NamMQI rektori

НамМҚИ медиа маркази фотогалереяси: Институт ректори Наманган давлат техника университетини ташкил этиш ҳақидаги Президент қарори бўйича "Ўзбекистон 24" телеканалига интервью бермоқда.

#Муносабат

Техника фанлари ривожида янги босқич бошланмоқда – Шарифжон Эргашев

Жойларда техника университетларининг ташкил этилиши ушбу ҳудудларнинг илмий салоҳияти ўсиши, техника фанларига бўлган қизиқишнинг ортиши ҳамда олий таълим тизими ва ишлаб чиқариш корхоналари ўртасидаги ҳамкорликнинг янада мустаҳкамланишига хизмат қилади.

Батафсил бу ерда

Институт вакиллари «Аёл — тараққиёт тимсоли» мавзусидаги илмий-амалий конференцияда иштирок этди

Оила ва хотин-қизлар қўмитаси ҳузурида «Аёл маърифати» номли илмий-ижодий соҳа вакилларидан иборат Жамоатчилик кенгаши фаолият олиб бормоқда.

Президент ҳузуридаги Давлат бошқаруви академиясида (марказий студия) Жамоатчилик кенгашининг «Аёл — тараққиёт тимсоли» мавзусидаги илмий-амалий конференцияни ўтказилди.

Ушбу конференцияда институтнинг бир қатор профессор-ўқитувчи аёллари ва талаба-қизлар фаол иштирок этди.

Ёшлар орасида психофаол моддаларнинг ноқонуний айланмасига қарши курашиш бўйича услубий қўлланма тақдимот қилинди

Жаҳон иқтисодиёти ва дипломатия университетида «Таълим муассасаларида ёшлар орасида психофаол моддаларнинг ноқонуний айланмасига қарши курашиш ишларини ташкил этиш механизмлари тўғрисида» номли услубий қўлланма тақдимоти бўлиб ўтди.

Унда Наркотикларни назорат қилиш миллий маркази директори Равшан Маматов, Олий таълим, фан ва инновациялар вазири ўринбосари Отабек Маҳкамов иштирок этди.

Мазкур услубий қўлланма олий таълим муассасаларида профилактик тадбирларни тизимли ўтказиш, талабаларни фойдали машғулотларга жалб қилиш, ёшлар орасида гиёҳвандлик ва зарарли одатларга қарши муросасиз муносабатни шакллантиришга хизмат қилиши таъкидланди.

Тадбирда  Zoom платформаси орқали институт биринчи проректори Одилжон Жакбаров, ректор маслаҳатчиси Абдураҳмон Шокиров, декан ўринбосарлари, профессор-ўқитувчилар, тьюторлар, психологлар, профилактика инспектори, "Қалқон" гуруҳи аъзолари қатнашди.