Premyera. Bugun O‘zbekiston qahramoni Muhabbat Sharopovaning tavalludi munosabati bilan uning hayotiga bag‘ishlangan "Muhabbat" spektaklining premyerasi bo‘lib o‘tdi. Premyera o‘ziga hos o‘zgacha shukuh va teatrga hos muhit bilan mehmonlarni qarshi olishdan boshlandi. Karnay surnay navolari, tarixiy siymolarning chorlovi tomoshabinlarni hayratlantira oldi. Spektaklga ustozning oila aʼzolari, kursdoshlari va viloyatning ziyoli vakillari ishtirok etdi. Spektakl tomoshabinlar tomonidan katta qiziqish va davomli olqishlar bilan qarshi olindi. Spektakl yakunida so‘zga chiqqanlar, o‘z hayratini bayon etishdi. Teatr ijodkorlariga minnatdorlik bildirilib, gullar va esdalik sovg‘alari topshirildi.