O'ylarim)

Bugun birinchi marta mushuk ushlab ko'rdim. G'alati hissiyot bo'larkan. Hayvonlardan doim qo'rqqanman va bu qo'rquv abadiy men bilan yashasa kerak deb o'ylayman, bilmadim uni qanday yengish mumkin)

Alber Kamyu haqida qiziqarli va kam uchraydigan ma'lumotlar

1. Kamyu yoshligida futbolga juda qiziqqan va professional darvozabon bo'lishni orzu qilgan. U "Racing Universitaire d'Alger" jamoasida o'ynagan, ammo sil kasalligi tufayli bu faoliyatini davom ettira olmagan. Shu bilan birga, Kamyu futbolni "insoniy birdamlikning eng ulug' ramzi" deb hisoblagan.

2. Kamyu ikki marta turmush qurgan, ammo uning turli ayollar bilan bo'lgan sevgi hikoyalari mashhur. U hatto o'zining birinchi xotini Simon Xye bilan uning opium iste'moli tufayli ajrashgan. Shaxsiy hayoti uning asarlaridagi murakkab insoniy munosabatlarni aks ettiradi.

3. Kamyu Nobel mukofotini olganida, u o'zini bu mukofotga hali loyiq emasdek his qilgan. U mukofotga "Sartr ko'proq munosib edi" degan fikrni bildirgan va hammani hayratda qoldirgan. Biroq, mukofotni baribir qabul qilgan.

4. Kamyu ko'pincha ekzistensialist deb atalsa-da, o'zi bu tamg'ani rad qilgan. Ayniqsa, Sartr bilan ko'p masalalarda kelisha olmagan, hatto do'stliklarining buzilishiga sabab bo'lgan ziddiyatli falsafiy tortishuvlar ham bo'lgan.


@Oylarim_cheksiz

Hozir qiyin bo'lsa-da, bir kun kelib bu og'ir damlar sizni kuchliroq inson qilganini tushunasiz.

Erix Mariya Remark haqida qiziqarli va unchalik ma'lum bo'lmagan ma'lumotlar:

1. Haqiqiy familiyasi boshqacha edi.

Remarkning asl familiyasi Kramer edi. U familiyasini teskarisiga o'zgartirib, Remarque shaklida qabul qilgan. Bu unga yozuvchi sifatida o'ziga xoslik va kuchli brend yaratishda muvaffaqiyat keltirdi.

2. Avval muallim bo'lgan.

Yozuvchilik faoliyatini boshlashdan oldin Remark o'qituvchi sifatida ishlagan. Ammo bu kasb unga yoqmagan va u yozuvchilik va jurnalistika bilan shug'ullanishga qaror qilgan.

3. Avtomobil haydashga ishtiyoqi kuchli edi.

Remark avtomobillarga juda qiziqqan va ularni tez-tez almashtirgan. Hatto u ma'lum vaqt avtomobil test haydovchisi sifatida ham ishlagan. Uning asarlarida avtomobillar poygasi, mashina rusumlari haqida gap ketishi ham shundandir, balki.

4. Uning singlisi qatl etilgan.

Remark Germaniyani tark etgandan so'ng uning singlisi Elfriede natsistlar tomonidan qatl etilgan. Singlisi "vatanga xiyonat"da ayblangan, bu esa Remark uchun ulkan shaxsiy yo'qotish bo'lgan.

5. Mashhur odamlar bilan yaqin aloqada bo‘lgan

Remark zamonasining mashhur shaxslari, jumladan, aktrisa Marlena Ditrix bilan do'st bo'lgan. Ularning munosabatlari nafaqat do'stlik, balki qisqa vaqt davomida romantik xarakterda ham bo'lgan.


@Oylarim_cheksiz

Yangi yil va maqsadlar: O'zingizni ayblashni to'xtating.

Yangi yil arafasida ko'pchilik o'tgan yilning hisobotini chiqarib, qo'ygan maqsadlariga erisholmaganini eslab, o'zlarini ayblab, siqilishadi. Bu hissiyotlar sizga tanishmi? Agar ha bo'lsa, bilib qo'ying – bu o'zingizni jazolashga arzigulik holat emas.

Inson o'z oldiga qo'ygan barcha maqsadlarni 100% amalga oshirishi mumkin emas va bu mutlaqo normal holat. Nega deysizmi? Chunki hayot mukammallikni emas, harakatni qadrlaydi. Agar hamma narsaga erishib, oldimizda yangi qiyinchiliklar va rejalar bo'lmasa, hayot o'zining ma'nosini yo'qotishi mumkin. Hayotga bo'lgan qiziqish so'nadi, rivojlanish to'xtaydi. Ishonavering hamma narsa 100% mukammal hayotda yashash juda qiyin va o'ta zerikarli, hatto qo'rqinchli ham.

Dangasalik, sabrsizlik, qat'iyatsizlik kabi xislatlar insonning fitratida bor narsalar. Ularni butunlay hayotingizdan chiqarib tashlolmasligingizni tan oling. Ularni yengishga harakat qilish bizni kuchliroq qiladi, lekin ular bizda borligi uchun o'zimizni yomon his qilishimiz to'g'ri qaror deb o'ylamayman.

Asosiysi, harakat qildingizmi? Xato qildingizmi? O'rgandingizmi?

Yangi yil eshik qoqayotganda, o'tgan yilni tahlil qiling, lekin o'zingizni ayblamang. Yangi maqsadlarni qo'ying va shuni yodda tuting: qadamlar qanchalik kichik bo'lmasin, muhimi harakatdan to'xtab qolmaslik.

Hammasi yaxshi bo'ladi, siqilmang!

@Oylarim_cheksiz

Oldin sinab ko'rmagan, lekin doim meni qiziqtirgan bir ishni qilmoqchiman.

Ba'zida majburiyatlardan ozod bo'lish va o'zimizga vaqt ajratish zarur. Haddan tashqari bosim va charchoq hayot sifatini pasaytiradi. Shuning uchun tanaffus qilish, dam olish yoki o'zingizni qiziqtirgan mashg'ulot bilan shug'ullanish eng yaxshi tanlov bo'lishi mumkin. Lekin buni muvozanatda saqlash muhim. Maqsadlaringizga zarar bermasdan, ruhiy va jismoniy quvvatni tiklashni unutmaslik kerak. Tanaffus – bu dangasalik emas, balki o'zingizni kuchaytirish uchun zarur bo'lgan vaqt.

***
Qo'ygin ochma, dilning daftarin
Dilda qolsin, boshdan o'tgan sir.
Hech kimsani sevmaganman de
Yolg'izim de meni ishontir..
Intizorman har lahza har on
Hijroningda jigarim qondir.
Kirib kelgin istagan zamon
"Yolg'izim" de meni ishontir...

© musiqadan

Eng yaxshi tun – dam olish kunidan bir kun oldingisi)

16.

Jism charchog'ini uxlab bartaraf qilsa bo'ladi. Lekin ruh charchog'ini nima qilish kerak?!
Aljirash boshlandi:/
Uxla!

Har kuni o'zimga miyamni ortiqcha zo'riqtirmaslik, ertaroq uxlab, to'yib dam olish kerakligini aytaman. Lekin buni aytish bilan ham miyamni shunchaki charchatyapman, xolos. G'alatisi, shuni o'zim tushunib, bilib turibman. Juda charchadim.

Og'riq.