ҚИСМАТ

Берган меҳринг тафти сўнар тобора,
Қароғимдан оққан ёш ранги қора,
Ишқ деб аталмиш ҳис йўқдир, начора...
...Сени унутмоқлик - шу сўнгги чора!

Севгимиз тақдири ёзилиб бўлган,
Ишқимиз дафтари ёпилган, тўлган.
Оҳ, бечора кўнгил, не қилсин, кўнган,
,,Вафо"нинг юзига қировлар қўнган...

Мен сени қалбимдан ўчирдим, алҳол,
Энди кўз олдимда турмас сийратинг.
Шукур, сўрамайман, сендан хол- аҳвол,
Ҳа.
Йиртиб ташладим, сўнгги суратинг...

...Тўғри, қийин бўлди, сени унутмоқ,
Сен-ла ўтган онлар солади титроқ.
Энди бефойдадир, висолни кутмоқ,
Севгимиз хор бўлди мисоли тупроқ !

Ишқ деб аталмиш ҳис йўқдир, начора...
...Сени унутмоқлик - шу сўнгги чора.