Akmal Muhammad | Dizayn-fikrlash

Instagram kvadrat setka o'rniga vertikal setkani test qilishni boshlagan ekan

Bugun bir nechta tanishlarimdan instagram o'zgargani haqida xabar keldi, keyin qiziqib ko'rsam instagram yaqin orada "vertical (portrait) profile grid" tizimini joriy etmoqchi ekan

Shu sababdan biz ham tayyorlaydigan ijtimoiy tarmoq dizaynlarimizda ushbu holatni hisobga olgan xolda, oldindan tayyorgarlik ko'rishimiz kerak

Kvadrat bo'lib yuklangan postlar taqdiri no'malum

Siz nima deb o'ylaysiz yangi grid tizimi eskisidan yaxshiroqmi ?


Dizayner fikrlari

#works

Abri mebel ishlab chiqaruvchi fabrikasi uchun tayyorlangan loyiha

To'liq loyihani instagram sahifada ko'rishingiz mumkin

Dizayner fikrlari

Tasdiqlanganmagan so'm belgisi🛫

Yaqinda FIX-price do'konlar tarmog'i o'zining telegram ichidagi ilovasini ishga tushirdi.

E'tiborimni tortgan jihati, ular ilovada so'mning belgisidan foydalanishgan.

So'm belgisi 2022-yilda tanlov orqali tanlab olingach, ko'plab insonlar ramzni plagiatda ayblab chiqishdi.

Hozirda ko'plab bizneslar o'zlarining sahifalarida so'mning Ma'no Branding tomonidan ishlab chiqilgan lekin tasdiqlanmagan belgisidan foydalanib kelishmoqda

O'ylashimcha ushbu muammo tez orada yechilmasa, bizda 2ta so'm ramzi paydo bo'lib qoladi (xuddi bizdagi eski va yangi kupyuralar kabi)

Dizayner fikrlari

Vizual ilhomlanish 🪓

Biror bir ishdan ilhomlanish va uni ko'chirish o'rtasida katta farq bor - ilhomlanishda siz asosiy g'oyani olasiz, kompozitsiya yoki elementlarni o'zini emas
Bugun bir qiziq vazifa bor edi, kartadan kartaga o'tkazmalar uchun gipoteza ishlab chiqish.

Vazifa minimal vaqtda Uzcard'dan Humo'ga bepul pul o'tkazishni ko'rsatib berish edi.

Birinchi rasmni Pinterestdan ko'rganimda kartani yuqoridan ko'rinishi va ustida yurib ketayotgan tangalarni tasavvur qildim va tez realizatsiyaga kirishib ketdim.

Albatta hozirgi dizaynni vizual tomonlama bundanda yaxshilasa bo'ladi, lekin vazifamiz maksimal kam vaqt sarflash bo'lgani uchun bunga katta e'tibor berilmagan.

Dizayner fikrlari

Сожги свое портфолио! - Portfoliongni yoqib yubor 🔥

Noyabrda Maykl Janda'ning ushbu kitobini o'qib chiqdim. Kitobdan olgan bir nechta insaydlarim bilan bo'lishmoqchiman:

1. Dizayndagi bilimlar muvaffaqiyatning atigi 15% ini tashkil qiladi. 85% - bu odamlar bilan muloqot qilish ko‘nikmalari

2. Yaxshi va a’lo darajadagi dizayn o‘rtasidagi farq - mayda detallarga qanchalik e’tibor berilganida

3. Urushda miltiq ko‘targan yakka odam emas, armiya g‘alaba qozonadi

4. Breynshtorm (birga fikrlash uchun yig'in) paytida o'ylab topilgan g‘oyalar uning barcha ishtirokchilariga tegishli

5. Sohaviy yi'ginlarda imkon boricha ko'proq ishtirok eting (vaqtingiz va mablag'ingiz imkon bergancha)

6. WWW dan ehtiyot bo‘ling:
WAIT - kutish,
WORRY - bezovtalik,
WONDER - taajjublanish
(doimo mijozdan va ish jarayonidan xabardor bo'ling)

7. Har bitta loyihani tahlil qiling:
- Loyiha nomi
- 1/10 gacha baholang
- Nimani to'g'ri qildingiz
- Nimani noto'g'ri qildingiz
- Nimalarni kelgusida o'zgartirish kerak

Bu hali hammasi emas, kitobda nafaqat dizayn haqida balki liderlik, biznes, muzokaralar haqida juda ko'p foydali ma'lumotlar keltirib o'tilgan.

Dizayner fikrlari

Uzum karta: Minimalizm va qulaylik

Bugun Uzum kartamni oldim. Uni bir necha kun avval ilovadan buyurtma bergan edim. Kartani olish jarayoni juda sodda bo'ldi: yaqin Uzum punktiga borib, hech qanday ortiqcha rasmiyatchiliksiz qabul qilib oldim.

Karta dizaynini alohida ta’kidlashni istardim. Oddiy, minimalistik va ko'zga yoqimli. Faqat kerakli elementlar bor — hech qanday ortiqcha detallar yo'q. Bu nafaqat zamonaviy ko'rinish beradi, balki foydalanishda ham qulaylik yaratadi.

Dizayn nuqtai nazaridan, Uzum kartasi oddiylik va funksionallik uyg'unligini ko'rsatib turibdi. Undan tashqari karta solingan konvert ham o'zgacha qilib ishlangan. Kartani olish jarayonini o'zida, punktga kelgan yana 2 kishi bu nimaligiga qiziqib qolishdi

Dizayner fikrlari

Alif'dagi Korporativ madaniyat

Bugun ishxonamizda yomg‘irli kunlar uchun maxsus zontiklar qo‘yib qo‘yildi. Bu kichik ko‘ringani bilan, juda ahamiyatli g‘amxo‘rlik.

Yomg'irli kunda agar zontik olishni unutgan bo'lsangiz (o'zimda bunday vaziyat ko'p bo'ladi 😁) bemalol ushbu zontiklardan vaqtincha foydalanib turishingiz mumkin bo'ladi

Korporativ madaniyat faqat ish jarayoni yoki jamoa aloqalaridan iborat emas. Bu rahbariyat va xodimlar o‘rtasidagi o‘zaro e'tibor va hurmat hamdir. Alif'dagi bunday kichik o‘zgarishlar bizni o‘z ish joyimizni qadrlashimizga va jamoaviy ruhni mustahkamlashga yordam beradi.

Dizayner fikrlari

Blender'ni o'rganishni ham boshlab oldik 🏁

Kimparks'dan ilhomlangan holda ularni ishini blender'da qaytarib ko'rdim (hozirgi ko'nikmalarim uchun bu darajadagi oddiy, low-poly modellar yetarli)

Hozirgi kunda 3D-dizayn keng rivojlanib bormoqda. Siz bajarayotgan ish 100% 3D elementlardan tashkil topmasada, qaysidir qismi uchun albatta hajmli obyektlar ishlatishga to'g'ri keladi

Alif'da bunday vaziyatlarda ishga 3D-dizaynerimizni qo'shamiz, va loyihaning aynan o'sha qismi bilan ushbu dizayner shug'ullanadi.

O'ylashimcha grafik dizaynerlar ham 3D bo'yicha standart ko'nikmalarga ega bo'lishi kerak, kamida tayyor obyektlarni joylashtirish va render qilishni o'rganib olishi kerak

Dizayner fikrlari