Namangan muhandislik-texnologiya institutida UNICEFning Ureport loyihasi doirasida qiziqarli targ‘ibot tadbiri bo'lib o'tdi.
Ureport – bu yoshlar bilan bevosita aloqada bo‘lish, ularning fikrlarini eshitish va ijtimoiy muammolarni hal qilishga qaratilgan interaktiv platforma hisoblanadi. Ushbu loyiha yoshlarning ijtimoiy faolligini oshirish va ularni muhim mavzularda fikr bildirishga undashni maqsad qiladi.
Tadbir davomida Ureport platformasining imkoniyatlari, uning qanday ishlashi va yoshlar bu platforma orqali qanday hissa qo‘shishi mumkinligi to‘g‘risida mehmonlar tomonidan qiziqarli ma’lumotlar taqdim etildi. Yoshlar Ureportga a'zo bo‘lish orqali o‘z fikrlarini milliy va xalqaro darajada bildirish imkoniyatiga ega bo‘ladilar.
Tadbir yakunida faol ishtirok etgan talabalar esdalik sovg‘alari bilan taqdirlandilar, bu esa ularning loyihada yanada faol qatnashishlariga rag‘bat bo‘ldi.
🇺🇿
NamMTI yoshlar ittifoqi axborot xizmati
@nammti_yoshlari
