TDIU_TF Yoshlar Ittifoqi

🏆 “Eng ozoda xona” tanlovi boshlandi! 🏡

Talabalar turar joyida 4-fevraldan 1-martgacha davom etadigan “Eng ozoda xona” tanlovida ishtirok eting va g‘olib bo‘ling! ✨

🔹 Tartibli va chiroyli xona egalarini maxsus sovg‘alar kutmoqda! 🎁
🔹 Xonalar quyidagi mezonlar asosida baholanadi:
✅ Tozalik va gigiyena
✅ Xonadagi tartib
✅ Estetik go‘zallik

🏅 G‘olib bo‘lishga tayyormisiz? Unda hozirdan xonangizni mukammal tartibga keltiring va tanlovda ishtirok eting! 🔥

Omad tilaymiz! 🎉

📚 Kitobxon talaba – bilimli kelajak! 🎓✨

Bugun fakultetimizda “Kitobxon talaba” tanlovi bo‘lib o‘tdi! 📖🏆 Tanlovda ishtirok etgan talabalar o‘z bilimlarini sinovdan o‘tkazishib, kitobxonlik borasidagi tajribalarini baham ko‘rishdi.

📚 Kitobsevar talabalarimiz o‘zlari sevib mutolaa qilgan kitoblari haqida so‘zlab, tengdoshlarini ham ilmdan bahramand bo‘lishga undashdi. Adabiyotga bo‘lgan chuqur qiziqish va bilim almashinuvi barchaga ilhom bag‘ishladi! ✨

🇺🇿 Bugun fakultetimizda o‘tgan matbuot anjumani katta ahamiyatga ega bo‘ldi. 2024 yildagi muvaffaqiyatli tadbirlar va ularning ijobiy natijalari muhokama qilindi.

🤚Shuningdek, 2025 yilga mo‘ljallangan yangi loyihalar va tashkiliy ishlar haqida batafsil gaplashildi. Yangi tashabbuslar va rejalarning amalga oshirilishi, talabalar orasida yanada kengroq hamkorlik va ijtimoiy faoliyatni rivojlantirishga xizmat qilishi kutilmoqda. Bu yil davomida amalga oshiriladigan loyihalar, fakultetimizni yanada jonlantirib, talabalarning fikr va g‘oyalarini yanada kengroq jamoatga yetkazishga imkon yaratadi.

📌 Unda Yoshlar ittifoqi kengashi jamoasi, club koordinatori va rahbarlari hamda faol talabalar bir davrada kelgusidagi loyihalar va yangiliklar haqida o‘z fikrlarini bildirishdi. Bu tadbir, talabalarning ijtimoiy faoliyatga bo‘lgan qiziqishlarini yanada oshirib, o‘zaro tajriba almashish uchun ajoyib imkoniyat yaratdi. Yangi tashabbuslar va rejalarning muhokamasi, fakultetdagi yoshlarning yanada faolroq bo‘lishiga turtki bo‘ladi.

‼️Kelajakda ko‘proq shunday samimiy va foydali uchrashuvlar bo‘lishini tilab qolamiz.

#vazir_taklifi #yoshlar_tashabbusi

☄️ FAKULTETIMIZDA TADBIRKORLAR VA YOSHLAR UCHRASHUVI BO‘LIB O‘TDI!

🇺🇿 Bugun fakultetimizda talabalar va tajribali tadbirkorlar ishtirokida uchrashuv tashkil etildi. Tadbir davomida yoshlar o‘zlarini qiziqtirgan savollarga javob oldilar, biznes olamiga oid qimmatli maslahatlar eshitdilar va muvaffaqiyatli tadbirkorlarning tajribalaridan o‘rgandilar.

📈 Tadbirkorlar o‘z faoliyatlari, muvaffaqiyat sari bosib o‘tgan yo‘llari, duch kelgan qiyinchiliklari va ularni qanday yengib o‘tganliklari haqida so‘zlab berdilar. Talabalar uchun bu uchrashuv katta motivatsiya bo‘ldi. Ular o‘z loyihalari va biznes g‘oyalari haqida fikr almashib, kelajakdagi rejalari uchun muhim tavsiyalar oldilar.

📌Bunday tadbirlar yoshlarga katta foyda beradi, ularga ishonch bag‘ishlaydi va kelajak sari dadil qadam tashlashlariga yordam beradi. Fakultetimiz jamoasi kelajakda ham talabalar uchun foydali uchrashuv va seminarlarni tashkil etishda davom etadi.

🎉 Milliy liboslar – millatimiz faxri! 🇺🇿

🇺🇿 Bugun Toshkent davlat iqtisodiyot universiteti To‘rtko‘l fakultetida o‘zgacha bayram kayfiyati hukm surdi! Fakultetimizda "Milliy liboslar kuni" katta shodiyona bilan nishonlandi.

📌 Ushbu tadbirda professor-o‘qituvchilar va talabalar milliy liboslarda ishtirok etib, ajdodlarimizdan meros bo‘lib kelayotgan nafis va betakror kiyimlarni namoyish qilishdi. Yorqin atlaslar, zardo‘zi kashtalar va qadimiy naqshlar bilan bezatilgan milliy kiyimlar barchaga estetik zavq ulashdi.

🇺🇿 Bu kabi tadbirlar yoshlarimizga milliy qadriyatlarni chuqur anglash va ularni e’zozlash imkonini beradi.
Milliyligimiz – bizning faxrimiz!

“Kitob – ma’naviyat chirog‘i! ”

TDIU To’rtko’l fakulteti talabalari va ustozlari O‘zbekiston Yozuvchilar uyushmasi a’zosi, shoira M. Yusupova bilan birga To‘rtko‘l tuman Axborot-kutubxona markaziga tashrif buyurishdi. Ushbu tashrif davomida turli badiiy va ilmiy adabiyotlar bilan tanishib, kitobxonlik madaniyati va adabiyotning jamiyatdagi o‘rni haqida qiziqarli fikr almashildi.

Kitob inson tafakkurini charxlaydi, ma’naviyatini yuksaltiradi va kelajakka yo‘l ochadi. Shu bois, kitobxonlik madaniyatini rivojlantirish, yoshlarni ilmga oshno etish va o‘qishga bo‘lgan qiziqishni oshirish muhim ahamiyat kasb etadi.