REGISTRATOR OFIS Bo'limining rasmiy kanali.

#ESLATMA

⚡️Nodavlat oliygohlar faoliyatini tartibga solish uchun kiritilgan o'zgarishlar haqida muhim eslatmalar

➖Hemis dasturida asosida faoliyat olib borish. Hemis dasturiga kiritilmagan talabalarga diplom berilmaydi;

➖Kontrakt shartnomalari kontrakt.edu.uz sayti orqali berish. Ta'lim krediti faqat ushbu sayt orqali berilgan shartnomalar uchungina amal qiladi;

➖Nodavlat oliygohlar yilda bir marotaba (iyun-sentabr oylarida) qabul jarayonlari amalga oshiradi xolos;

➖ Nodavlat oliygohlar 2025 o'quv yilidan xoxlagan miqdorida talaba qabul qila olmaydi. Kunduzgi ta'lim shakliga qabul qilingan talabalar sonidan ortiq boshqa ta'lim shakllariga talabalarni qabul qilishi mumkin emas. Ya'ni kunduzgi = sirtqi+kechki+masofaviy;

➖Nodavlat oliygohlar har 4 yilda kompleks davlat akkreditatsiyadan o'tkaziladi.

@ofis_registratori

❓Nega talabalar alkogol va tamakidan koʻra zararliroq mahsulotlarni iste'mol qilishadi?

🔵Kuzatuvlarga koʻra talabalarning 80%i aynan fast food kabi tez tayyorlanuvchi taomlarni istemol qilishar ekan. Qolgan 10% talaba sog'lom ovqatlanishga amal qilgan holda bu turdagi ovqatlarni iste'mol qilishmas ekan.

❗️Shifokorlar, bu turdagi mahsulotlar alkagol va tamakidan ko'ra zararliroq ekanligini ta'kidlashadi:

1. Chipslar va kartoshka fri
2. Konserva va arzon kolbasalar
3. Ketchup va mayonez
4. Fast food va Xotdoglar
5. Popkorn
6. Shirinlik va shokoladlar
7. Margarin
8. Oq non
9. Gazli va shirin suvlar
10. Tez tayyorlanuvchi makaron mahsulotlari.

❗️Bu mahsulotlar ichki kasalliklar hamda ortiqcha vazn muammosiga sabab bo‘ladi.

Sizning ovqatlanish ratsioningizda ushbu mahsulotlar bormi?

@Ofis_registratori

❔Nima uchun studentlar sessiyadan o’tisha olmaydi?

🔣Keling, bunga matematik yondashamiz.
◀️Bir yilda 365 kun bor. Ulardan 52 kuni yakshanba. 313 kun ilm olish uchun.
◀️Yozgi tatil oʻrtacha 85 kun. Bizda 228 kun dars tayyorlashga qoldi.
◀️Har kunlik 8 soatlik uyqu 122 kun degani. Bizda 106 kun qoldi.
◀️Har bir kishi 1 kunda kamida 1 soat dam olishi kerak va bu 15 kunni anglatadi. 91 kun qoldi.
◀️2 soat ovqatlanish uchun ajratishga majbursiz va bu bir yilning 30 kunini egallaydi. Bizda 61 kun qoldi.
◀️Gaplashish insonga xos tushuncha va bu bir kunda bir kishidan kamida 1 soatni talab qilsa, 1 yilda 15 kun demak. Atiga 46 kun ilm uchun.
◀️ Bayramlar, kutilmagan xursandchiliklar va koʻngilsizliklar 40 kunni har bir kishidan band qilar ekan. 6 kun qoldi.
◀️Issiq jonni isitmasi bor deyishganidek, hammamiz bir yilda kamida 3 kun kasal boʻlsak. Nahotki kinoga tushish, instagramda oʻtirish, uchrashuvlarga bir yilda 2 kun ajratmasak qanaqa odammiz. Ha, atigi 1 kun qoldi.
◀️Oʻsha bir kun meni tugʻilgan kunim-ku. Tugʻilgan kunimda dars qilishga balo bormi !!!

😄Kursdoshlar guruhiga yuborib qoʻyamiz.

@ofis_registratori

⚡️Talabalar 3-kursdan boshlab qonuniy tarzda ishlashi mumkin

Hukumatning "Taʼlim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida"gi (15.10.2021 646-son) qaroriga binoan, pedagogika yo‘nalishlarida kunduzgi kechki, sirtqi bo‘limlarining 3-kursida tahsil olayotgan talabalarga maktablarda dars berish huquqi berilgan.

Ushbu tartib davlat va nodavlat OTM talabalari uchun birdek amal qiladi.

@ofis_registrstori

❔Talabalar stipendiyasi nega kechikmoqda?

Shu mazmunda talabalardan bir qator murojaatlar kelib tushdi. Ushbu masala bo‘yicha Oliy ta’lim vazirligining tegishli mas’ullari bilan bog‘lanib, vaziyatga oydinlik kiritishga harakat qildim.

❓Sababi nimada?

Stipendiya kechikayotganining sababi, ayni kunlarda oliy ta’lim muassasalarining moliyaviy tizimini to‘liq raqamlashtirish ishlari yakuniy bosqichda ekan. Xabaringiz bor, raqamlashtirish jarayonlari bir necha yildan buyon davom etmoqda. Masalan, kontrakt to‘lovlari ilgari faqat bankka borib to‘lanardi, talabaning hisobini (yoki qarzini) onlayn ko‘rib ham bo‘lmasdi, marketing bo‘limi eshigida sarg‘ayish kerak edi. So‘nggi yillarda bu to‘liq raqamlashdi, hozir bitta JShShIR raqamini kiritib, kontraktni onlayn to‘lasa bo‘ladi.

Endi navbat stipendiyaga kelibdi. Va bu ham to‘liq raqamli tizimga o‘tyapti. Shu sababli texnik tomondan kechikayotgan ekan.

Asosiy maqsad, oliy ta’lim tizimida talon-toroj va pul "yeyish"larning oldini olish, deyishdi mas’ullar.

❓Qachon to‘lanadi?

Hozirda tizim deyarli tayyor bo‘libdi, hatto bugundan to‘lov boshlanibdi ham. Masalan, 3 ta OTMda — Guliston davlat pedagogika instituti, Namangan davlat chet tillari instituti va Namangan to‘qimachilik sanoati institutida to‘lov qilingani aytildi.

✅ Mas’ullar uzog‘i 3 kun ichida boshqa OTMlarda ham bosqichma-bosqich to‘lovlar amalga oshirilishini aytishdi. Katta qismi ertaga o‘tar ekan.

©Xushnudbek

@ofis_registratori

🗣Talabalar uchun yakuniy imtihonlarga tayyorlanish bo‘yicha tavsiyalar

✅Qishki ta’til ham poyoniga yetib, yakuniy imtihonlarga sanoqli kunlar qolmoqda. Imtihonlarga tayyorlanish talabalar uchun juda muhim jarayon. Imtihonda o‘zingiz kutgan yaxshi natijani olish uchun quyidagi tasviyalarga amal qiling:

@ofis_registratori
☑️Imtihonlarga tayyorlanishdan oldin aniq reja tuzing. Har bir fan uchun kunlik yoki haftalik dastur tuzib, o‘z vaqtida barcha mavzularni o‘rganib chiqishga harakat qilish kerak.

☑️Bir vaqtning o‘zida juda ko‘p narsani o‘rganishga urinmang. O‘quv materiallarini kichik qismlarga bo‘lib o‘rganish samaraliroq bo‘ladi.

☑️O‘qigan narsalarni tez-tez takrorlab turish muhim. Har bir mavzudan so‘ng qisqa qaydlar yozish va ularni qayta o‘qish yodda saqlashni osonlashtiradi.

☑️Nazariy bilimlarni amaliy mashqlar bilan mustahkamlash juda foydali. Boshqa talabalar bilan guruh bo‘lib ishlash yoki eski imtihon savollarini yechish ham yordam beradi.

☑️Uzun va samarali o‘qish vaqtida tanani to‘liq tiklash zarur. Dam olish va yaxshi uyqu imtihonlarda yaxshi natijalarga erishish uchun kerak. Kechasi o‘qishdan ko‘ra, ertalab yoki kun davomida o‘qish ko‘proq foyda beradi.

☑️Imtihonlar oldidan stressni boshqarish muhim. Yuqori kayfiyatni ushlab turishga harakat qiling. Yaxshi ruhiy holat imtihonlar paytida konsentratsiyani yaxshilaydi.

☑️O‘qish jarayonida yaxshi ovqatlanishga e’tiborli bo‘ling. To‘g‘ri ovqatlanish va muntazam jismoniy faoliyat energiya beradi va diqqatni jamlashni osonlashtiradi.

☑️O‘qituvchilardan yordam so‘rash, qo‘shimcha darslar yoki onlayn resurslardan foydalanish ham imtihonlarga tayyorlanishda samarali bo‘ladi.

☑️O‘zingizga ishonch hosil qilish va topshiriqlarga ijobiy yondashishga, salbiy fikrlardan qochib, bor imkoniyatlarni ko‘rishga harakat qiling.

📌 Talaba almashinuvi yoki akademik mobillik haqida

Akademik mobillik – talaba yoki o'qituvchilarning mamlakatidagi yoki xorijdagi OTMlarda kelishuv asosida ma'lum muddat o'qish yoki dars berishini anglatadi.

🎓 Mobil talabalar, asosan, 2 guruhga bo‘linadi:

👉erkin harakatlanuvchilar – bunday turdagi talabalar o'z xohish va tashabbuslari bilan ta'lim olish uchun boshqa hududlarga borishadi;

👉dastur doirasidagi talabalar – bunda OTMning o'zi yoki uning biror fakulteti boshqa OTM bilan kelishgan holda talabalar uchun o'zaro almashinuv dasturlarini amalga oshiradi. Dasturlar milliy va xalqaro darajada ham bo'lishi mumkin.

🔅 Talabalar ma'lum muddat boshqa bir OTMda o'qishi uchun eng katta imkoniyat – talaba almashinuv dasturlari hisoblanadi.

✔️ Bunda talaba o'zi o'qiyotgan OTM bilan hamkor bo'lgan xorij yoki boshqa viloyatdagi OTMlaridan birida ma'lum muddat o'qib qaytishi mumkin.

Almashinuv dasturlari qisqa – 1 haftadan 3 oygacha, uzoq – 6 oydan bir yilgacha bo'lishi mumkin.

📃 Talabalarni o'zaro almashtirish dasturi – bu turli ta'lim muassalari o'rtasida talabalarni o'zaro ma'lum muddatga almashtirish bo'yicha tuziladigan kelishuvdur. Bu kabi dasturlar oliygoh talabalarini 1 yoki 2 o'quv semestri davomida xorijda o'qish imkonini beradi. Talabalar almashinuvi oliygohlar orasida tuzilgan hamkorlik shartnomalari asosida amalga oshiriladi.

Bu orqali talaba boshqa viloyat yoki xorijiy OTMda bilim almashish imkoniyatiga ega bo'ladi.

@ofis_registratori

#Eslatma

📌 Talaba va o‘quvchilar uchun qishki ta’til qachon tugaydi

OTM talabalariga va kollej, litsey, texnikum o'quvchilariga 7-yanvar dam olish tugab, 8-yanvardan o'qish kuni boshlanadi.

Maktab o'quvchilariga esa 12-yanvar kuni dam olish tugab, 13-yanvardan o'qish boshlanadi.

❓Yotoqxonalar qachondan ochiladi?

Yotoqxona qachondan ochilishini o'zingiz ta'lim olayotgan OTMdan yoki tyutorlaringizdan so'raganingiz maqsadga muvofiq bo'ladi. Sababi hammada har xil vaziyat, qaysidir OTMlarda 5dan, qaysidir OTMlardan 3dan, yana qaysidir OTMlarda 6-7-yanvardan ochilishi mumkin!

Obuna bo’ling👉 @ofis_registratori