"Яшил макон" умуммиллий лойиҳаси доирасида вилоятимизда жорий йилда 16 млн. 714 минг дона мевали, манзарали дарахт ва бута кўчатлари экилди. Шунингдек, суғориш тизими мавжуд бўлмаган жойларга экилган кўчатлар "yashilmakon.eco" электрон платформасига ҳисобга киритилмаяпти ва масъулларга ушбу кўчатларни суғориш тизими мавжуд ерларга экиш бўйича кўрсатмалар берилмоқда.
Қарши шаҳридаги Журналистлар уйида Қашқадарё вилояти экология, атроф муҳитни муҳофаза қилиш ва иқлим ўзгариши бошқармаси масъуллари иштирокида ўтказилган матбуот анжуманида 2024 йилда соҳада амалга оширилган ишлар ҳамда 2025 йилдаги режалар ҳақида сўз юритилди.
Тадбирда иштирок этган ОАВ ходимлари мавзу юзасидан ўзларини қизиқтирган саволларга жавоблар олдилар.