Kichkinaligimda Futbol ekspress gazetasini qoldirmay o'qib borardim. Men o'qigan davrda eng katta adadi (gazeta nusxasi) 21000 ga yetganini ko'rgandim. Sevimli gazetam uchun xursand bo'lardim va seshanba kuni ertalabdan gazeta sotadigan butka tomon oshiqardim. Yanvar oyi boshida maktablarda qishki ta'til berilardi. Bir yil seshanba kuni qalin qor yoqqandi va men qalin kiyinib gazeta do'konga borgandim. Ammo sotuvchi Futbol ekspress kelmaganini aytgan. Xafa bo'lib uyga qaytganim yodimda. O'sha payt internet endi rivojlanayotgan va futbol yangiliklarini gazeta orqali bilardim. Katta bo'lganimdan keyin o'zim ham shu gazetada ozmi ko'pmi ishladim. Kuchli qor yog'sa pereval yopilishi va gazeta Andijondan Toshkentga yetib kelmasligini keyin bilgandim.

Bugun o'sha kichkina bolakay o'z kanali orqali 21 ming adadi yig'di. Ba'zida sizga yoqmaydigan ma'lumotlar beraman, ba'zida reklama ko'payib ketadi, ba'zida sirli xabarlar yozaman. Lekin ishoning har bir o'quvchini yaxshi ko'raman. Siz borligingiz uchun biz mehnat qilamiz.

Har biringizga rahmat aytaman!