O‘zbekiston texnik jihatdan tartibga solish agentligi direktori Akmal Jumanazarov rahbarligidagi delegatsiya Turkiyaning Istanbul shahrida boʻlib oʻtayotgan Islom mamlakatlarining standartlar va metrologiya instituti (SMIIC) Bosh Assambleya yigʻilishida ishtirok etmoqda.

Tadbir doirasida İskefe Holding sinov laboratoriya vakillari bilan uchrashuv oʻtkazildi va faoliyati oʻrganildi. Oziq-ovqat, teri mahsulotlari, oʻyinchoqlar sinovida foydalaniyotgan xalqaro va Yevropa standartlari, import mahsulotlariga qoʻyilgan talablar va sohada olib borilayotgan ilmiy-tadqiqot ishlari boʻyicha fikr almashildi.

Uchrashuv yakuniga koʻra, İskefe Holding sinov laboratoriyasi bilan mahsulotlar sinovi va kadrlar tayyorlash sohasida hamkorlik koʻlamini kengaytirish, seminar-trening va amaliyotlar tashkil etish boʻyicha kelishuvga erishildi.