Roman-german filologiyasi fakulteti Nemis tili amaliy fanlar kafedrasi v.b. dotsenti G. X. Raximova tashabbusi bilan 4-bosqich talabalari buyuk mutafakkir Alisher Navoiy tavalludiga bagʻishlab “Alisher Navoiy – soʻz mulkining sultoni” mavzusida ijodiy videorolik tayyorladilar.

✅ Videorolikda talabalar Navoiy hayoti va ijodi haqida soʻz yuritib, uning eng mashhur gʻazallarini nemis tilidagi tarjimalari bilan ifodali tarzda oʻqib berdilar. Ushbu tarjimalar universitetimiz professori, Doʻstlik ordeni sohibi, mohir tarjimon Xurram Raximov tomonidan Germaniyada nashr etilgan “Meine Schwarzäugige” kitobidan olindi.

📖 Alisher Navoiy ijodi yoshlar ta’limida katta ahamiyatga ega. Uning she’riyati ezgulik, adolat, ma’rifat va insoniylik gʻoyalarini targʻib etib, yosh avlodning ma’naviy kamolotida muhim rol oʻynaydi. Ushbu videorolik ham talabalarni buyuk shoirning asarlariga yanada chuqurroq qiziqtirish, ularning badiiy va lingvistik savodxonligini oshirishga xizmat qiladi.

https://t.me/rgffaculty