***

Sen

Hamma yaxshi deya oʻylaydi sizni,
Shubxasiz eslaydi muhabbat bilan…
Ammo yopib boʻlmas bosilgan izni,
Keling yuzlashamiz haqiqat bilan…

Kimlarga samimiy kuldingiz doim,
Kimni kuzatasiz chin nafrat bilan…
Buni oʻzingiz va bilar Xudoyim,
Keling yuzlashamiz haqiqat bilan…

Oʻksinib koʻzyoshlar toʻkkanmisiz yo?
Yolgʻiz qolganmisiz sakinat bilan?
Vaqtni toʻxtatamiz bir onga goʻyo,
Keling yuzlashamiz haqiqat bilan…

Tinchlik bermaganmi vijdon azobi,
Yuvmoq boʻlganmisiz ibodat bilan…
Gunohlar koʻpayin yetganmi tobi,
Keling yuzlashamiz haqiqat bilan…

Mengamas, yurakka tuting siz quloq,
Nomimga bayt bitmang haqorat bilan…
Men sizga hech kimman ammo, lek, biroq,
Keling yuzlashamiz haqiqat bilan…

Insonning oʻziga ayondir oʻzi,
Faqat boshqalarni aldaydi soʻzi,
Ammo aldolmaydi hech qachon koʻzi,
Keling yuzlashamiz haqiqat bilan…

Siz tayyor emassiz bu jangga hali,
Toʻgʻri kelmagansiz shum qismat bilan…
Balki ayni bugun kelgandir gali,
Keling yuzlashamiz haqiqat bilan…

Yasemin

@alhubufialqalb