Qiyinlik qilyapti...
Siz bir darajani tugatdingiz, unda soʻzlar, kanjilar soddaroq va kamroq edi, siz ancha moslashib qolgan edingiz.
Lekin siz endi bir bosqich yuqori darajani oʻqishga kirishdingiz. Tushunaman, oson emas, chunki siz taʼtildan keyingi davrdasiz. Darslik yangi, koʻz hali oʻrganmagan, dangasalik esa yoqimli tuyulishi tabiiy.
Bahonalar topgingiz keladi: dars vaqtidan, kitob shaklidan, vazifa miqdoridan, xotirangiz sustligidan (aslida unday boʻlmasa ham). Ingliz tili jozibali koʻrinadi, yapon tili esa qiyinligicha sezilaveradi. Bu hammasi mehnatdan qochish emasmi?
Lekin nima toʻgʻriligini oʻzingiz ham yaxshi bilasiz. Hech boʻlmasa, 6 darsni toʻliq qilib keling. “Eplasa boʻlarkan,” deb boshlaysiz. Keyin 12 dars keling, yangi bilimlarni oʻraganish yoqib boshlaydi.
Shu tarzda 4-5 oy oʻtadi-ketadi. Avgustda natijangiz chiqsa, hozirgi qaroringiz uchun oʻzingizni maqtashingiz yoki soʻkishingiz mumkin.
Talaba boʻlib turib, oʻqishni eplashni istamasangiz (eplolmasangiz deyilmayapti), qanday mutaxassis boʻlasiz?
Zero, har bir insonning qadri oʻz vazifasini uddalay olishi bilan oʻlchanadi, degan gap (farzand, shogird, talaba, mutaxassis boʻlgan) har birimizga tegishli!
Qiynalmas ekansiz, yuksalmaysiz!
