Ёнингизда мен борман опа!

Асло, сира ожизман деманг,
Ҳеч кимим йўқ ёлғизман деманг,
Забонсизман, тилсизман деманг,
Ёнингизда мен борман опа!

Ғийбатчилар ғийбат қилса ҳам,
Устингиздан дунё кулса ҳам,
Армон, ситам, қийнаса алам,
Ёнингизда мен борман опа!

Айтинг, менга борини айтинг,
Юрагингиз зорини айтинг,
Сочингизни қорини айтинг,
Ёнингизда мен борман опа!

Ҳар кун йўқлаб боролмасам ҳам,
Дардингизни ололмасам ҳам,
Сизга лойиқ бўлолмасам ҳам,
Ёнингизда мен борман опа!

Аллоҳ жудо қилгунга қадар,
Азроил жон олгунга қадар,
Мумтозбегим ўлгунга қадар,
Ёнингизда мен борман опа!

✍ Мумтозбегим

Яна кўпроқ кўриш учун каналга
обуна бўлинг 👇🏻
https://t.me/+GSy6o7LRw3A0Nzdi