Qishlogʻimni sogʻindim
Yoshligimni oʻzi bilan olib ketgan,
Qoʻmsayapman endi koʻngil ardogʻimni.
Mendan juda olislarda qolib ketgan,
Qishlogʻimni sogʻindim men, qishlogʻimni.
Dunyolarni kezdim izlab hoy-u havas,
Tashvishidan charchaganim yolgʻon emas,
Havosidan toʻyib - toʻyib olay nafas,
Qishlogʻimni sogʻindim men, qishlogʻimni.
Koʻchalari chang boʻlsa ham chopsam edi,
Shaharda yoʻq baxtni izlab topsam edi,
Bir lahzaga ortga qaytib qolsam edi,
Qishlogʻimni sogʻindim men, qishlogʻimni.
Buloqdagi zilol suvdan totgim kelar,
Qizgʻaldoqzor bagʻrida jim yotgim kelar,
Gʻamlarimni dildan yulib otgim kelar,
Qishlogʻimni sogʻindim men, qishlogʻimni.
Ilk sevgimga guvoh oʻsha majnuntollar,
Yodga tushsa yuragimda olov porlar,
Koʻnglimdagin aytay sizga, qadrdonlar,
Qishlogʻimni sogʻindim men, qishlogʻimni.
Hozir balki osmonlarga yetar qoʻlim,
Bogʻlariday bogʻ koʻrmadim soʻlim-so'lim,
Qaniydi shu tomonlarga eltsa yoʻlim,
Qishlogʻimni sogʻindim men, qishlogʻimni.
Davomi bor...
✍ Xurshid Qodirov
Telegram sahifamiz:
@Hayotiy_satrlarim_bu
Yoshligimni oʻzi bilan olib ketgan,
Qoʻmsayapman endi koʻngil ardogʻimni.
Mendan juda olislarda qolib ketgan,
Qishlogʻimni sogʻindim men, qishlogʻimni.
Dunyolarni kezdim izlab hoy-u havas,
Tashvishidan charchaganim yolgʻon emas,
Havosidan toʻyib - toʻyib olay nafas,
Qishlogʻimni sogʻindim men, qishlogʻimni.
Koʻchalari chang boʻlsa ham chopsam edi,
Shaharda yoʻq baxtni izlab topsam edi,
Bir lahzaga ortga qaytib qolsam edi,
Qishlogʻimni sogʻindim men, qishlogʻimni.
Buloqdagi zilol suvdan totgim kelar,
Qizgʻaldoqzor bagʻrida jim yotgim kelar,
Gʻamlarimni dildan yulib otgim kelar,
Qishlogʻimni sogʻindim men, qishlogʻimni.
Ilk sevgimga guvoh oʻsha majnuntollar,
Yodga tushsa yuragimda olov porlar,
Koʻnglimdagin aytay sizga, qadrdonlar,
Qishlogʻimni sogʻindim men, qishlogʻimni.
Hozir balki osmonlarga yetar qoʻlim,
Bogʻlariday bogʻ koʻrmadim soʻlim-so'lim,
Qaniydi shu tomonlarga eltsa yoʻlim,
Qishlogʻimni sogʻindim men, qishlogʻimni.
Davomi bor...
✍ Xurshid Qodirov
Telegram sahifamiz:
@Hayotiy_satrlarim_bu