Nodavlat oliygohlar

#rasmiy_munosabat

Respublika oliy ta’lim kengashi majlisining bayoni bo‘yicha rasmiy munosabat

Respublika oliy ta’lim kengashi nodavlat notijorat tashkiloti sifatida faoliyat yuritib, davlat funksiyalarini amalga oshirmaydi va qarorlari majburiy kuchga ega emas. U o‘z faoliyatida O‘zbekiston Respublikasi Konstitutsiyasi va qonunlariga amal qiladi hamda faqat tavsiyaviy xarakterga ega takliflar ishlab chiqadi.

Oliy ta’lim, fan va innovatsiyalar vazirligi Kengash tomonidan qabul qilingan qarorlarni nodavlat notijorat tashkilotning ichki ishi sifatida baholaydi.

Shuningdek, vazirlik har qanday moliyaviy harakatlar yoki manfaatlar poymol etilishi holatlari bo‘yicha murojaatlar qabul qilishga va ularni belgilangan tartibda ko‘rib chiqishga tayyorligini bildiradi. Barcha murojaatlar asosida tegishli choralar ko‘rilib, qonuniy manfaatlar himoya qilinishi ta’minlanadi.

Batafsil: https://gov.uz/oz/edu/news/view/31606

@Nodavlat_oliygohlar – nodavlat oliygohlar haqida so'nggi ma'lumotlar bazasi

❗️O‘qituvchilarning maoshidan qo‘lingizni torting, iltimos

Respublika Oliy ta’lim kengashining hozircha rasman e’lon qilinmagan 29-noyabrdagi bayonnomasiga ko‘ra, oliy ta’limdagi o‘qituvchilarning bir kunlik ish haqini ushlab qolish haqida ham band bor ekan.

Unda aytilishicha, 2025-yil yurtimizda "Atrof-muhitni asrash va "yashil iqtisodiyot" yili" deb e’lon qilingani munosabati bilan ko‘chat ekish, ko‘kalamzorlashtirish va obodonlashtirish ishlariga oliy ta’lim tizimidagi rahbar hamda professor-o‘qituvchilarning bir kunlik ish haqini "Yashil makon" umummilliy loyihasiga yo‘naltirish tashabbusi ma’qullanibdi.

Bu tashabbusni kim bergan deysizmi? Albatta, yana o‘sha oliygoh rektorlari bergan emish. Qaysi rektorlar bu tashabbusni bildirgani ma’lum emas. Lekin agar shunaqa rektorlar rostdan bor bo‘lsa, unda nomard ekan. Agar o‘sha rektorlarni ko‘rib qolsam "Xohlasangiz o‘zingizning ish haqingizni 100 foizini o‘tkazib beravering, bu sizning ishingiz, lekin o‘qituvchilarning oyligiga ko‘z olaytirmang va birovning puliga xo‘jayinchilik qilmang" degan bo‘lardim.

PROFESSOR-O‘QITUVCHILARGA ESLATMA:

❗️Agar xodim o‘zi rozi bo‘lmasa, ko‘chat ekish yoki obodonlashtirish uchun ish haqidan ushlab qolinishi mumkin emas!!!

Chunki, Mehnat kodeksining 269-moddasiga ko‘ra xodimning yozma roziligi bo‘lmay turib uning ish haqidan ushlab qolinishi mumkin emas. Shuningdek, mazkur moddada ish haqidan xodimning roziligisiz ham ushlab qolinishi mumkin bo‘lgan holatlar sanab o‘tilgan bo‘lib, ular orasida "Yashil makon" umummilliy loyihasi nazarda tutilmagan!

Rozilik deganda har bir xodimning yozma roziligi nazarda tutiladi. Ko‘p holatlarda shunchaki tashkilot xodimlarining jamoasi nomidan bitta umumiy bayonnoma qilinib, xuddiki o‘sha majlisda hamma xodim qatnashgan-u, 1 kunlik ish haqini berishga rozi bo‘lgani haqida yozib qo‘yiladi. Lekin aksariyat xodimlar buni bilmaydi ham. Aslida bu ham noto‘g‘ri, bunaqa usul bilan xodimlarning ish haqidan ushlab qolish NOQONUNIY! Har bir xodim o‘zi shaxsan 1 kunlik ish haqini ushlab qolishga rozi ekanligi haqida imzo chekishi SHART!

Agar qaysidir oliygohning buxgalterlari Respublika Oliy ta’lim kengashining bayonnomasini pesha qilib, har bir professor-o‘qituvchining alohida yozma roziligini olmasdan, yoppasiga hammaning 1 kunlik ish haqini "Yashil makon" loyihasiga o‘tkazib yuborsa, o‘sha buxgalterga nisbatan jinoiy ish ochish kerak, deb hisoblayman.

✅ Hurmatli ustozlar,

Ko‘chat ekin, obodonlashtirish — bu xayrli o‘zbekona urf-odatimiz. Imkoningiz bo‘lsa, bunaqa ishlarda albatta qatnashing, atrofimizni yashillashtirishda faol bo‘ling. Dinimizda ko‘chat ekishning savobi ham katta.

Ammo 1 kunlik ish haqingizni qayergadir o‘tkazish yoki o‘tkazmaslikni o‘zingiz hal qiling. Bu sizning mutlaq ixtiyoringiz. Chunki siz u pulni peshona teringiz bilan halol ishlab topgansiz, ko‘chadan supurib olayotganingiz yo‘q. O‘zgalar sizdan so‘ramasdan uni ishlatishiga haqqi yo‘q. Shuni bilib qo‘ysangiz, yomon bo‘lmasdi. Haq olinur, berilmas!

Gap pulning qanchaligida ham emas, shunchaki o‘qituvchining va o‘zi umuman istalgan kasb egasining qadri bo‘lishi kerak. Uning puliga hech kim tegmasligi shart! Bu juda muhim, prinsipial masala.

Imkoni bo‘lsa, tashkilotingiz buxgalterini oldindan ogohlantirib qo‘ying, sizning yozma roziligingizni olmasdan ish haqingizning 1 tiyiniga ham teginmasin.

©Xushnudbek Xudayberdiyev

@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Nodavlat oliygohlar uchun qo'shimcha 4%lik "yig'im" joriy etilishi mumkin

Iqtisodchi-ekspert Yuliy Yusupovning yozishicha, nodavlat oliy ta’lim muassasalari tomonidan moliya yili yakunida to‘lov-kontrakt shaklida o‘qitishdan tushadigan mablag‘ning mazkur mablag‘lar bo‘yicha moliya yili oxiriga qoldig‘ining 4% qismini Respublika oliy ta’lim kengashiga yo‘naltirish amaliyotini joriy qilish to‘g‘rida nodavlat OTM rahbarlari “taklif kiritibdi”. Ekspertning fikricha, ushbu protokol bilan “ixtiyoriy-majburiy” soliq joriy qilinmoqda.

Agar bu tartib amalda joriy qilinsa, nodavlat oliygohlarda kontrakt summasining oshishiga olib kelishi mumkin.

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Osiyo xalqaro universiteti XALQARO ALOQALAR bo'limiga vakansiyalar e'lon qiladi!

TALABLAR:
➡️ Oliy ma'lumotga ega bo'lishi
➡️ Ingliz tilini mukammal bilishi
➡️Xalqaro loyihalar va dasturlarni tayyorlab bilishi
➡️ Bilim va ko'nikmaga ega bo'lishi
➡️ Xalqaro darajadagi sertifikatga ega bo'lishi
➡️ Mas'uliyat hissi

Hujjatlaringizni (obyektivka, diplom, passport) https://vacancy.oxu.uz sayti yoki @gulnozaklicheva ssilkasi orqali topshirishingiz mumkin!

💰Ish haqqi:
💵5 000 000 – 7 000 000 + bonus

📅 Ish rejimi:
6 kunlik soat 9⁰⁰dan 18⁰⁰gacha, yakshanba dam olish kuni.

Murojaat uchun:
📞+998934710001
📍Buxoro shahar, G'ijduvon ko'chasi 74 uy

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Britaniyaning nufuzli universiteti Oʻzbekistonda oʻz filialini ochmoqchi

Oʻzbekiston elchisi Ravshan Usmonov Britaniyaning Esseks universitetining xalqaro hamkorlik masalalari boʻyicha prorektori Vanessa Potter bilan uchrashuv oʻtkazdi.

Esseks universiteti 1964-yilda tashkil etilgan. Taʼlim muassasasi Britaniya hukumatiga tegishli. Hozirgi kunda mazkur oliy taʼlim muassasasida salkam 17 ming talaba tahsil olmoqda.

Muassasada 2562 nafar professor-oʻqituvchilar faoliyat yuritadi. Bu yerda talabalarga muhandislik va fizika sohalaridan tashqari biznes boshqaruvi, ijtimoiy fanlar va IT yoʻnalishlarida saboq beriladi.

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Rasman: Qashqadaryoda 4 ta davlat oliygohlari tugatilmoqda

Qarshi muhandislik-iqtisodiyot instituti, Qarshi irrigatsiya va agrotexnologiyalar instituti, Toshkent axborot texnologiyalari universitetining Qarshi filiali hamda Toshkent kimyo-texnologiya institutining Shahrisabz filiali tugatilib, ularning negizida Qarshi davlat texnika universiteti tashkil etiladi.

📁 Muhandislik, geologiya, ishlab chiqarish, qurilish, transport, energetika, axborot texnologiyalari va dasturlash, xizmat ko‘rsatish hamda irrigatsiya tizimlari va agrotexnologiyalar sohalari bo‘yicha kadrlar tayyorlash, qayta tayyorlash va ularning malakasini oshirish universitetning asosiy vazifalaridan biri etib belgilandi.

🗓 2025/2026-o‘quv yilidan:

🔹qayta tiklanuvchi energiya manbalari, ekologiya va atrof-muhit muhofazasi va atrof-muhit muhandisligi yo‘nalishlarida kadrlar tayyorlash salmog‘i oshiriladi;

🔸talabalarning fanlarni o‘zlashtirish ko‘rsatkichini va professor-o‘qituvchilarning faoliyat samaradorligini xalqaro standartlar asosida baholash tizimi joriy etiladi;

♦️Ta’lim xizmatlari markazi tashkil etib, talabalarga o‘qish davomida yuzaga keladigan tashkiliy va huquqiy masalalar bo‘yicha barcha zarur xizmatlarning “yagona darcha” tamoyili asosida ko‘rsatilishi yo‘lga qo‘yiladi;

🔹iqtidorli talabalar uchun darslar xorijiy tillarda o‘qitiladigan alohida guruhlar tashkil etiladi.

📚 Yuqoridagi OTMlarda tahsil olayotgan barcha talabalar o‘qishini Universitetda davom ettiradi va 2024/2025 o‘quv yilidan bitiruvchi kurs talabalariga Qarshi davlat texnika universitet diplomi beriladi.

❕Eslatib o'tamiz, avvalroq respublikadagi 20 ta davlat oliygohlari tugatilishi haqida xabar berilgan edi.

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Nodavlat ta'lim muassasalarining ham talaba va o‘quvchilari uchun qishki ta’til 25-dekabrdan boshlanadi

Vazirlar Mahkamasining qarorida belgilangan vazifalar ijrosini ta’minlash maqsadida Oliy taʼlim, fan va innovatsiyalar vazirligining tegishli buyrugʻi bilan oliy taʼlim tashkilotlari talabalari, texnikum, kollej, kasb-hunar maktabi va akademik litseylar oʻquvchilariga joriy oʻquv yili uchun beriladigan qishki taʼtil 2024-yilning 25-dekabridan 2025-yilning 7-yanvariga qadar (shu kuni ham) etib belgilandi.

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

Davlat oliygohlari aytilganichalik zo'r, nodavlat oliygohlar esa ta'riflanganichalik yomon bo'lmasligi mumkin.

Eshitganlaringizga emas, ko'rganlaringizga ishoning....

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Digital universiteti apelyatsiya shikoyati qanoatlantirildi

Bugun Toshkent shahar sudi “Digital university” MCHJ kiritgan appelyatsiya shikoyatini ko'rib chiqdi. Sud javobgar MCHJ foydasiga qaror chiqarib, birinchi instansiya qarorini bekor qildi.

Avvalroq Oliy ta'lim, fan va innovatsiyalar vazirligi birinchi instansiyada yutib, litsenziya bekor qilingani haqida bayonot bergan edi.

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

📚 Imtiyozli Ta’lim Kreditlari: Talabalar uchun Imkoniyatlar!

🏦 Kredit olish mumkin bo‘lgan banklar:

🏦 Turonbank – batafsil ma'lumot;
🏦 Xalq banki – batafsil ma'lumot;
🏦 Agrobank – batafsil ma'lumot;
🏦 O‘zSQB – batafsil ma'lumot;
🏦 O‘zmilliybank – batafsil ma'lumot;
🏦 Hamkorbank – batafsil ma'lumot;
🏦 MKBank – batafsil ma'lumot;
🏦 BRB – batafsil ma'lumot.

📱 "Хazna" yoki "Quant" mobil ilovalari orqali uydan chiqmay kredit rasmiylashtirish mumkin!

✅ Sirtqi va Super-Kontraktlar uchun:

🏦 O'zmilliybank;
🏦 Biznesni rivojlantirish banki.

⏰ Kontrakt to‘lash muddati 1 dekabrgacha uzaytirilgan!

Batafsil ma’lumot olish uchun yuqorida yozilgan bank nomlari ustiga bosing.

☎️ Banklarning telefon raqamlari

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Ta'lim krediti xususiy oliygoh talabalari uchun ham ajratiladi

Prezidentning 2022-yildagi 323-sonli qaroriga muvofiq, ta'lim krediti O‘zbekiston Respublikasida faoliyat yuritayotgan barcha xususiy, xorijiy va davlat oliy va professional ta’lim tashkilotlarida kunduzgi ta’lim shaklida tahsil olayotgan talabalarga imtiyozli ta'lim krediti ajratiladi.

☝️E'tibor qilamiz, xususiy va xorijiy ta'lim tashkilotlari uchun ham IMTIYOZLI ta'lim krediti ajratilishi ko'rsatib o'tilgan.

🔰Bundan tashqari, PF-87-son Farmoniga binoan, xotin-qizlar uchun 0%, yigitlarga markaziy bankning asosiy (13,5%) stavkasiga ko'ra ajratiladi.

✅Demak-ki, qaysidir bank tomonidan xususiy oliygohlar uchun ta'lim krediti ajratishni rad etish yoki imtiyozli bo'lmagan shartlarda ta'lim krediti ajratamiz deyish mutlaqo qonun buzilishi hisoblanadi.

Agarda sizda yuqoridek holat kuzatilsa, Bosh Prokuraturaning 1007 ishonch telefoniga murojaat qilishingiz mumkin.

🌐@Nodavlat_oliygohlar – nodavlat oliygohlar haqida so'nggi ma'lumotlar bazasi

#rasmiy_bayonot

Toshkent tumanlararo iqtisodiy sudining 2024-yil 10-oktabrdagi hal qiluv qarori bilan litsenziya talab va shartlariga amal qilmaganligi uchun “Digital university” masʼuliyati cheklangan jamiyatiga 2022-yil 13-sentabrda nodavlat taʼlim xizmatlarini koʻrsatish faoliyati uchun berilgan 038673-sonli litsenziya bekor qilindi.

☑️@Nodavlat_oliygohlar – nodavlat oliygohlar haqida so'nggi ma'lumotlar bazasi