Burchga sadoqatli Vatan posbonlari!

14-yanvar - O‘zbekiston Qurolli Kuchlari tashkil etilganining 33 yilligi va Vatan himoyachilari kuni munosabati bilan Sirdaryo viloyati soliq boshqarmasida bayram tadbiri o'tkazildi.

Boshqarma xotin-qizlar jamoasi harbiy marsh va jo'shqin musiqa sadolari ostida hamkasb yigitlarni qarshi olib, samimiy dil izhorlarini bildirishdi, bayram tabrigi va ezgu tilaklar yo'llashdi. Yangi ish kuni ana shunday bayramona kayfiyatda boshlandi. Boshqarma boshlig’i o’rinbosari S.Tavboyev hamda birlashgan kasaba uyushmasi qo’mitasi raisi T.Ortiqova bayram munosabati bilan tadbir ishtirokchilarini qutladi.

Yurtimizning barcha mard va jasur o'g'lonlarini O‘zbekiston Qurolli Kuchlari tashkil etilganining shonli 33 yilligi va Vatan himoyachilari kuni bilan samimiy tabriklab, mustahkam sog‘lik, oilaviy baxt-saodat, tinchlik va farovonlik tilaymiz. Kuch-g‘ayratingiz, sha’nu sharafingiz yanada ziyoda bo‘lsin!

Sirdaryo viloyati soliq boshqarmasi matbuot xizmati

Тelegram | Facebook | Youtube |