Uch vazirlik eng ko‘p noqonuniy xaridlarni amalga oshirganSog‘liqni saqlash, Transport va Maktabgacha ta’lim vazirliklari eng ko‘p noqonuniy davlat xaridlarini amalga oshirgan.
2024 yil davomida davlat xaridlari tizimida 263,9 milliard so‘mlik noqonuniy xarid natijalari bekor qilindi. Bu haqda Korrupsiyaga qarshi kurashish agentligi xabar berdi.
Monitoringlar 552,5 milliard so‘mlik 273 ta xaridni qamrab oldi, 234 ta holatda qonunga zid harakatlar aniqlandi.
O‘rganish natijalari yakunlari bo‘yicha vazirlik va idoralarga 257 ta xaridni bekor qilish bo‘yicha taqdimnomalar kiritildi.
Xususan, Sog‘liqni saqlash vazirligiga 52 ta shunday murojaat yuborilgan, Transport vazirligiga — 30 ta, Maktabgacha va maktab ta’limi vazirligiga — 23 ta. Mahalliy davlat hokimiyati organlari tizimida 32 ta noqonuniy xaridlar aniqlandi.
bizga obuna bo‘ling
