Ўзбекистон техник жиҳатдан тартибга солиш агентлиги | Расмий канал

Respublikamiz bo‘ylab xalqimizning milliy qadriyatlari, urf-odatlari va an’analarini namoyon etish maqsadida o‘tkazilayotgan "Milliy liboslar kuni"da O‘zbekiston texnik jihatdan tartibga solish agentligi xodimlari ham faol ishtirok etmoqdalar.

Barchamizni birlashtiradigan, boy madaniyatimizni aks ettiruvchi milliy liboslarni qadrlash va targ‘ib qilish maqsadida har juma kuni ''Milliy liboslar kuni'' deb e’lon qilishi bejiz emas, albatta. Bu o‘z navbatida, o‘zbek xalqining betakror an’analari va merosiga ehtirom ko‘rsatish, milliy kiyimlarni kiyish orqali o‘zligimizni yanada mustahkamlashga bevosita xizmat qiladi.

O‘zbekiston texnik jihatdan tartibga solish agentligi direktori Akmal Jumanazarov Germaniyaning "Supporting the Reform of the National Quality Infrastructure in Uzbekistan" loyihasi doirasida Qonunlashtiruvchi metrologiya bo‘yicha Germaniyalik ekspert Dr. Peter Ulbig bilan uchrashuv o‘tkazdi.

Muzokaralar chog‘ida metrologiya sohasidagi bugungi holat ko‘rib chiqilib, uni rivojlantirishning istiqbolli yo‘nalishlari belgilab olindi.

Muloqot yakuniga ko‘ra, soha yo‘nalishlarida ikkitomonlama ko‘p qirrali va o‘zaro manfaatli hamkorlikni yanada faollashtirish bo‘yicha kelishuvga erishildi.

Ma’lumki, O‘zbekiston Respublikasi Prezidenti huzurida 2024-yil 10-oktabr kuni texnik jihatdan tartibga solish sohasida amalga oshirilgan ishlar va kelgusidagi rejalar to‘g‘risida o‘tkazilgan taqdimotda 2025-yilda ishlab chiqarish korxonalarining 20 mingta rahbar va mutaxassislarini standartlashtirish va metrologiya sohalari yo‘nalishida malakasini oshirish bo‘yicha tegishli topshiriq berilgan.

Mazkur topshiriq ijrosini ta’minlash maqsadida, Qashqadaryo viloyatining barcha tumanlarida faoliyat yurituvchi ishlab chiqarish korxonalari va tadbirkorlik subyektlarini jalb etgan holda o‘quv kursi tashkil qilindi.

Agentlik huzuridagi O‘zbekiston standartlar institutining malakali mutaxassislari tomonidan olib borilgan onlayn tarzdagi ushbu o‘quv mashg‘ulotlari davomida ishlab chiqarishda texnik jihatdan tartibga solish, standartlashtirish, metrologiya, muvofiqlikni baholashning mahsulot sifati va raqobatbardoshligiga ta’siri, ishlab chiqarish korxonalariga xalqaro standartlarni joriy etishda yaratilgan imkoniyatlar haqida atroflicha ma’lumotlar berildi.

Bundan tashqari, korxonalar vakillarini qiziqtirgan sohaga doir savollarga batafsil javob qaytarildi.

O‘zbekiston texnik jihatdan tartibga solish agentligi direktori Akmal Jumanazarov hamda Koreya Respublikasining O‘zbekiston Respublikasidagi elchisi Von Do Yon o‘rtasida muzokaralar olib borildi.

O‘zbekiston texnik jihatdan tartibga solish agentligi hamda Nazorat inspeksiyasi masʼullaridan iborat delegatsiya Turkiya Savdo vazirligining taklifiga binoan Anqara shahriga bordi.

Ma’lumki, 2024-yilda Oʻzbekiston texnik jihatdan tartibga solish agentligi va Turkiya Savdo vazirligi oʻrtasida hamkorlik yoʻlga qoʻyilgan. Ushbu hamkorlik doirasida delegatsiya Turkiyaga kirib kelayotgan import mahsulotlarining xavf tahlili jarayonini oʻrganish va tajriba almashish maqsadida "TAREKS" axborot tizimi faoliyati bilan yaqindan tanishdi.

Ma’lumot uchun: TAREKS – mahsulot xavfsizligi konsepsiyasi doirasida ishlab chiqilgan axborot tizimi boʻlib, mahsulotning tegishli texnik reglament yoki standartlarga muvofiq emasligini aniqlash uchun xavf tahlilini amalga oshiradi.