Ta'limiy.uz | O‘qituvchilar

⚡️ Har tong kunimni sinf guruhiga xabar yozishdan boshlardim. "Iltimos, bugun hamma darsga kelsin!"

Ko‘pchilik o‘quvchilar qo‘shimcha mashg‘ulotlarga borgani sababli, kech kelar, tun yarmigacha dars tayyorlab, telefon o‘ynab, tongga yaqin uxlab qolardi. Uni endi men bu yoqda qolib, ota-onasi ham zambarak otib uyg‘otolmaydi!

Faqat bitta o‘quvchim darsga kech qolmaydi, qochib ketmaydi.

Shu o‘quvchim  nufuzli oliygohga o‘qishga kiribdi. Hamma xayron. Axir u hech qachon qo‘shimcha mashg‘ulotlarga bormagan, maktabda ham a’lochi o‘quvchilardan emasdi-ku?!

Hamma dunyoni o‘z qarichi bilan o‘lchaydi. Hammaning o‘z e’tiqodi bor. Ammo hech kim uning o‘qishga kirgani sababini topolmadi.
Buning sababini faqat men bilardim.

Har tong yuragimni hovuchlab ishga kelarkanman "Bugun nechta o‘quvchim darsga kelmas ekan? Qaysi biri vijdonliroq edi? Qo‘ng‘iroq qilsam ko‘tararmikan?" -degan hadik bilan xonamning eshigini ocharkanman, ortimdan o‘sha o‘quvchim kirib kelardi.
—Assalomu alaykum, ustoz!
Ko‘nglim yorishib ketardi. Ish kunimni  bir marta ham sababsiz dars qoldirmagan o‘quvchimni duo qilishdan boshlardim. " Yo, Alloh shu o‘quvchimning yo‘llarini  och, o‘zi istagan o‘qishga kirib ketsin, nima niyat qilsa orzusiga yetsin!"

Hamma  o‘zicha sabab qidirayotgan shu kunlarda men duolarim ijobatini ko‘rib turganimdan baxtiyorman.

Ustozlarning duosi saodat kalitidir

©Feruza Salxodjayeva

👉 https://t.me/Talimiyuz - Ta'limga oid xabarlar kanali

⚡️ Qiziqarli ma’lumotlar
   
Dunyo aholisi 7,8 mlrd. kishini tashkil etadi.
Bu ko‘pchilik odamlar uchun katta raqam, xolos.
Biroq, agar siz dunyodagi 7.8 milliard odamni 100% deb hisoblasak yanada aniq ma’lumotni ko‘rishimiz mumkin:

Yer aholisini 100% dan
11% Yevropada
5% Shimoliy Amerikada
9% Janubiy Amerikada joylashgan
15% Afrikada,
60% Osiyoda joylashgan

49% qishloqda yashaydi
Shaharlarda esa 51%

12% Xitoy tilida  gapiradi
5%  Ispan tilida gapiradi
5% Inglizchada gapiradi
3%  ko‘proq aholi inglizcha gapirishni biladi.
3%  Hind tilida,
3%  Arab tilida gapiradi
3%  Portugal,
2%  Rus tilida
2%  ko‘prog‘i Yapon tilida gapiradi.
62% yer aholisi o‘z tilida so‘zlashadi.

Yer aholisining
77% o‘z uylariga ega,
23% o‘z uyi yo‘q.

Odamlarning
21% keragidan ortiq
63% yetarlicha yeyishi mumkin
15% ochlikda yashaydi

87% odam toza ichimlik suviga ega
13% da toza ichimlik suvi yo‘q yoki ifloslangan suv manbaiga ega.

75% mobil telefonlar bor
25% yo‘q.

30% internetga kirish imkoni bor,
70% Internetga kirish uchun sharoit yo‘q

7% oliy ma’lumotli,
93% odam kollejda o‘qimagan.

83% o‘qishda davom etishi mumkin
17% odamlarning boshlang‘ich savodi yo‘q

33% Masihiylar
22% Musulmon
Hindlar 14%
Buddiylar 7%
12% boshqa dinlar
12% diniy ye’tiqodga ega emaslar.

Axolining
26% 14 yildan kam yashaydi,
66%  15 yoshdan 64 yosh orasida vafot etdi.
8% odamlar 65 yoshdan oshgan.

Yashashga uyingiz bo‘lsa,tabiiy oziq-ovqat va toza suv ichsangiz, Mobil telefon, Internet va bilim olish uchun sharoitingiz bo‘lsa, Siz yer aholisining 7 % dan kamrog‘iga nasib etgan imtiyozlilarga egasiz.

Dunyodagi 100% odamdan faqat  8%  65 yoshgacha yashashi mumkin.

65 yoshdan oshsangiz, Allohdan minnatdor bo‘ling. Siz  92% insonlar kabi 64 yoshga yetguningizcha dunyoni tark etmadingiz. Siz  baxtli insonsiz.

Malumotlar  Karim Baxriyev sahifasidan olingan.

👉 https://t.me/Talimiyuz - Ta'limga oid xabarlar kanali

⚡️ 2025-yilda O'zbekiston ta'lim sohasida bir qator muhim o'zgarishlar amalga oshirilmoqda. Quyida ushbu yangiliklar bilan tanishing:

● 1. Ta'lim to'g'risidagi yangi qonun kuchga kirdi

2025-yil 1-yanvardan boshlab yangi tahrirdagi "Ta'lim to'g'risida"gi Qonun kuchga kirdi. Ushbu qonun ta'lim sohasidagi munosabatlarni tartibga solish, ta'lim sifatini oshirish va zamonaviy talablarga moslashtirishni maqsad qilgan.

● 2. Pedagoglarning maqomi belgilandi

"Pedagogning maqomi to'g'risida"gi Qonun qabul qilinib, 2025-yildan kuchga kirdi. Ushbu qonun pedagoglarning huquq va majburiyatlarini aniq belgilab, ularning ijtimoiy himoyasini kuchaytirishga qaratilgan.

● 3. Ta'lim tizimida raqamlashtirish jarayonlari jadallashmoqda

2025-yilda ta'lim tizimini raqamlashtirish bo'yicha yangi axborot tizimlari va elektron ta'lim resurslari (kontent) yaratish rejalashtirilgan. Bu esa ta'lim jarayonlarini yanada samarali va zamonaviy qilishga xizmat qiladi.

● 4. Kitobxonlik madaniyatini rivojlantirish davom etmoqda

2020-2025-yillarda kitobxonlik madaniyatini rivojlantirish va qo'llab-quvvatlash milliy dasturi doirasida 2025-yilda ham bir qator tadbirlar amalga oshirilishi rejalashtirilgan. Bu yoshlarning kitobga bo'lgan qiziqishini oshirishga qaratilgan.

● 5. Ta'lim sohasidagi islohotlar yangi bosqichga ko'tarildi

2023-yil 30-aprel kuni referendum asosida qabul qilingan yangi tahrirdagi Konstitutsiyada ta'lim olish huquqining yanada yorqinroq aks etishi ta'lim sohasidagi islohotlarni yangi bosqichga olib chiqdi. 2025-yilda ushbu islohotlar amalda keng qo'llaniladi.

● 6. Ta'lim tizimida yangi yondashuvlar joriy etilmoqda

So'nggi yillarda O'zbekistonda ta'lim sohasida amalga oshirilayotgan islohotlar doirasida 2025-yilda ham yangi yondashuvlar va innovatsion usullar joriy etilishi davom etadi. Bu esa ta'lim sifatini oshirishga xizmat qiladi.

Ushbu o'zgarishlar ta'lim sifatini oshirish va zamonaviy talablarga moslashtirishga qaratilgan bo'lib, mamlakatimizning kelajakdagi rivojlanishida muhim ahamiyat kasb etadi.

👉 https://t.me/Talimiyuz - Ta'limga oid xabarlar kanali

​⚡️ Sinf rahbarlari bilib olishi kerak!

🟢 O‘quvchilarning shaxsiy yig‘ma jildi hujjatlari o‘quvchini maktabga qabul  qilingan kunidan bitirguniga qadar yuritiladi. Unda quyidagi hujjatlar jamlanadi:

—1. Maktabga qabul qilish haqida ota-ona  (yoki  ularning  o‘rnini  bosuvchi shaxslar)ning arizasi;

—2. O‘quvchining tug‘ilganlik haqidagi guvohnoma (pasport, ID-karta) nusxasi;

—3. Ota-onasi (yoki  ularning o‘rnini bosuvchi shaxslar)ning  pasport (ID-karta) nusxalari;

—4. Tibbiy ma’lumotnoma;

—5. Baholar tabeli (10-11-sinf  o‘quvchilari  uchun  9-sinfda berilgan tayanch ma’lumot to‘g‘risida shahodatnoma).

🔰 O‘quvchining shaxsiy yig‘ma jildi hujjatlari sinf rahbari tomonidan yuritilib, har o‘quv yili boshida xatlovdan o‘tkaziladi.

🔰 O‘quvchining shaxsiy yig‘ma jild  hujjatlari o‘quvchi maktabni  tamomlaganidan so‘ng 3 yil muddatda maktabda  saqlanadi.

👉 https://t.me/Talimiyuz - Ta'limga oid xabarlar kanali

​⚡️ O‘quvchilarning ta’til paytidagi xatti-harakatlari uchun ota-onalar javob beradi

Barchamizga ma’lumki, ilgari o‘quvchilarning xar qanday xatti-harakatlari uchun, xoh u ta’tilda bo‘lsin xoh darsdan tashqarida bo‘lsin, faqat sinf rahbar, direktor yoki uning o‘rinbosarlari javobgar bo‘lardi. Misol uchun o‘quvchi ta’til vaqtida qo‘shnisi bilan mushtlashib, janjallashib qolsa ham ichki ishlar organi xodimlari o‘sha o‘quvchining sinf rahbarini chaqirtirib bezovta qilardi.

Ko‘p hollarda maktab rahbariyati bilan birga sinf rahbarlari lavozim vazifalarini bajarmagan deya baholanib, ularga nisbatan hayfsan intizomiy jazo chorasi qo‘llanilar edi. O‘quvchining ota-onasiga esa deyarli hech qanday ta’sirchan choralar ko‘rilmasdi. Hozir esa bunday holatlarning oldi olingan.

Xalq ta’limi vazirligining 2021 yil 22 fevral kungi 41-sonli buyrug‘i bilan tasdiqlangan, sinf rahbari to‘g‘risidagi nizomga muvofiq ta’lim muassasasidan tashqarida darsdan keyingi va ta’til paytidagi o‘quvchilarning xatti-harakatlari uchun amaldagi qonunchilik hujjatlariga muvofiq ota-onalar javob beradi.

Sinf rahbarlari esa javobgarlikka tortilmaydi. Demak bunday holallarda nafaqat sinf rahbariga balki direktor o‘rinbosarlariga nisbatan ham intizomiy jazo choralari qo‘llanilmaydi.

Shuni ham unutmaslik kerakki, O‘zbekiston Respublikasi Oila kodeksining 73-moddasida ota-onalar farzandlarini tarbiyalashga mas'ul ekanligi bayon etilgan. Ular farzandlarining salomatligi, aqliy, jismoniy, ma’naviy va axloqiy rivojlanishi uchun g‘amxo‘rlik qilishlari shart.

👉 https://t.me/Talimiyuz - Ta'limga oid xabarlar kanali

⚡️O‘QITUVCHI

Halollikdir shiori,
Halol luqma tishlaydi,
Olti kun maktabda ish,
Bir kun uyda ishlaydi.
※※※
O‘zbekda ish tugamas,
Tugamas yozu, qishlar,
Yakshanbani kutishib,
Turar uydagi ishlar.
※※※
Yerni ag‘dar,ekin ek,
Uy joy ko‘tar,uy joy qur,
Shunday qizg‘in va shoshqin,
O‘taveradi  umr.
※※※
Goho yakshanbada ham,
Maktabga chorlaydilar,
Ish deb hatto yozda ham,
Hech yerga bormaydilar.
※※※
Yuguradi yeladi,
Hech tolmaydi o‘qituvchi,
Dam oladi demang siz,
Dam olmaydi o‘qituvchi.
※※※
Shiddat bilan odimlar,
O‘zgaruvchan bu zamon,
Besh yilda bir toifa,
Malaka test-imtihon.
※※※
O‘tolmasa gar testdan,
Hech qadr topmaydilar,
Ishdan kelib tunlari,
Uyda test yodlaydilar.
※※※
Qadrin bilmas hamma ham,
G‘iybatlar sotarlar bor,
Piching qilib ortidan,
Toshlar ham otarlar bor.
※※※
Ishdan ortmas o‘qituvchi,
Buni bilgan bilibdi,
Kimni uribdi ustoz,
Kimni g‘iybat qilibdi?
※※※
Bir naql bor ustoz zot,
Otangdek ulug‘ degan,
Baribir ustoz ulug‘,
Ustoz mo‘tabar ekan.
※※※
Haykal qurmang unga siz,
E’zoz ehtirom bering,
Unga ozgina hordiq,
Ozgina orom bering.
※※※
Halollikdir shiori,
Haloldan non tishlaydi,
Olti kun maktabda ish,
Bir kun uyda ishlaydi.

🖋Xurshid Karim

Barchaga ulashing!

👉 https://t.me/Talimiyuz - Ta'limga oid xabarlar kanali

⚡️ O‘zbekiston yilnomasi: Har bir yilga bag‘ishlangan ezgu maqsadlar
​
✅ Yangi 2025-yil — “Atrof-muhitni asrash va “yashil” iqtisodiyot yili” muborak bo‘lsin!

1991-yil — Alisher Navoiy yili.
1992-yil — Hamshiralar yili.
1993-yil — Ahmad Yassaviy yili.
1994-yil — Mirzo Ulug‘bek yili.
1995-yil — Abu Ali ibn Sino yili.
1996-yil — Amir Temur yili.
1997-yil — Inson manfaatlari yili.
1998-yil — Oila yili.
1999-yil — Ayollar yili.
2000-yil — Sog‘lom avlod yili
2001-yil — Ona va bola yili.
2002-yil — Qariyalarni qadrlash yili.
2003-yil — Obod mahalla yili.
2004-yil — Mehr-muruvvat yili.
2005-yil — Sihat-salomatlik yili.
2006-yil —Homiylar va shifokorlar yili.
2007-yil —Ijtimoiy himoya yili.
2008-yil — Yoshlar yili.
2009-yil — Qishloq taraqqiyoti va farovonligi yili.
2010-yil — Barkamol avlod yili.
2011-yil — Kichik biznes va xususiy tadbirkorlik yili.
2012-yil — Mustahkam oila yili.
2013-yil — Obod turmush yili.
2014-yil — Sog‘lom bola yili.
2015-yil — Keksalarni eʼzozlash yili.
2016-yil — Sog‘lom ona va bola yili.
2017-yil— Xalq bilan muloqot va inson manfaatlari yili.
2018-yil — Faol tadbirkorlik, innovatsion g‘oyalar va texnologiyalarni qo‘llab-quvvatlash yili.
2019-yil — Faol investitsiyalar va ijtimoiy rivojlanish yili.
2020-yil — Ilm-ma'rifat va raqamli iqtisodiyotni rivojlantirish yili.
2021-yil — Yoshlarni qo‘llab-quvvatlash va aholi salomatligini mustahkamlash yili.
2022-yil — Inson qadrini ulug‘lash va faol mahalla yili.
2023-yil — Insonga eʼtibor va sifatli taʼlim yili.
2024-yil — “Yoshlar va biznesni qo’llab-quvvatlash yili”
2025-yil — “Atrof-muhitni asrash va “yashil” iqtisodiyot yili”

📎 Saqlab qoʻying kerak boʻladi!

👉 https://t.me/Talimiyuz - Ta'limga oid xabarlar kanali

​⚡️ Barcha fanlardan tayyorlanish uchun video darsliklar manbalari va testlarni kutib oling

O‘z faningizdan olish uchun quyidagi ko‘k yozuv ustiga bosing: 👇

👉 Tarbiya fani video darsliklar

👉 Texnologiya fani video darsliklar

👉 Fizika fanidan video darsliklar

👉 Matematika fanidan video darsliklar

👉 Tarix fanidan video darsliklar

👉 Informatika fanidan video darsliklar

👉 Kimyo fanidan video darsliklar

👉 Geografiya fanidan video darsliklar

👉 Boshlang‘ich ta'lim fanidan video darsliklar

👉 Ingliz tili fanidan video darsliklar

👉 Rus tili fanidan video darsliklar

👉 Ona tili va adabiyot fanidan video darsliklar

👉 Biologiya fanidan video darsliklar

👉 @TalimiyUz - Testlardan tashqari tadbirlar uchun ssenarylar to‘plami ham mavjud

⚡️Rasman: Maktablarda qishki ta’til 29 dekabrdan boshlanadi

✅ III chorak darslari esa 2025 yil 13 yanvardan boshlanadi

Ota-onalar, o‘quvchilar va pedagoglarga qulaylik yaratish hamda o‘quv jarayonlarining uzluksizligini ta’minlash maqsadida qishki ta’til kunlari 2024 yil 29 dekabrdan boshlanib, 2025 yil 11 yanvarga qadar davom etadi.

Bunda maktablarda 2025 yil 11 yanvar (shanba) kuniga belgilangan darslar 2024 yil 28 dekabr (shanba) kuniga o‘tkaziladi hamda o‘quv yilining 3-choragi 2025 yil 13 yanvar (dushanba)dan boshlanadi.

👉 https://t.me/Talimiyuz - Ta'limga oid xabarlar kanali

​⚡️KUNDALIK COMDA (E MAKTABDA) HISOBOTLARNI BARCHA BO‘LIMINI 100% QILISHNING ODDIY USULI.

Kundalik comda hisobotingizning barcha bo‘limi 100% bo‘lmayaptimi? Buning uchun quyidagi ishni qiling. Google browzerdan kundalik comga kiring.

✅ 1-jurnalga kirib mavzuni yozing (agar, avvaldan mavzuni yuklamagan bo‘lsangiz. Agar mavzuni yuklagan bo‘lsangiz mavzuga tegmang)

✅ 2-o‘quvchilarga baho qo‘ying.

3-uy vazifasini yozing. Agar, avvaldan uy vazifasi yuklangan bo‘lsangiz, uni o‘zgartiring, yoki qo‘shimcha qo‘shing (hech bo‘lmasa bitta nuqta qo‘ying)

Diqqat! Shu 3 ta ishni o‘z vaqtida qiling, hisobotingizning barcha bo‘limi 100% bo‘ladi.

👉 https://t.me/Talimiyuz - Ta'limga oid xabarlar kanali