini talab qiling.

❗️ Rahbarning yozma ko‘rsatmasisiz avtomobilingizni jarima maydonchasiga olib kirishi noqonuniy.

Manba | Avto Test