🗣Qimmatli qog‘ozlar markaziy depozitariysini 2030-yilgacha rivojlantirish strategiyasi tasdiqlandi.

Strategiya-2030 amalga oshirilayotgan iqtisodiy islohotlar, O‘zbekiston Respublikasi kapital bozorini rivojlantirishning ustuvor yo‘nalishlari, davlat xizmatlarini raqamlashtirish jarayonlari, shuningdek, qimmatli qog‘ozlar markaziy depozitariylari faoliyatining xalqaro amaliyotini hisobga olgan holda ishlab chiqilgan.

"Strategiya-2030"ning tasdiqlanishi Qimmatli qog‘ozlar markaziy depozitariysini modernizatsiya qilishda muhim bosqich bo‘lib, tashkilotning eng yaxshi xalqaro amaliyotlarga va kapital bozori ishtirokchilarining kutilmalariga mos keladigan zamonaviy, ishonchli va texnologik kapital bozori infratuzilmasiga aylanish istagini aks ettiradi.

"Qimmatli qog‘ozlar markaziy depozitariysi-2030" strategiyasi (Strategiya-2030) Qimmatli qog‘ozlar markaziy depozitariysini bosqichma-bosqich raqamli transformatsiya qilish uchun asos bo‘lib xizmat qiladi va xizmatlar sifatini oshirish, risklarni boshqarish tizimini mustahkamlash, korporativ boshqaruvni takomillashtirish va inson kapitalini rivojlantirishning asosiy yo‘nalishlarini belgilaydi.

Strategiyaning amalga oshirilishi xizmatlarning qulayligi va sifatini oshirish, jarayonlarning shaffofligini ta’minlash, kapital bozori ishtirokchilarining ishonchini mustahkamlash hamda mamlakat depozitariy tizimini yanada rivojlantirish uchun barqaror poydevor yaratish imkonini beradi.

Strategiyaning muvaffaqiyatli amalga oshirilishi barcha manfaatdor tomonlarning yaqin hamkorligi tufayli ta’minlanadi.

📱 Rivojlanish strategiyasi bo'yicha batafsil ma'lumot quyidagi havola orqali mavjud:
https://www.uzcsd.uz/strategies

#strategiya2030

📱Web 📱Telegram 📱Instagram 📱Facebook 📱Youtube 📱Linkedin