𝐙𝐚𝐚𝐡𝐢𝐫

5-semester ham tugadi.

6 ta fan
2 ta kurs ishi

6 ta 5 baho
2 ta 4 baho😅

Ishoninglar bu men yopgan eng yaxshi semester 😂

E’tibor bering, Poland (Polsha) nomini aytganda hamma kulib yubordi. Bu xuddi bozorlik ro’yhatiga o’xshaydi, birinchi bo’lib Polsha olingan😅

1977-yil odamlar:

- Biz koinotdagi o’zga sayyoraliklar uchun habar yubordik, ushbu vaqt kapsulasi kelajakdagi boshqa ongli mavjudotlarga biz haqimizda habar beradi!

3325- yil o’zga sayyoraliklar:

- Zo’r yaltiroq narsa topib oldim, qandaydir tovushlar chiqarib yotibdi, devorga suviner qilib osib qo’ydim😂

O’zga sayyoraliklar plastinkani topsa qanday ko’radi?, degan savol paydo bo’lgan bo’lsa aytaman: Voyagerda uni qanday qo’yish grafik va kodlar bilan tushuntirilgan, o’zga sayyoraliklarda ko’z va quloq bo’lsa yetarli😁

Voyager oltin plastinkasi – bu Voyager 1 va Voyager 2 zondlariga joylangan vaqt kapsulasi bo‘lib, boshqa yulduz tizimlarida bo‘lishi mumkin bo‘lgan ongli tsivilizatsiyalarga Yer sayyorasi va insoniyat haqida xabar yetkazish uchun yaratilgan. NASA loyihasi doirasida astronom Karl Sagan boshchiligidagi jamoa tomonidan 1977-yilda ishlab chiqilgan.

Plastinka tarkibi:

Oltin plastinka 12 dyuym (30 sm) o‘lchamdagi mis disk bo‘lib, uning yuzasi oltin bilan qoplangan. Unda quyidagi ma’lumotlar mavjud:
1. Audio fayllar:
• 55 ta turli tillardagi salomlashuvlar, jumladan o‘zbek tilida ham: “Salom, ahvollar qanday?”
• Tabiat tovushlari (qushlar sayrashi, shamol, momaqaldiroq, dengiz shovqini).
• Dunyoning turli millatlariga tegishli musiqa asarlari, jumladan, Bach, Betxoven va afrikacha qo‘shiqlar.
2. Rasmlar:
Plastinkada Yerning geografiyasi, hayoti va madaniyatini tasvirlovchi 116 ta rasm kodlangan holda joylangan. Bunga insonlar, hayvonlar, o‘simliklar, DNK tuzilmasi, Quyosh tizimi xaritasi va Yer atmosferasi haqidagi ma’lumotlar kiradi.
3. Ko‘rsatmalar:
Oltin plastinkaning tashqi qismida uning tarkibiga qanday kirish va uni qanday o‘qish bo‘yicha grafik ko‘rsatmalar mavjud. Unda, shuningdek, Yerning joylashuvi galaktikadagi pulsar xaritasidan foydalangan holda belgilangani ham bor.

Maqsad:

Oltin plastinka uzoq yulduzlarga yetib borganida u erda bo‘lishi mumkin bo‘lgan ongli mavjudotlarga insoniyatning mavjudligini va madaniyatini namoyish etish uchun mo‘ljallangan. Bu ma’lumotlar ilmiy va madaniy meros sifatida saqlanadi va kosmosga insoniyatning “salomi” sifatida qaraladi.

Voyager oltin plastinkasi – bu insoniyat tarixidagi eng uzoq muddatga mo‘ljallangan xabar bo‘lib, kelajakda biror mavjudot tomonidan topilishi ehtimolini eslatadi.

Voyager 1 va Voyager 2: Insoniyat tarixidagi eng uzoqdagi missiyalar

Voyager 1 va Voyager 2 NASA tomonidan 1977-yilda uchirilgan kosmik zondlardir. Ularning asosiy vazifasi Quyosh tizimini tadqiq qilish va uning chegaralarini o‘rganish edi. Quyosh tizimining sayyoralarini yaqin masofadan suratga olish orqali bizning ilmiy bilimlarimizni kengaytirishdi.

Asosiy ma’lumotlar:
• Voyager 1: 1977-yil 5-sentabrda uchirilgan. U Yupiter va Saturnning yaqin uchib o‘tib, ularning yo‘ldoshlari va atmosferasini o‘rgangan. 2012-yilda Voyager 1 insoniyat yaratgan birinchi obyekt sifatida Yulduzlararo fazoga (Interstellar Space) kirgan.
• Voyager 2: 1977-yil 20-avgustda uchirilgan. Voyager 2 Yupiter, Saturn, Uran va Neptunni o‘rganib, barcha to‘rt gigant sayyorani ziyorat qilgan yagona zond bo‘lib qoldi. U 2018-yilda Yulduzlararo fazoga kirgan.

Ajralib turuvchi xususiyatlari:
• Oltin plastinka: Har ikkala zondda Yer haqidagi ma’lumotlar (rasmlar, tovushlar, musiqalar va salomlashuvlar) yozilgan “Oltin plastinka” mavjud. Bu boshqa ongli tsivilizatsiyalar bilan aloqa uchun yuborilgan vaqt kapsulasi sifatida qaraladi.
• Energiya: Voyager zondlari radioaktiv izotopli generatorlar bilan ishlaydi, bu ularga hali ham cheklangan darajada ma’lumot uzatish imkonini beradi.

Hozirda nima bilan shug‘ullanmoqda?

Hozirgi vaqtda Voyager zondlari Yulduzlararo fazoning zarralar va magnit maydonini o‘rganmoqda. Ularning signalini yetkazib berishi uchun 20 soatdan ortiq vaqt talab qilinadi, chunki ular Yer sayyorasidan milliardlab kilometr uzoqda joylashgan.

Voyager missiyalari insonning cheksiz ilmiy izlanishlariga ramz bo‘lib qolmoqda. Ular Quyosh tizimidan tashqariga yuborilgan “insoniyatning ovozi” sifatida ham ahamiyatga ega.

#shaxsiyfikr

Ba’zida fikrlarga erk berib turish kerak, shunda uxlash osonroq bo’ladi. Yaratuvchanlik va chuqur o’ylar uchun, ba’zan shunchaki sayrga chiqib yoki biror vintage kuy qo’yib olib, fikrlaringizga erk bering. Qo’yib bering, koinot cheksizliklariyu, tarix sahifalariga sayr qilsin, fikr qilsin, anglasin, kerak bo’lsa keyingi 10 yilni reja qilib qo’ysin. Uddalab bo’lmas yangiliklar o’ylab topsin, hatto nega yoshlikda bunday axmoqona bo’lganingiz haqida ham o’ylashi mumkin. Men ko’pincha shunday qilaman, juda ko’p o’ylayman. Bu yoqimli. Siz ham sinab ko’rishingiz mumkin. Bu menga yoqqani uchun sizlarga ham ulashdim :)

What doesn't kill you, makes you
stronger…