#Longread
Ko‘pchilik hali ham shunday o‘ylaydi: qiz bola faqat uy ishlari, turmush va bola tarbiyasi bilan cheklanib qolishi kerak. Ammo bugungi kun real holatini ko‘raylik: dunyo o‘zgaryapti. Ayollar – olima, muhandis, shifokor, tadbirkor, o‘qituvchi, yozuvchi, hatto prezident bo‘lishyapti. Demak, biz ham o‘zimizga berilgan imkoniyatlarni qadrlashimiz, ulardan to‘liq foydalanishimiz kerak.
O‘qish – bu nafaqat diplom uchun, bu ongni ochish, dunyoni anglash, o‘zingni topish yo‘li. Ilm sani mustaqil qiladi, fikrlash doirangni kengaytiradi, hayotda qadam bosayotganingda yo‘ldosh bo‘ladi. O‘qish nafaqat kelajakdagi kasbing, balki hayotingdagi qadriyatlaringni belgilaydi.
Qiz bola ilmli bo‘lsa, u og‘ir vaziyatda chorasiz qolmaydi. Oila quradi, albatta. Ammo o‘z kasbi bo‘lsa, hayot uni qayerga olib borishidan qat’i nazar, u har doim o‘zini oyoqqa tura oladi. Bolasiga ham, jamiyatga ham foydasi tegadi.
Karyera qilish – bu erkaklarga xos tushuncha emas. Bu o‘z salohiyatini to‘liq ochish, jamiyatda o‘z izini qoldirish demakdir. Kimdir tabib bo‘lib inson hayotini saqlab qoladi. Kimdir muallim bo‘lib kelajak avlodni tarbiyalaydi. Kimdir jurnalist bo‘lib haqiqatni yozadi. Qiz bola ham bunga qodir. Faqat yurakda ishonch bo‘lsa kifoya.
To‘g‘ri, ba’zida o‘qish og‘ir bo‘ladi, charchaysan. Karyera qurishda to‘siqlar bo‘ladi, odamlar tanqid qiladi. Ammo shuni esla: har bir urinish, har bir yutqizilgan kecha sani kuchliroq qiladi. Hech kim sani emas, faqat san o‘zingni orqaga torta olasan. Shuning uchun, o‘zingga ishongin. O‘z yo‘lingni topgin. Vaqtingni bekorga o‘tkazma.
San yaratilgansan. Faqat sevimli inson yoki mehribon ona bo‘lish uchun emas, balki dunyoga bir narsa qo‘shish uchun. Qiz bola sifatida, saning ilmli, mustaqil va o‘z yo‘lini tanlagan inson bo‘lishing – bu ham ibodatdir.
Kelajagingni hech kim sani o‘rningga qurmaydi. Shu bois bugun o‘qi, harakat qil, orzu qil, ibodat qil – ertangi kuning porloq bo‘lishi uchun.
Bu shunchaki kanal eganising shaxsiy firklari edi.
#Madina
