Она сени ким деб атайин,
Неки десам, камдек хаммаси,
Оёғингни қучиб ўпайин,
Ундан келар жаннат нафаси...

Она сени ким деб эркалай,
Фариштамсан, уйимдаги нур,
Буюр, сен-чун нималар қилай,
Токи кўзда порласин хузур...

Она сени унутдим гохи,
Олисдаман, кетдим тентираб,
Жим йиғлайсан соғинган чоғи,
Термуласан, йўлимга қараб...

Онам мени, жахоним мени,
Худо берган нури иймоним,
Яхши кўрар Озодинг сени,
Дардларимни олган дардмоним...

Она қутлуғ бўлсин айёминг,
45 ларнинг 40 тасин кўргин,
Ғам кўрмасин ошуфта жонинг,
100 га кирсам ёнимда юргин...

Агар шоир бўлсам шу одам сабабчи, муваффақиятларимни сабабчиларидан бири ҳам шу инсон…

Kanalga ulanish:👇
@OzodbekSattorov