Transport fakultetida talabalar oʻrtasida jinoyatchilik, huquqbuzarlik va giyohvandlikning oldini olishga bagʻishlangan davra suhbati tashkil etildi

Tadbirda Patrul post xizmati inspektori kichik serjant Shavkat Kamolov, Patrul post xizmati inspektori Abror Abdullayev, NamMQI profilaktika inspektori Sirojiddin Shergʻoziyev, Transport fakulteti dekani oʻrinbosari Gʻayratali Tuxliyev soʻzga chiqdi.

Ular tomonidan yuqorida sanab oʻtilgan illatlar, shuningdek, radikalizm va noqonuniy diniy oqimlar taʼsiriga berilishning oldini olish borasida tavsiya va tushunchalar berdi.

Tadbir davomida talabalarning mavzu yuzasidan fikrlari oʻrganildi, koʻplab savollariga javoblar berildi.