TDYU YURIDIK KLINIKASI

#Savol_javob

Ta'lim krediti xusuiy oliygoh talabalari uchun ham beriladimi?

❇️ O'zbekiston Respublikasi Vazirlar Mahkamasining Oliy, o'rta maxsus va professional ta'lim tashkilotlarida to'lov kontrakt asosida o'qish uchun ta'lim kreditilari ajratishni tartibga solish chora-tadbirlari to'g'risidagi 527-son qaroriga ko'ra nizom qabul qilingan va ushbu nizomga muvofiq O‘zbekiston Respublikasida faoliyat ko‘rsatayotgan ta’lim muddati bir yil va undan ortiqni tashkil etuvchi barcha oliy, o‘rta maxsus va professional ta’lim tashkilotlari (davlat, nodavlat oliy, o‘rta maxsus va professional ta’lim tashkilotlari, O‘zbekiston Respublikasi hududidagi xorijiy oliy, o‘rta maxsus va professional ta’lim tashkilotlari va ularning filiallari)da va qo‘shma ta’lim dasturlari bo‘yicha bakalavr hamda magistraturaning kunduzgi, sirtqi va kechki ta’lim shaklida to‘lov-kontrakt asosida tahsil olish uchun O‘zbekiston Respublikasi fuqarolariga Iqtisodiyot va moliya vazirligi huzuridagi Ta’lim kreditini moliyalashtirish jamg‘armasi mablag‘lari hisobidan ta’lim kreditlarini ajratish va ularni qaytarish tartibini belgilaydi.

✅ Ushbu Nizom qoidalari:
chet el fuqarolari va fuqaroligi bo‘lmagan shaxslarga nisbatan;
tijorat banklari tomonidan Jamg‘arma mablag‘laridan tashqari boshqa manbalar hisobidan beriladigan ta’lim kreditlariga nisbatan tatbiq etilmaydi.

♻️ Yuqoridagi normadan xulosa shuki, ta'lim kredeti xususiy oliygohlar talabalari uchun ham beriladi.

📚 Asos: O'zbekiston Respublikasi Vazirlar Mahkamasining Oliy, o'rta maxsus va professional ta'lim tashkilotlarida to'lov kontrakt asosida o'qish uchun ta'lim kreditilari ajratishni tartibga solish chora-tadbirlari to'g'risidagi 527-son qarori

👤: TDYU Yuridik klinikasi ko'ngilli talabasi:
Najmiddinova Sarvara

📩 Murojaat uchun:
@TDYU_Yuridik_klinika_bot

#Savol_javob
Hamster Combat o'ynaganlik uchun javobgarlik bormi?

Ha ✅ agarda u Listing bo'lsa.

🔰 💎Not coin,🐹Hamster Combat, 🪙TapsWap kabilar O'zbekistonda taqiqlangan negaki yuqorida sanab o'tilganlar Kripto-aktivlari hisoblanadi.
🔰Kripto-aktivlarni qonunga xilof ravishda olish, oʼtkazish yoki ayirboshlash, belgilangan tartibda litsenziya olmasdan kripto-aktivlar aylanmasi sohasidagi xizmatlar provayderlari faoliyatini amalga oshirish, kripto-aktivlarni hamda mazkur huquqbuzarliklarni sodir etish qurollarini musodara qilib, oʼn besh sutkagacha maʼmuriy qamoqqa olishga yoki maʼmuriy qamoq qoʼllanilishi mumkin boʼlmagan shaxslarga bazaviy hisoblash miqdorining yigirma baravaridan oʼttiz baravarigacha miqdorda jarima solishga sabab boʼladi.

📌Demak, O'zbekistonda kripto-aktivlar bilan bog'liq faoliyatlar qat'iy nazorat ostiga olingan va ularni amalga oshirish uchun maxsus litsenziya talab etiladi.


📚Asos: O‘zbekiston Respublikasining Ma’muriy javobgarlik to‘g‘risidagi kodeksining 155⁴- moddasi


🏛TDYU Yuridik klinikasi ko'ngilli talabasi Yoriyev Komoliddin

📨Murojaat uchun:
@TDYU_Yuridik_klinika_bot

2-qism
Davlat buzilgan xususiy mulk huquqining tiklanishini va uning sud orqali himoya qilinishini kafolatlaydi.
📚 Asos: O'zbekiston Respublikasining "Xususiy mulkni himoya qilish va mulkdorlar huquqlarining kafolatlari to'g'risida"gi Qonuni 6-moddasi 1-qismi

✅ Sud da’vo bo‘yicha javob berishi lozim bo‘lmagan shaxsga nisbatan da’vo taqdim etilganligini aniqlasa, hal qiluv qarori qabul qilinguniga qadar da’vogarning roziligi bilan ishga daxldor bo‘lmagan javobgarni ishga daxldor javobgar bilan almashtirishga yo‘l qo‘yishi mumkin.
📚 Asos: O'zbekiston Respublikasining Fuqarolik protsessual kodeksi 46-moddasi 1-qismi

✅ Taraflar va ishda ishtirok etishga jalb qilingan boshqa shaxslar, shuningdek ishda ishtirok etishga jalb qilinmagan, ammo huquq va majburiyatlari haqidagi masala sud tomonidan hal etilgan shaxslar, shuningdek O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil sudning qonuniy kuchga kirmagan hal qiluv qarori, ajrimi, qarori ustidan apellatsiya tartibida shikoyat qilishi mumkin, bundan tadbirkorlik faoliyati bilan bog‘liq bo‘lmagan nizolar mustasno.
📚 Asos: O'zbekiston Respublikasining Fuqarolik protsessual kodeksi 383-moddasi 1-qismi

✅ Apellatsiya shikoyati (protesti) sud tomonidan hal qiluv qarori qabul qilingan kundan e’tiboran bir oy ichida berilishi mumkin.
📚 Asos: O'zbekiston Respublikasining Fuqarolik protsessual kodeksi 385¹-moddasi 1-qismi

➡️Davlat buzilgan xususiy mulk huquqining tiklanishini kafolatlaganidan keyin sud e'tirozingizni rad etmasdan, javobgarni almashtirishi va zararni kvartira egasi va u bilan birga istiqomat qiluvchi shaxslardan solidar tartibda undirish masalasini hal qilishi lozim edi. Endi siz o'z huquqingizni tiklashingiz uchun 1 oy ichida sudning qarori ustidan appelatsiya tartibida shikoyat berishingiz mumkin.

‼️Xulosa:
Ushbu vaziyatda kvartira egasi javobgar bo’ladi.
Sudning xatti-harakatlari esa O'zbekiston Respublikasining "Xususiy mulkni himoya qilish va mulkdorlar huquqlarining kafolatlari to'g'risida"gi Qonuni 6-moddasi 1-qismi va Fuqarolik protsessual kodeksi 46-moddasi 1-qismida belgilangan qoidalarga zid.

🏛TDYU Yuridik klinikasi ko‘ngilli talabasi:
Dusmuratov Mirzarustam

📩Murojaat uchun:
@TDYU_Yuridik_klinika_bot

#savol_javob

❓Savol:
Tepamdagi kvartiradan menikiga suv oqdi. U yerda ijarachilar yashaydi. Men sudga murojaat qilib, ulardan zararni qoplab berishni so'radim, lekin sud e'tirozimni rad etdi, chunki kvartira egasi va ijarachilar o'rtasida ijara shartnomasi tuzilmagan. Ushbu vaziyatda kim javobgar bo'ladi: kvartira egasimi yoki ijarachimi? Sudning xatti-harakatlari to'g'rimi?

❗️Javob:
✅ Uy-joyni ijaraga berish shartnomasi yozma shaklda tuziladi.
Fuqarolar o‘rtasida tuzilgan uy-joyni ijaraga berish shartnomasi davlat soliq organlarida hisobga qo‘yilishi lozim.
📚 Asos: O'zbekiston Respublikasining Fuqarolik kodeksi 603-moddasi

✅ Bitimning notarial shakliga yoki uni davlat ro‘yxatidan o‘tkazish talabiga rioya qilmaslik bitimning haqiqiy emasligini keltirib chiqaradi.
📚 Asos: O'zbekiston Respublikasining Fuqarolik kodeksi 112-moddasi 1-qismi

➡️ Ijara shartnomasi yozma shaklda tuzilib, davlat soliq organida hisobga qo'yilmaganligi uchun haqiqiy emasdir. Demak, de-yure, kvartira egasi va ijaraga oluvchi o'rtasida ijara shartnomasi tuzilmadi. Bundan kelib chiqadi, kvartirada ijarachilar yashaganligi to‘g‘risida va suv toshqiniga ularning aloqadorligini ko‘rsatuvchi dalillar mavjud emas.

✅ Turar joyga bo‘lgan mulk huquqi muddatsiz bo‘lib, fuqarolar va yuridik shaxslarning, davlatning huquqlarini hamda qonun bilan qo‘riqlanadigan manfaatlarini buzmagan holda shaxsning o‘ziga tegishli turar joyga o‘z xohishi va manfaatlariga ko‘ra egalik qilish, undan foydalanish va uni tasarruf etish, shuningdek o‘zining mulk huquqi buzilishini bartaraf etishni talab qilish huquqidan iboratdir.
📚 Asos: O'zbekiston Respublikasining Uy-joy kodeksi 11-moddasi 3-qismi

✅ Uy, kvartira mulkdori uy, kvartiraning asralishini, tegishli texnik va sanitariya holatini ta’minlashi, ularni o‘z hisobidan joriy va kapital ta’mirlash ishlarini amalga oshirishi shart.
📚 Asos: O'zbekiston Respublikasining Uy-joy kodeksi 24-moddasi 2-qismi

✅ G‘ayriqonuniy harakat (harakatsizlik) tufayli fuqaroning shaxsiga yoki mol-mulkiga yetkazilgan zarar, shuningdek yuridik shaxsga yetkazilgan zarar, shu jumladan boy berilgan foyda zararni yetkazgan shaxs tomonidan to‘liq hajmda qoplanishi lozim.
📚 Asos: O'zbekiston Respublikasining Fuqarolik kodeksi 985-moddasi 1-qismi

➡️ Ijara shartnomasi tuzilmaganligi tufayli kvartira egasi o'z kvartirasidan foydalanib turib, undagi joriy ta'mirlash ishlarini olib bormaganligi, ya'ni suv toshqini bilan bog'liq muammoni hal qilmaganligi oqibatida sizga zarar yetkazgan va ushbu zararni qoplashi lozim bo'lgan shaxs bo'lib qolmoqda.

🏛TDYU Yuridik klinikasi ko‘ngilli talabasi:
Dusmuratov Mirzarustam

📩Murojaat uchun:
@TDYU_Yuridik_klinika_bot

#Savol_javob

⁉️ Turmush o'rtog'im o'g'limga chetga chiqish uchun ishonchnoma bergan edi endi o'g'limning xorijga chiqish passporti borligi uchun ishonchnomani bekor qilsa bo'ladimi?

♻️ O'zbekiston Respublikasi Fuqarolik kodeksining 134-moddasiga ko'ra bir shaxs (ishonch bildiruvchi) tomonidan ikkinchi shaxsga (ishonchli vakilga) uchinchi shaxslar oldida vakillik qilish uchun berilgan yozma vakolat ishonchnoma hisoblanadi. Ishonchli vakil o‘ziga ishonchnoma bilan berilgan vakolatlar doirasida ish olib boradi.

♻️ O'zbekiston Respublikasi Fuqarolik kodeksi 141-moddasiga muvofiq ishonchnomaning amal qilishi quyidagi hollarda bekor bo‘ladi:
1) ishonchnoma muddatining tamom bo‘lishi;
2) ishonchnoma bergan shaxsning uni bekor qilishi;
3) ishonchnoma berilgan shaxsning bosh tortishi;
4) nomidan ishonchnoma berilgan yuridik shaxs faoliyatining to‘xtatilishi;
5) nomiga ishonchnoma berilgan yuridik shaxs faoliyatining to‘xtatilishi;
6) ishonchnoma bergan fuqaroning muomalaga layoqatsiz, muomala layoqati cheklangan yoki bedarak yo‘qolgan deb hisoblanishi, yoxud uning vafot etishi;
7) ishonchnoma olgan fuqaroning muomalaga layoqatsiz, muomalaga layoqati cheklangan yoki bedarak yo‘qolgan deb hisoblanishi, yoxud uning vafot etishi.
Ishonchnoma bergan shaxs istagan vaqtda ishonchnomani bekor qilishi, ishonchnoma berilgan shaxs esa — undan voz kechishi mumkin. Bu huquqdan voz kechish haqidagi bitim haqiqiy emas.
Ishonchnomaning amal qilishi bekor bo‘lishi bilan uni boshqa shaxsga o‘tkazish ham o‘z kuchini yo‘qotadi.

✅ Yuqoridagilardan xulosa shuki, ishonchnoma bergan turmush o'rtog'ingiz ishonchnomani istagan vaqtda bekor qilishi mumkin.

Asos: O'zbekiston Respublikasi Fuqarolik kodeksi 134-141-moddalari

TDYU Yuridik klinikasi talabasi
Najmiddinova Sarvara

📩 Murojaat uchun:
@TDYU_yuridik_klinika_bot

#Savol_javob

❓ Subsidiya olish uchun arizalar qabuli qachon boshlanadi?

✅ Joriy yilning 15-mayidan 1-noyabriga qadar arizalar qabul qilinadi,bunda siz arizangizni my.gov.uz – Yagona interaktiv davlat xizmatlari orqali yuborishingiz mumkin.
❗️Fuqarolar ro'yxatga olingan doimiy yashash joyidagi hududi doirasida olishlari, shuningdek,bir oila uchun bir marotaba ajratiladi.

Subsidiya:
📌 kvartiralarni sotib olish uchun;
📌 yakka tartibdagi uy-joylarni qurish va rekonstruksiya qilish uchun ajratilgan ipoteka kreditlarini foizlarini qoplash uchun ajratiladi. Bunda muddatlari,miqdorlari (foizlari % ) tegishli normativ-huquqiy hujjatlar bilan belgilab qo'yilgan.

Quyidagi hollarda ariza beruvchiga subsidiya ajratish rad etiladi:
📌 taqdim etilgan arizada ko‘rsatilgan ma’lumotlar ijtimoiy mezonlarga mos kelmaganda;
📌 taqdim etilgan ma’lumotlar noto‘g‘ri yoki soxta bo‘lganda;
📌 ilgari shahar va qishloq joylarda arzon uy-joy qurish dasturlari doirasida imtiyozli ipoteka kreditlaridan foydalangan holda kvartira yoki yakka tartibdagi uy-joy hamda subsidiya olgan (avval olingan uy-joy boshqa shaxsga begonalashtirib yuborilgan taqdirda ham) oila a’zolari (eri, xotini) takroriy murojaat etganda;
📌 joriy yilda hudud uchun ajratiladigan subsidiya soni tugaganda;
📌 ariza beruvchi va/yoki oilaning o‘rtacha oylik daromadi yetmasa.

🔰Asos: O’zbekiston Respublikasi
Vazirlar Mahkamasining 2020-yil 25 martdagi 182-son qarori asosida taqdiqlangan
"Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya to‘lash tartibi to‘g‘risidagi" nizomning 6-bobi.

⚖️ TDYU Yuridik klinika ko’ngilli talabasi:
Babanazarova Shohsanam

📩Murojaat uchun:
@TDYU_Yuridik_klinika_bot

#savol_javob

❓Hozir men Rossiyadaman. Ayolim aliment uchun sudga ariza bergan. 27-kuni sudga borishim kerak, lekin borolmayman. Shu sababli oʻrnimga boshqa birov qatnashsa boʻladimi❓

❕Javob:
🅰 Ishonch bildiruvchi oʻz huquqlari va qonun bilan qoʻriqlanadigan manfaatlarini himoya qilish boʻyicha sudda ish yuritishni shartnoma boʻyicha (ixtiyoriy) vakilga topshirishlari mumkin. Quyidagilar shartnoma boʻyicha (ixtiyoriy) vakil boʻlishi mumkin:
♻️ advokatlar
♻️nasl-nasab shajarasi boʻyicha toʻgʻri tutashgan yoki yon shajara boʻyicha qarindoshlar, shuningdek er(xotin) yoxud uning qarindoshlari
♻️yuridik shaxslarning xodimlari
♻️ notijorat tashkilotlarining vakolatli vakillari
♻️ qonunga binoan boshqa shaxslarning huquq va manfaatlarini himoya qilish huquqi berilgan notijorat tashkilotlarining vakolatli vakillari
♻️ birgalikda ishtirok etuvchilardan biri boshqa birgalikdagi ishtirokchilarning topshirigʻi boʻyicha
♻️ishni koʻrib chiqayotgan sud tomonidan ishda jismoniy shaxslarning vakillari sifatida ishtirok etishiga yoʻl qoʻyilgan shaxslar
📚Asos: Oʻzbekiston Respublikasi Fuqarolik protsessual kodeksi 67-modda

➡️ Bunda vakilning vakolatlari qonunga muvofiq berilgan va rasmiylashtirilgan ishonchnomada  koʻrsatilgan boʻlishi lozim. Fuqarolar tomonidan beriladigan ishonchnomalar notariuslar yoki notarial harakatlarni amalga huquqiga ega boʻlgan boshqa mansabdor shaxslar tomonidan tasdiqlanadi.
📚Asos: Oʻzbekiston Respublikasi Fuqarolik protsessual kodeksi 68-modda

🅱 Oʻzbekiston Respublikasi Fuqarolik protsessual kodeksining 71-moddasiga asosan taraflarning va uchinchi shaxslarning tushintirishlari, guvohlarning koʻrsatuvlari belgilangan tartibda videokonferensaloqa tizimidan foydalanish yoʻli bilan olinishi mumkin.
✅ Videokonferensaloqa orqali ishtirok etish sudya tomonidan ish muhokamasiga tayyorlanish jarayonida hal etiladi.
📚Asos: Oʻzbekiston Respublikasi Fuqarolik protsessual kodeksi 204-modda.

‼️ Xulosa:
siz ushbu holatda boshqa shaxsga notarius orqali ishonchnoma berishingiz yoki sudga maʼlum qilib videokonferensiya aloqa tizimi orqali ishtirok etishingiz mumkin.

🏛TDYU Yuridik klinika koʻngilli talabasi:
Husniya Qo'ziyeva

📩Murojaat uchun:
@TDYU_Yuridik_klinika_bot

⁉️Pensiya va nafaqaning bir-biridan farqi va ularning tayinlanish tartibi qanday ?

Bu ikki tushunchaning farqi nimada ?

✅O‘zbekiston Respublikasining “Fuqarolarning davlat pensiya ta’minoti to‘g‘risida”gi qonuniga ko‘ra, yetarlicha ish stajiga ega bo‘lgan fuqarolar va ularning oilalari pensiya olish huquqiga ega.

Ushbu qonunga ko’ra davlat pensiyalari quyidagicha:
1. Yoshga doir pensiya.
2. Nogironlik pensiyasi.
3. Boquvchisini yo‘qotganlik pensiyasi.

Qonunning 7-moddasiga ko’ra, yoshga doir pensiya olish huquqiga:

🚹Erkaklar — 60 yoshga to‘lganda va ish staji kamida 25 yil bo‘lgan taqdirda;

🚺Ayollar — 55 yoshga to‘lganda va ish staji kamida 20 yil bo‘lgan taqdirda ega bo‘ladilar.

“Fuqarolarning davlat pensiya ta’minoti to‘g‘risida”gi O‘zbekiston Respublikasi qonunida belgilangan shartlar va me’yorlarga muvofiq davlat pensiyasini tayinlash uchun zarur ish stajiga ega bo‘lmagan shaxslar nafaqa olish huquqiga egalar.

Vazirlar Mahkamasining 2023-yil 23-martdagi 119-son qaroriga 1-ilova “Ijtimoiy himoyaga muhtoj bo‘lgan ayrim toifadagi shaxslarga nafaqa tayinlash va to‘lash tartibi to‘g‘risida”gi nizom nafaqalarni tayinlash, qayta hisoblash, ularning turini o‘zgartirish va to‘lash tartiblarini belgilaydi.

✅ Ushbu nizomga ko'ra, quyidagi nafaqalar tayinlanadi:
I.Nogironligi bo‘lgan 18 yoshgacha bolalarga nogironlik nafaqasi;
II. Parvarishlash nafaqasi;
III. Nogironlik nafaqasi;
IV.Boquvchisini yo‘qotganlik nafaqasi;
V. Yoshga doir nafaqa.
VI.Ishdan bo'shatish nafaqasi
VII.Kam ta'minlangan oilalarga to'lanadigan nafaqa.

🔴Nizomning 19-bandiga ko’ra, yoshga doir nafaqa ayollarga — 60 yosh (bolalikdan nogironligi bo‘lgan farzandi bor (bo‘lgan) onalarga esa 55 yoshdan)
va erkaklarga — 65 yoshga yetganda tayinlanadi.

📚Manbalar: 🔰1.“Fuqarolarning davlat pensiya ta’minoti to‘g‘risida”gi O‘zbekiston Respublikasi qonuni.
🔰2.“Ijtimoiy himoyaga muhtoj bo‘lgan ayrim toifadagi shaxslarga nafaqa tayinlash va to‘lash tartibi to‘g‘risida”gi nizom

TDYU Yuridik klinika ko'ngilli talabasi:
Toxirov Dilshodbek

📥Murojaat uchun bot:
@TDYU_Yuridik_klinika_bot

# Bilasizmi

🔴 Ish beruvchi xodimning aybli
harakati sababli mehnat shartnomasini bekor qilayotganda kasaba uyushmasidan rozilik olishi shartmi?

✳️ Mehnat shartnomasi ish beruvchining tashabbusiga kòra quyidagi hollarda bekor qilinganda kasaba uyushmasi qòmitasining roziligi talab etilmaydi:

♻️ Tashkilot òz muassislarining yoki ta'sis hujjatlari bilan bunga vakolat berilgan yuridik shaxs organining qaroriga binoan tugatilganligi yoxud yakka tartibda-
gi tadbirkor tomonidan faoliyat tugatilganligi munosabati bilan ;

♻️ Texnologiyaning Ishlab chiqarish va mehnatni tashkil etish-
ning òzgarishi, ishlar sonining qisqarishi bilan boĝliq bòlgan Tashkilot,yakka tartibdagi tadbirkor xodimlari sonining yoki
shtatning òzgarganligi kòra Tashkilot rahbari , alohida bòlinma rahbari bilan;

♻️ Tashkilot mulkdori òzgarganligi munosabati bilan ushbu kodeks 489-moddasi 1-qismining birinchi bandiga muvofiq Tashkilot rahbarlari, uning òrinbosarlari , bosh buxgalter va tashkilotning alohida bòlinmasi rahbari bilan;

🔰 Kasaba uyushmasi qòmitasi xodim bilan mehnat shartnomasini
bekor qilishga roziligi masalasi bòyicha qabul qilingan qaror haqida mehnat shartnomasini bekor qilish huquqiga ega bòlgan mansabdor shaxsning yozma taqdimnomasi olingan kundan e'tiboran 10 kunlik muddatda ish beruvchiga xabar berishi kerak. Agar kòrsatilgan muddat tugaganidan sòng kasaba uyushmasi qabul qilingan qaror haqida xabar qilmasa, ish beruvchi xodim bilan tuzilgan mehnat shartnomasini kodeksda belgilangan tartibda kasaba uyushmasi qòmitasining roziligisiz bekor qilishga haqli

📚Asos: Òzbekiston Respublikasining Mehnat kodeksi 164-moddasi

⚠️ Demak, xulosa qilishimiz mumkinki, yuqoridagi holatlardan tashqari, agar jamoa kelishuvida yoki jamoa shartnomasida Mehnat shartnomasini ish beruvchining tashabbusiga ko'ra bekor qilish uchun kasaba uyushmasi qòmitasining roziligini olish nazarda tutilgan bòlsa, Mehnat shartnomasini bunday roziliksiz bekor qilishga yòl qòyilmaydi.

TDYU Yuridik klinika kòngilli talabasi:
Eshonqulova Zarnigor

📩 Murojaat uchun :
@ TDYU_Yuridik_klinika_bot

#Bilasizmi
❗️Tavakkalchilikka asoslangan o'yinlarni tashkil etish va bukmekerlik faoliyatini amalga oshirishga ruxsat etiladi.
O'zbekiston Respublikasi Prezidentining "Lotereyalar va tavakkalchilikka asoslangan o'yinlarni tashkil etish va o'tkazishni tartibga solishni takomillashtirish chora-tadbirlari to'g'risida"gi farmoni. (PF-68-son, 19.04.2024) qabul qilindi.

🔰Farmonga ko'ra, 2025-yil 1-yanvardan:

❇️ Internet tarmog'ida tavakkalchilikka asoslangan o'yinlarni tashkil etish va bukmekerlik faoliyatini amalga oshirishga ruxsat etiladi; ❇️ Lotereya, internet tarmog'ida o'yinlar va bukmekerlik faoliyatini tashkil etish qonunchilikga ko'ra, Istiqbolli loyihalar milliy agentligi(vakolatli tashkilot) tomonidan beriladigan litsenziyalar asosida amalga oshiriladi;

‼️ Litsenziyalar asosida tashkil etilgan loteriya hamda internet tarmog'idagi o'yinlar va bukmekerlik garovlarida faqat 18 yoshga to'lgan O'zbekiston Respublikasi rezidenti va norezidentlari qatnashishi mumkin.
♻️ 2025-yil 1-yanvardan 5-yil muddatga lotereya hamda internet tarmog'ida o'yinlarni tashkil etish faoliyatini va bukmekerlik faoliyatini soliqqa tortish quyidagilarni nazarda tutuvchi tartibi bilgilanadi;
➡️ Loteriya, internet tarmog'ida o'yinlarni tashkil etish faoliyatini yoki bukmekerlik faoliyatidan olinan jami daromdidan to'langan yutuqlar va qaytarilgan stavkalar chegirgan holda 4 foiz stavkasida aylanmadan olinadigan soliq to'lovchilari hisoblanadi; ➡️ Jismoniy shaxslarning Agentlik tomonidan berilgan litsenziyalar asosida o'tkaziladigan loteriya hamda internet tarmog'idagi o'yinlardan va bukmekerlik garovlaridan olingan yutuqlar sifatida daromadlari daromad solig'i to'lashdan ozod etiladi.

‼️ Lotereya va internet tarmog'ida o'yinlar, bukmekerlik faoliyati tashkilotchilarining jinoyi faoliyatidan olingan daromadlarini legallashtirishga, terrozimni moliyalashtirishga va ommaviy qirg'in qurollarini tarqatishni moliyalashtirishga qarshi kurashish to'g'risidagi qonunchilik hujjatlariga rioya etilishini monitoring va nazorat qilish funksiyalari Agentlik va Bosh prokuratura huzuridagi Iqtisodiy jinoyatlarga qarshi kurashish departamenti tomonidan amalga oshiriladi.

📚ASOS: O'zbekiston Respublikasi Prezidentining "Lotereyalar va tavakkalchilikka asoslangan o'yinlarni tashkil etish va o'tkazishni tartibga solishni takomillashtirish chora-tadbirlari to'g'risida"gi farmoni.

TDYU yuridik klinika ko'ngilli talabasi:
Toxirov Dilshodbek

Murojaat uchun bot:
@TDYU_Yuridik_klinika_bot

#Savol_javob

Kimlarga xavfsizlik kamarini taqmaslikka ruxsat beriladi?

⁉️ Vazirlar Mahkamasining "Yo’l harakati qoidalarini tasdiqlash to’g’risida"gi 172-sonli qaroriga ko'ra quyidagi shaxslarga xavfsizlik kamarini taqmaslikka ruxsat berilgan:

✅️ avtomobilning orqa o‘rindig‘idagi 12 yoshgacha bo‘lgan bolalar;

✅️ o‘quv-mashq transport vositasini o‘quvchi boshqarayotgan vaqtda instruktorga

✅️ homilador ayollar, salomatligi xavfsizlik kamari taqish imkonini bermaydigan bemorlar (Sog‘liqni saqlash vazirligi tomonidan belgilangan kasalliklar ro‘yxatiga muvofiq va ushbu kasalliklar bilan kasallanganligi bo‘yicha tibbiy ma’lumotnoma mavjud bo‘lganda);

✅️ xizmat vazifasini bajarayotgan xodimga biriktirilgan ko‘k yoki qizil yoxud ko‘k va qizil rangli yaltiroq mayoqchasi bilan jihozlangan hamda maxsus rangli bo‘yoq sxemalar va yozuvlar bilan belgilangan transport vositalari haydovchisi va yo‘lovchilari.


TDYU Yuridik klinika ko'ngilli talabasi:
Ergasheva Istodabonu

📩Murojaat uchun:
@TDYU_Yuridik_klinika_bot

#savol_javob

Fuqarolar qanday hollarda fuqarolik ishlari bo’yicha sudga murojaat qilganda davlat boji to’lovidan ozod bo’ladilar?

✅ O’zbekiston Respublikasi “Davlat boji to’g’risida”gi qonun 8- moddasiga binoan quyidagilar fuqarolik ishlari bo’yicha sudga murojaat qilishganda davlat bojidan ozod etiladilar.
🔹 da’vogarlar- ish haqini undirish to’g’risida da’volar va mehnat huquqlari munosabatidan kelib chiqadigan talablar yuzasidan;

🔹 aliment undirish to’g’risidagi da’volar yuzasidan;

🔹 mehnatda mayib bo‘lganligi, sog‘lig‘ining boshqacha tarzda shikastlanganligi, shuningdek boquvchisi vafot etganligi tufayli yetkazilgan zararning o‘rnini qoplash to‘g‘risidagi da’volar yuzasidan;

🔹 qonunga xilof ravishda hukm etganlik, jinoiy javobgarlikka tortganlik, ma’muriy jazo berganlik tufayli jismoniy shaxsga yetkazilgan zararning o‘rnini qoplash bilan bog‘liq nizolar yuzasidan;

🔹 jinoyat tufayli yetkazilgan moddiy zararning o‘rnini qoplash to‘g‘risidagi da’volar yuzasidan;

🔹 tazyiq va zo‘ravonlikdan jabrlangan xotin-qizlarga yetkazilgan ma’naviy va moddiy zararning o‘rnini qoplash to‘g‘risidagi da’volar yuzasidan;

🔹 yuridik va jismoniy shaxslar — alimentlarni undirishga doir fuqarolik ishlari bilan bog‘liq hujjatlarni ularga berganlik uchun;

🔹 boshqa shaxslarning qonun bilan muhofaza qilinadigan huquqlari hamda manfaatlari himoya qilinishini so‘rab sudga ariza bilan murojaat etgan yuridik va jismoniy shaxslar;

Asos: "Davlat boji to’g’risida"gi qonun 8-moddasi

TDYU Yuridik klinika ko’ngilli talabasi:
Shaxnozabonu Naimova.

📥Murojaat uchun:
@TDYU_Yuridik_klinika_bot