Ma’rifat maskanda o‘tkazilgan navbatdagi Ma’naviyat va ma’rifat Kengashi yig‘ilishida "Ma’naviyat stipendiyasi" asosida Namangan viloyati hokimligi, Respublika Ma’naviyat va ma’rifat markazi viloyat bo‘limi, Davlat xizmatini rivojlantirish agentligi viloyat boshqarmasi va bir qator tashkilotlar hamkorligida tashkil etilgan  7 yo‘nalishdagi tanlovda bir guruh fidoyi ma’naviyatchi pedagoglar, o‘quvchi-talabalar, davlat xizmati vakillari jami 21 nafar yoshlar munosib taqdirlandilar.

Unda “Davlat va jamiyat hayotidagi faol yosh” tanlovi bo‘yicha “Eng ma’rifatli va bilimdon o‘quvchi”, “Eng ma’naviyatli yosh o‘qituvchi”, “Eng faol davlat xizmatchisi”,  “Eng iqtidorli talaba”, “Eng fidoiy muallim”,  “Eng mohir sportchi”, “Eng yaxshi tibbiyot xodimi” nominatsiyalarida 3 nafardan yoshlarga maxsus statuetka va pul mukofotlari tantanali ravishda topshirildi.