Andijon davlat pedagogika institutida “Yoshlar tadbirkorligiga ilk qadam” mavzusida seminar bo‘lib o‘tdi

Bugun, 1-mart kuni Andijon davlat pedagogika institutida talaba yoshlarni tadbirkorlikka jalb etish, ularda tadbirkorlik madaniyatini shakllantirish va ilk startap loyihalarini yo‘lga qo‘yish maqsadida “Yoshlar tadbirkorligiga ilk qadam” mavzusida seminar tashkil etildi.

Seminar marketing va talabalar amaliyotini tashkil etish bo‘limi boshlig‘i Sh. Qaxxorova tomonidan olib borildi. Tadbirda “Sam Bright Line” oilaviy korxonasi rahbari, BMTning Farg‘ona vodiysidagi biznes mentori, Ijtimoiy-gumanitar fanlar va san’at fakulteti talabasi Sodiqova Muqaddas tomonidan ishtirokchilarga tadbirkorlik tushunchasi, biznes yuritish tamoyillari va startap loyihalarni yo‘lga qo‘yish bo‘yicha amaliy tavsiyalar berildi.

Seminar davomida talabalar tadbirkorlikka oid bilim va ko‘nikmalarni shakllantirish, biznes g‘oyalarni rivojlantirish bo‘yicha muhim ma’lumotlarga ega bo‘lishdi.

Ushbu tadbir yoshlarda innovatsion fikrlashni rivojlantirish va kelajakda muvaffaqiyatli tadbirkor bo‘lishga xizmat qilishi bilan ahamiyatli bo‘ldi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube