🇰🇷Janubiy Koreyaning Ulsan shahriga toʻgʻridan-toʻgʻri ishchi jalb qilish loyihasining amaliy qismi boshlanish arafasida

Joriy ylning 30-noyabr kuni Migratsiya agentligi direktori va Koreya Respublikasi delegatsiyasi oʻrtasida boʻlib oʻtgan uchrashuvda boshlangʻich davrda “Hyundai Heavy Industries” kompaniyasi uchun 350 nafar ishchini mamlakatimizdan jalb qilish boʻyicha kelishuvga erishilgan edi.

Bu gal, Migratsiya agentligi direktori oʻrinbosari Azim Husanov, Koreya Respublikasi Bandlik va Mehnat vazirligi Inson resurslarini rivjlantirish (HRD Korea) mintaqaviy boʻlimi boshligʻi Park Jin Young va Koreyaning Oʻzbekistondagi elchixonasi birinchi kotibi Jo Hyun Hae xonim ushbu loyiha detalllari haqida gaplashib oldi.

Taʼkidlandiki, “Hyundai Heavy Industries” kompaniyasiga boradigan 350 nafar ishchining 100 nafari E-7 (maxsus malakaga ega boʻlgan ishchi) vizasi asosida toʻgʻridan-toʻgʻri Ulsan shahar hokimligi taklifiga koʻra ishga joylashtiriladi.

Ushbu loyiha Koreyaning “Bandlikka ruxsat berish tizimi”dagi 16 davlat orasida birinchilardan boʻlib Oʻzbekiston bilan yoʻlga qoʻyilmoqda.

Agarda bu yerdan boradigan ishchilar Koreya qonunchiligini buzmasa, oʻzlaridan yaxshi taasurot qoldirsa, E-9 vizasi tizimidagi katta oʻzgarishlarga sabab boʻladi, deyildi muloqotda.

💻Manba Koreya24 soat

⚜️⚜️⚜️⚜️⚜️⚜️⚜️⚜️⚜️⚜️
@RahmatovaDilfuzaKoreaworld