Tashrif doirasida institutimiz talabalari uchun Urgut tumani korxonalari bo’sh ish o’rinlari yarmarkasi tashkil etildi. Unda talabalarimiz o’zlariga ma’qul bo’lgan ish o’rinlari haqida ma’lumot olish imkoniyatiga ham ega bo’ldilar.
Fursatdan foydalangan holda Urgut tuman hokimi va talaba-yoshlar uchrashuvi ham o’tkazildi. Ochiq muloqot shaklida o’tgan uchrashuvda hokim talabalar bilan samimiy suhbatlashdi. Institutda tashkil etilgan sharoitlardan to’g’ri foydalanish kerakligini, tuman yuqori salohiyatli kadrlarni har doim qadrlashini ta’kidladi. Shu o’rnida talabalar ham o’z fikr-mulohazalarini bildirishdi.