Aliy roziyallohu anhu qabristonga kirgan vaqtlari: “Ey qabriston ahli, uylaringiz tinch va osuda bo‘lib qoldi, mollaringiz merosxo‘rlar o‘rtasida taqsimlandi, ayollaringiz boshqalarga nikohlanib ketishdi. Bu bizdagi xabarlar. Xo‘sh, sizlarda qanday yangiliklar?”. So‘ngra yonlaridagi hamrohlariga qarab: “Agar ushbu qabriston ahli gapira olganlarida edi, bizning savolimizga javoban: “Bu yerga kelib, eng yaxshi safar ozuqasi taqvo ekanini bildik” degan bo‘lardilar”, dedilar.

“Aqdil fariyd” kitobidan.