Bugungi tashrif doirasida Germaniya xalqaro hamkorlik jamiyati (GIZ) vakillari institutning o‘quv-tajriba xo‘jaligi bilan yaqindan tanishdilar.

Mehmonlar institutning chorvachilik kompleksi faoliyatini o‘rganib, hayvonlar parvarishi, yemlash tizimi va sog‘ish jarayonlarini kuzatdilar. Shuningdek, sutni qayta ishlash jarayonlari, jumladan, pishloq, qaymoq va boshqa sut mahsulotlari ishlab chiqarish texnologiyalari bo‘yicha olib borilayotgan ishlarga e’tibor qaratildi.

Tashrif davomida suv xo‘jaligi va melioratsiya ishlari bo‘yicha olib borilayotgan tadqiqotlar ham muhokama qilinib, suv tejovchi innovatsion texnologiyalarni joriy etish va xalqaro hamkorlikni rivojlantirish yuzasidan fikr almashildi.