Samarqand.uz

🟦🟦🟦🟦

9-fevral – Buyuk shoir, soʻz mulkining sultoni Alisher Navoiy tavallud topgan kun

Jahl ahli bilan kimki ulfat bo‘lg‘ay,
Ul ulfat ichra yuz ming kulfat bo‘lg‘ay.

✍️ Alisher Navoiy

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

#mutolaa

ISTADIM

Qon yutub umri jahon ahlida bir yor istadim,
Lekin ul kamrak topildi, garchi bisyor istadim.

Kimga kim jonim fido aylab sog‘indim dam-badam,
Ermas erdi yorliqda chun vafodor istadim.

Bilmadim olam elida yo‘qturur mutlaq vafo,
Vahki, umri ulcha yo‘qtur sog‘inib yor istadim.

Ulki, topilmas bashar jinsida vah g‘aflat ko‘rung,
Kim pari xaylida men devonai zor istadim.

Sirri ishqimni ko‘ngul ko‘z birla fosh etmak ne tong,
Qalbu tardomanni men chun sohib asror istadim.

Shayx birla xonaqahdin chun yorug‘luq topmadim,
Dayr piri xizmatig‘a ko‘yi xammor istadim.

Ey Navoiy, chun rafiqi topmadim, bu g‘ussadin,
O‘zni bekaslik balosig‘a giriftor istadim.

✍️ Alisher Navoiy

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

#xorij_xabarlari

▶️ Alyaskada yo‘lovchi samolyoti halokatga uchradi. 10 kishi halok bo‘ldi

Samolyot 7-fevral kuni Alyaska ko‘rfazi ustida radarlardan g‘oyib bo‘lgan edi. Ertasi kuni qutqaruvchilar uning qoldiqlarini topdi.

Samolyot bortidagi barcha odamlar — to‘qqiz nafar yo‘lovchi va bir uchuvchi halok bo‘lgan. Hodisa sababi hozircha noma’lum.

__

▶️ Yevropa Ittifoqi yana 25 ta Xitoy kompaniyasini qora ro‘yxatga kiritadi

Ular Rossiya harbiy tuzilmalariga Yevropa mahsulotlarini yetkazib berishda gumon qilinmoqda. Shuningdek, Yevropa Ittifoqi bir nafar xitoylik fuqaroga qarshi sanksiyalar joriy etishni rejalashtirmoqda — unga ittifoqning 27 davlatiga kirish taqiqlanadi.

__

▶️ Buyuk Britaniyada robot-itlar sinov davomida bombalarni muvaffaqiyatli zararsizlantirdi

Bundan tashqari, ular eshiklarni ochish, qo‘lbola portlovchi qurilmalarni tekshirish kabi vazifalarni ham uddalagan. Ular xavfsizlik xodimlari ishini yengillashtirishi va jamoat xavfsizligini ta’minlashga yordam berishi kutilmoqda.

__

▶️ Apple yangi hamyonbop iPhone SE modelini taqdim etishga tayyorlanmoqda — Bloomberg

Agentlik manbalariga ko‘ra, kompaniya telefonni kelgusi hafta taqdim etadi, sotuvlarni esa fevral oxirida boshlaydi.

iPhone SE’ning yangi versiyasi tashqi ko‘rinishidan iPhone 14’ga o‘xshash bo‘ladi. Qurilma narxi hozircha noma’lum.

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

Buyuk mutafakkirga ehtirom ko'rsatildi

Samarqand shahridagi Alisher Navoiy nomli markaziy istirohat bog‘ida so‘z mulkining sultoni, buyuk shoir, mutafakkir va davlat arbobi Alisher Navoiy tavalludining 584yilligiga bag‘ishlangan ma’naviy-ma’rifiy tadbir bo‘lib o‘tdi.

Batafsil ▶️ samarkandnews.uz

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

🟦🟦🟦🟦

Vatan tarkin bir nafas aylama,
Yana ranji g‘urbat havas aylama.

✍️ Alisher Navoiy

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

#mutolaa

MEN ANGLAB YETGAN FALSAFA

Bozorga o‘xshaydi asli bu dunyo, 
Bozorga o‘xshaydi bunda ham ma’ni. 
Ikkisi ichra ham ko‘rmadim aslo, 
Molim yomon degan biror kimsani.

* * *

Oqar daryoga ham kimdir band bergan, 
Hayot kimga zahar, kimga qand bergan. 
Ey, g‘ofil, sarkash deb, meni kamsitma, 
G’anim senga emas, menga pand bergan.

* * *

Deydilar it hurur - o‘tadi karvon, 
Ranju balolardan yonmasin joning, 
Lekin alam qilar bir umr giryon 
Itlar orasidan o‘tsa karvoning.

✍️ Abdulla Oripov

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

#xorij_xabarlari

▶️ Chexiya prezidenti Pyotr Pavel Lex Ukraina qonunini imzoladi

Qonun Chexiyada ukrainalik qochqinlarning vaqtinchalik himoyasini uzaytirishga qaratilgan. Bundan tashqari, u Rossiya pasportidan voz kechmagan shaxslarga Chexiya fuqaroligini berishni taqiqlaydi.

Pasportdan voz kechilgan taqdirda ham, aksariyat rossiyaliklar Ukrainadagi urush tugamaguncha Chexiya fuqaroligini ololmaydi. Siyosiy qochqinlar va 15 yoshgacha bo‘lgan bolalar uchun istisnolar bor. Fuqarolik olish uchun ilgari topshirilgan barcha arizalar muzlatiladi.

______

Filippinda AQSH harbiy samolyoti qulab tushdi, bortdagi to‘rt kishining barchasi halok bo‘ldi

Samolyot “AQShning filippinlik ittifoqchilari so‘roviga ko‘ra” kuzatuv va razvedka missiyasini bajarayotgan edi.

______

Fransiyaning birinchi Mirage 2000 qiruvchi samolyotlari Ukrainaga yetkazildi

Bu haqda Fransiya mudofaa vaziri Sebastyan Lekornyu ma’lum qildi.

______

Donald Tramp transgender sportchilarga ayollar o‘rtasidagi musobaqalarda ishtirok etishni taqiqladi

AQSH prezidenti farmonini bir guruh qizlar davrasida o‘tirib imzolagan. «Erkaklarni ayollar sportiga qo‘ymaslik haqida»gi hujjat Oq uy saytida e’lon qilingan.

______

Yaponiya shimolida uch kundan buyon rekord darajada kuchli qor yog‘ishda davom etmoqda

Qor tufayli kamida bir kishi halok bo‘ldi, to‘qqiz kishi jarohatlandi. Ba’zi hududlarda avtomobil va temir yo‘l transporti to‘xtatilgan, maktablar yopilgan.

______

Google sun’iy intellektni qurol yoki kuzatuv uchun ishlatmaslik va’dasidan voz kechdi

Google kompaniyasi sun’iy intellekt bo‘yicha axloqiy tamoyillarini yangiladi va unda AI texnologiyalarini qurol sifatida yoki kuzatuv vositasi sifatida ishlatmaslik haqidagi majburiyatlarni olib tashladi.

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

Sulton Idris ta’lim universiteti bilan hamkorlik qilamiz

Davlatimiz rahbarining Malayziyaga rasmiy tashrifi davomida O‘zbekiston Respublikasi va Malayziya o‘rtasidagi munosabatlar barcha sohalarda, jumladan, madaniy-gumanitar va innovatsion yo‘nalishlarda izchil rivojlanib borayotganiga guvoh bo‘ldik.

Batafsil ▶️ Samarkandnews.uz

📱 Web-sayt | 📱 Instagram | 📱 Facebook | 📱 You Tube

Samarqand shahar sektor rahbarlari huzurida mahallalarda xavfsiz muhitni yaratish va huquqbuzarliklarning barvaqt oldini olish bo‘yicha amalga oshirilayotgan ishlar tanqidiy muhokama qilindi.

Yigʻilishda Oʻzbekiston Respublikasi Prezidentining “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi PQ-1-son Qarori ijrosi yuzasidan amalga oshirilishi lozim boʻlgan chora-tadbirlar hamda ustuvor vazifalar muhokama etildi.

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

Tadbirkorning muammosi joyida o'rganildi

Kecha Samarqand shahar hokimi Fazliddin Umarovning tadbirkorlar bilan navbatdagi uchrashuvi bo‘lib o‘tgan edi.

Unda tushgan murojaatlarning ayrimlari bugun hokim ishtirokida joyida o‘rganildi.

Xususan, Lohutiy mahallasida xususiy bolalar bog‘chasi faoliyatini boshlashda yuzaga kelgan muammolar bo‘yicha murojaat qilgan tadbirkor Zarina Baxriyeva bilan suhbat olib borildi. Uning muammosi joyida o‘rganilgach mas’ullarga barcha qonuniy yechim choralarini ko‘rib, bog‘chani ishga tushirish bo‘yicha ko‘rsatma berildi. 

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

#mutolaa

XAYRLI KECH

Tilak qadrin bilar odamlar,
Yaxshi niyat qilar odamlar.
Do`stga tungi orom oldidan
Xayrli kech tilar odamlar.

Xayrli kech — hikmatli istak,
Bu istakni buyurmish yurak.
Xayrli kech — farahli tuning
Osoyishta, tinch bo`lsin, demak.

Yer yuzida yashagan inson
Mayliga, u qayerlik bo`lsin,
Tinch mehnatda kunlari shodon,
Kechalari xayrli bo`lsin.

✍️ Erkin Vohidov

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube