Ummat kelajagi

​​#Ибрат

Она дуосининг баракоти

Мусо алайҳиссалом: “Эй Роббим, сен ҳар бир ишга Қодирсан! Менга жаннатда қўшни бўладиган одамни кўрсатсанг”, дедилар.  Аллоҳ таоло: “Фалон шаҳардаги қассоб сени жаннатдаги қўшнинг”, деди.

Жаннатда Аллоҳнинг улул-азим пайғамбари билан бирга бўладиган бу саодатманд қассобнинг қандай фазилати бор экан? Мусо алайҳиссалом ушбу ҳаёллар билан йўлга отландилар.

Ниҳоят ўша шаҳар бозоридаги гўшт растасидан уни топдилар. Пайғамбарни танимаган қассоб мусофир меҳмон каби кутиб олди-да, уйига таклиф қилди. Айнан шуни истаб турган Мусо алайҳиссалом рози бўлдилар. Қассоб уйига бориб таом пиширди, Мусо алайҳиссалом олдиларига бир товоқда таомни қўйди-да, ўзи бир кичик идишда таом олиб ичкарига кириб кетди. Ичкари уйда бир саватга ўхшаган замбилда ётган онасига таом егизиб, қўлларини ювиб, артиб яна жойига ётқизиб қўйди. Қайтиб чиқиб: “Меҳмон онам хизмати билан бўлиб сизга эътибор қилолмай қолдим, онанинг орзуси бениҳоя чексиз бўлар экан-да, онам доим: “Эй Аллоҳ, менинг шу ўғлимни жаннатда Мусо алайҳиссалом билан бирга қилгин, бу ўғлим менга қандай ҳурмат кўрсатиб хизмат қилаётгани Ўзинга аён!”, дея дуо қиладилар. Мусо алайҳиссалом қаерда-ю, мен бир оддий қассоб қаерда! Қани меҳмон таомга марҳамат”, деганча ишида давом этди.

Шунда ҳазрати Мусо алайҳиссалом ўзларини таништириб, бу ерга келишларининг сабабини айтар эканлар, “жаннатда бирга қўшнилик муборак!” дея уни табриклаб, ҳаққига дуо қилдилар.

Дарҳақиқат, онага хизмат қилиш, уни эъзозлаш, унинг олдида ўзини хокисор тутиш, овозини бироз пасайтириб сўзлаш, унинг кўнгли тусаган нарсани муҳайё қилиш, ҳатто пули етмаса, қарзга бўлса ҳам… Демак, шу каби хизматлар аслида фазилат эмас, балки ҳар бир фарзанднинг ота-она олдидаги фарзандлик бурчи ва вазифасидир. Ота-онанинг дуосини баҳорда экилган нозик гулга қуйиладиган сувга ўхшатиш мумкин. Агар бир кун сув қуйилмаса гул қурийди. Эй бошида ота-онаси ҳаёт бўлиб турган фарзанд! Ҳар кун уларнинг дуоларини олинг, бир кун ололмасангиз, сув қуйилмаган баҳорги гул каби “сўлиб” қолишингиз ҳеч гап эмас. Аллоҳ асрасин!

Ummat kelajagi

Сукут фойда бераётган бўлса, сўз ишлатма. Сўз фойда бераётган бўлса, куч ишлатма.

Muallifi nomalum...

Ummat kelajagi

Assalomu alaykum va rahmatullohu va barakotuh.Xayrli kun dindoshlar.

Ummat kelajagi

ИБРАТЛИ ҲИКОЯ!
(Албатта ўқинг)

Ота аёли ва уч нафар фарзандини қолдириб, олис сафарга отланди. Фарзандлари отасини жуда қаттиқ яхши кўришар ва ҳурмат қилишар эди. Ота биринчи мактубини йўллади. Фарзандлар хатни юзларига суртдилар, ўпдилар, аммо уни очиб ўқимадилар, уни артиб-суртиб, эҳтиёт қилиб олиб қўйдилар. Баъзида улар мактубни олиб, устидаги чангларини артиб, яна авайлаб- асраб олиб қўяр эдилар. Ота юборган кейинги мактублар ҳам очилмай шу тарзда эҳтиёт қилинди.
Йиллар ўтди.. Ота ўз оиласига қайтиб келди, аммо уйда биргина ўғилдан бошқа ҳеч ким йўқ эди.

Ота: “Онанг қани?” деб сўради. Ўғил: “Онам оғир касалга чалинди. Уларни даволатишга пулимиз йўқ эди, вафот этдилар!” деди.

– Нега ундай бўлди? Биринчи хатимни очмадингларми? Мен сизларга маблағ юборган эдим-ку!
– Йўқ.
– Аканг қани?
– Акам ёмон болалар билан танишиб қолди, онам вафот этгани сабабли унга насиҳат қилиб, тўғри йўл кўрсатадиган ҳеч ким йўқ эди, акам ўша дўстларига қўшилиб бизни ташлаб кетди.
– Нега ундай бўлди?! Мен ахир унга ёмон шериклардан узоқ бўл, деб ёзган насиҳатларимни очиб ўқимадими? Мен унга ёнимга боргин, деб ёзиб юборган эдим-ку!”
– Йўқ, очиб ўқимадик!
– Опанг қани?
– Опам сиз айтиб кетган йигитга турмушга чиқди, аммо унинг турмуши яхши бўлмади.

Отанинг жаҳли чиқиб кетди: “Ахир мактубларимни ўқидингларми?! Мен опангга у йигитга турмушга чиқмаслигини, у йигит ҳақида ёмон гап-сўзлар эшитганимни ёзиб юборган эдим-ку!”
Ўғил: “Йўқ. Биз мактубларни мана бу чиройли қутига авайлаб-асраб солиб қўйган эдик, фақат баъзи-баъзида уларни олиб ўпиб, юзларимизга суртиб қўяр эдик, аммо бирор марта очиб ўқимабмиз!” деди.
_________
Мен бу оила ҳақида фикрлаб кўрдим. Отанинг мактубларини ўқимай, улардан фойдаланмай қанчалар ночор аҳволга тушиб қолди бу оила. Улар мактубларни авайлаб- асраш билан кифояландилар, холос.

Шундан сўнг Мусҳафга қарадим... Уйимдаги китоб жавонимда чиройли муқованинг ичидаги Қуръони карим... Оҳ, мен нотавон!
Ахир мен ҳам отанинг мактубларини ўқимай, эҳтиётлаб олиб қўядиган ўғилларга ўхшаб Аллоҳнинг бандаларига юборган рисоласини ўқимай олиб қўйибман-ку!
Наҳот мен уни ўқимасам, ундан фойдаланмасам!
Ахир у ҳаётимнинг дастури бўлса..
Шу заҳоти Аллоҳга истиғфор айтиб, мусҳафни қўлимга олдим ва уни ҳеч қачон тарк этмасликка қарор қилдим.

Ummat kelajagi

#Расулуллоҳ_мўъжизалари
147-мўъжиза
Расулуллоҳнинг соллаллоҳу алайҳи ва саллам тупуклари билан ярадорнинг тузалиши

Ҳабиб ибн Абдураҳмон розияллоҳу анҳудан ривоят қилинади:
“Ҳубайб Бадр куни бобомни урди. Унинг бир чаккаси осилиб қолди. Расулуллоҳ соллаллоҳу алайҳи ва саллам унинг ўша жойига туфладилар. У тузалиб, аввалги асл ҳолатига қайтди”.

Ummat kelajagi

Hayot kulsang ham, yig'lasang ham birdek o'taveradi, senga foydasi yo'q bo'lgan tashvishlarni o'zinga yuklab olma! Chunki aytiladiki:
" Iztirob - ertani og'rig'ini ketkazmaydi, lekin bugunni huzurini yo'qotadi".

Ummat kelajagi

Қуръон тиловатини энди бошлаганингизда телефонингиз жиринглаб қолади...
– Икки ракат намоз ўқишни ният қилганингизда ижтимоий тармоқдаги манзилингизга хабар келиб қолади...
– Энди китоб мутолаа қиламан деб турганингизда дўстингиз бирор мавзуни очиб қолади...
– Бирор яхшиликни амалга оширмоқчи бўлсангиз, уни тўхтатувчи бирор ҳодиса юз бериб қолади...

Ибн Қоййим бу ҳақда шундай дейди:
“Қачонки банда ибодатни адо этишга юзланса, Аллоҳ таоло унинг ростгўйлигини аниқлаш мақсадида савориф - чалғитувчини юборади. Агар банда унга қарши курашиб, сабр қилса ва у амални бажаришда мустаҳкам турса, ҳалиги чалғитувчи тоатга ёрдам берувчига айланади.
Аллоҳ таоло бу ҳақда: "Бизнинг (Йўлимиз)да жиҳод (жидду-жаҳд) қилган зотларни албатта Ўз йўлларимизга ҳидоят қилурмиз", деб айтган. (Анкабут сураси, 69-оят)”.

https://t.me/+Vwpv71UjkTEyvh3H

Ummat kelajagi

Biz yetarlicha toʻliq nafas olishga oʻrganmaganmiz, shunday qilsak boshimiz aylanib qolishi mumkin.

Biz tabiiy shakar yeyishga oʻrganmaganmiz, shuning uchun sabzi shirin deyishsa ishonishimiz qiyin.

Biz sababsiz mehr koʻrishga oʻrganmaganmiz, kimdir besabab yaxshilik qilsa, yomonini izlaymiz (tirnoq ichidan kir qidiramiz)

Biz mintalitet degan soʻzni ma’nosini bilmaymiz va hamma narsani (bit’at, irim sirim) mintalitet deb odamlarning ogʻzini yopamiz.

Biz oʻzimiz uchun yashashni oʻrganmaganmiz, shuning uchun odamlar ayb qilmasin deb 400-500 mln ga toʻy qilib , 10-15 mln lik kelin koʻylak kiyamiz.

Biz ma’lumotlatni filtr qilishga erinamiz, shuning uchun trend narsa boʻlsa, uni oʻrganib oʻtirmay takrorlaymiz.

Biz ilm nimaligini anglamaganmiz shuning 1 dona kitob oʻqisak, 1 dona podkas eshitsak olimdek oʻzimizni his qilamiz.

Biz baxtsizmiz, shuning uchun ijtimoiy tarmoqdan baxt izlaymiz, topganimizda xasaddan alamimizni ulardan olamiz.

Biz befarq boʻlib ketyapmiz , shuning uchun qizlarimiz erkak ,erkaklarimiz qizlashishyapdi.

Biz odamovi boʻlib ketyapmiz, shuning uchun bir bolani 7 mahalla ham eplolmayapdi.

Biz Alhamdulillah musulmonman deymiz, ammo…

(Istasangiz davomini siz yozing..)

Ummat kelajagi

Саҳобалардан бири ҳазрати Абу Бакр Сиддиқдан шундай илтимос қилибди:

  -- Гуноҳга ботиб кеттим, мени бир дуо қилинг!
   У киши қиблага юзланиб шундай дуо қилибдилар:

  -- Аллоҳим, бир гуноҳкор иккинчисидан дуо сўраяпти, икковини ҳам афв қилгин.

"Кимки гуноҳини эслаб алам чекса, кейин қалбида бундан қўрқув ҳосил бўлса, унинг бу гуноҳи Уммул китобдан (Лавҳул маҳфуз) ўчирилади".

Абдуллоҳ ибн Умар..

Ummat kelajagi